Adriana Lastra
.png)
.svg){kind=small}
Adriana Lastra Fernández (30 de marzu de 1979, Uviéu) ye una política asturiana del PSOE.[2]
Biografía
[editar | editar la fonte]Nacida en Ribeseya, estudió Antropoloxía Social, pero nun acabó la carrera nin exerció actividá llaboral fuera de la política.[3][4] Afilióse a les Juventudes Socialistas de Ribadesella con 18 años, en 1998, siendo la so secretaria xeneral ente 1999 y 2004, cuando pasa a ser secretaria de Movimientos Sociales y ONG´s, y ente 2008 y 2012, secretaria de Política Municipal de la FSA-PSOE. Nes eleiciones autonómiques de 2007 foi escoyida diputada na Xunta Xeneral del Principáu d'Asturies pola circunscripción oriental, exerciendo como vocera del Grupu Socialista na Comisión de Presidencia, Xusticia ya Igualdá na llexislatura. Foi reelixida nes eleiciones autonómiques de 2011 y nes eleiciones anticipaes de 2012.
Dende'l 27 de xunetu de 2014 hasta ochobre de 2016 foi secretaria de Política Municipal del PSOE.[5]
Nes eleiciones xenerales de 2015, encabezó la llista al Congresu de los Diputaos pol Partíu Socialista Obreru Español nel Principáu d'Asturies, en siendo designada pol Comité Autonómicu de la FSA-PSOE y foi escoyida diputada. La so llista llogró 144 017 votos y 2 diputaos, nos que fueron les peores resultaos históriques del PSOE n'Asturies.
Nes eleiciones xenerales de 2016, encabezó de nuevu la llista al Congresu de los Diputaos pol Partíu Socialista Obreru Español nel Principáu d'Asturies y foi reelixida diputada.
El 1 d'ochobre de 2016, nun polémicu Comité Federal, sometióse a votación la propuesta del secretariu xeneral del PSOE Pedro Sánchez de celebrar d'un Congresu Estraordinariu con calter urxente, p'afitar el so lideralgu y atayar les opciones d'otros posibles aspirantes a liderar el partíu. Opción refugada pola mayoría de los miembros del Comité Federal (132 frente a 107) y qu'acabó cola dimisión de Pedro Sánchez. A partir d'esi momentu Adriana Lastra cesa como secretaria de Política Municipal, xunto col restu de siguidores de Pedro Sánchez, qu'entá permanecíen na direición del partíu.
Dende la so salida de la direición, asitióse nuna postura batallosa y crítica cola Comisión Xestora nomada pol Comité Federal, que dirixe'l Presidente Asturianu Javier Fernández. Acatando con matices la decisión tomada pol Comité Federal, máximu órganu del PSOE ente Congresos.[6]
En siendo reelixíu Pedro Sánchez secretariu xeneral del partíu nes primaries de 2017, nel Congresu celebráu con posterioridá, Lastra foi nomada vicesecretaria xeneral y mano derecha de Sánchez.
Cargos desempeñaos
[editar | editar la fonte]- Secretaria de Movimientos Sociales y ONG´s de la FSA-PSOE (2004-2008).
- Diputada na Xunta Xeneral del Principáu d'Asturies (Dende 2007).
- Secretaria de Política Municipal de la FSA-PSOE
Referencies
[editar | editar la fonte]- ↑ 1,0 1,1 1,2 URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=29&idLegislatura=13. Data de consulta: 18 agostu 2019.
- ↑ «XI Legislatura (2016-Actualidad) Lastra Fernández, Adriana». Congreso de los Diputados.
- ↑ «‘Vividores’ de la política». Asturias Diario (1 d'avientu de 2012).
- ↑ «Eleiciones y “elegidos”». EL FIELATO Y EL NORA (29 de setiembre de 2015).
- ↑ https://www.lne.es/asturias/2014/07/29/adriana-lastra-pide-prudencia-evitar/1621459.html
- ↑ Adriana Lastra será 'número dos' del PSOE
Enllaces esternos
[editar | editar la fonte]
Wikimedia Commons acueye conteníu multimedia sobre Adriana Lastra.
| Control d'autoridaes |
|
|---|
Datos: Q17620225- Multimedia: Adriana Lastra