Antonio Tabucchi (24 de setiembre de 1943, Pisa – 25 de marzu de 2012, Lisboa)[9] foi un escritor italianu, profesor de Llingua y Lliteratura Portugueses na Universidá de Siena.
Fondamente enamoráu de Portugal, foi'l meyor conocedor, críticu y traductor italianu del escritor portugués Fernando Pessoa. Tabucchi conoció la obra de Pessoa nos años sesenta, na Sorbona, fascinábalu de tal forma qu'al tornar a Italia acudió a clases de portugués pa pescanciar meyor al poeta.
Los sos llibros fueron traducíos en dieciocho países. Xunto a María José de Lancastre, la so muyer, traduxo al italianu munches de les obres de Pessoa. Escribió, arriendes d'ello, un llibru d'ensayos y una comedia teatral sobre él.
Algamó'l premiu francés "Médicis étranger" pola so novela Notturno Indiano, y el premiu Campiello por Sostiene Pereira.
Dellos de los sos llibros más conocíoos son Notturno Indiano, Piccoli equivoci senza importanza, Un baule pieno di gente, Gli ultimi tre giorni di Fernando Pessoa, Sostiene Pereira, La testa perduta di Damasceno Monteiro y Si sta facendo sempre più tardi. Varios de los sos llibros fueron llevaos al cine, ente los que destaca Sostiene Pereira, donde Marcello Mastroianni fai una de les sos últimes interpretaciones, en 1995, sólo un añu anantes del so fallecimientu.
En 2004 recibió n'España'l Premiu Francisco Cerecedo de periodismu.