Atentaos en Cataluña en 2017

Atentaos en Cataluña en 2017
Llocalización
País España
Autonomía Cataluña
Llocalización Barcelona
Datos
Parte de yihadismo en España (es) Traducir
Oxetivu peatón (es) Traducir
Armes Fiat Talento (es) Traducir
Fecha 17 d'agostu de 2017
Víctimes
Númberu de firíos 151
Númberu de muertes 14, 1, 1, 5, 2 y 1
Cambiar los datos en Wikidata
Mapa de Les Rambles.

L'atentáu de La Rambla de Barcelona de 2017 ye un ataque terrorista que se produxo'l 17 d'agostu de 2017 nel paséu de La Rambla de Barcelona (Cataluña). Foi un atropellamientu con una furgoneta que percorrió 600 metros na zona central de les Rambles de Barcelona dende la cai Bon Sucesu hasta'l mural de Miró frente al Mercáu de la Boquería.[1] Hores dempués, Estáu Islámicu reivindicó l'atentáu per aciu de l'axencia de noticies Amaq.[2] Confirmáronse 13 muertos y un centenar de firíos, 15 d'ellos graves.[3] Hai dos persones deteníes, una en Ripoll y otra n'Alcanar, y la policía sigue buscando al conductor de la furgoneta. Unu de los deteníos ye de Melilla y otru tien nacionalidá marroquina. Según los Mossos d'Esquadra, taría rellacionáu con una esplosión que causó l'esbarrumbamientu d'una casa n'Alcanar el día 16.[4]

Antecedentes

[editar | editar la fonte]

Dempués de los atentaos del 11 de setiembre de 2001, los Estaos Xuníos d'América empecipiaron la Guerra contra'l terrorismu (War on terror, n'inglés) que se va materializar cola Guerra d'Afganistán y la Invasión d'Iraq de 2003.[5] En respuesta a estes aiciones militares #llevar a cabu distintos ataques terroristes contra los estaos participantes de la coalición: los atentaos de Madrid del 11 de marzu de 2004 y los atentaos de Londres del 7 de xunetu de 2005.[6]

Dende 2007 dellos informes de los servicios d'intelixencia empezaron a señalar a Cataluña como un centru neurálxicu d'actividá de grupos estremistes yihadistes nel Mediterraneu. Dalgunos d'estos informes, asoleyaos por Wikileaks en 2009, rellacionaben l'estremismu cola inmigración.[7]

Axentes de la Guardia Civil deteniendo a dos persones en Arbucias acusaes de financiar al Dáesh en 2016.[8][9]

Col españíu de la Guerra Civil Siria, yihadistes de la insurxencia iraquina dempués de 2011 entamáronse y en 2014 proclamaron l'Estáu Islámicu, qu'entamaría y fomentaría una nueva folada d'atentaos n'Europa, como los de Niza y Bruxeles en 2016 o'l de Londres en 2017.[10] Progresivamente, a midida que el Dáesh perdía territoriu, camudaron de táctica y empezaron a promover ataques rápidos y ensin preparación previa, con cuchiellos, esplosivos caseros o con vehículos-ariete.[11]

Mientres esta folada d'atentaos perpetaos por terroristes del Estáu Islámicu, cuerpos de los servicios d'intelixencia de los Estaos Xuníos constataron que Cataluña yera un puntu prioritariu na llucha contra'l terrorismu. Poro, en 2015, axentes de la CIA esplegáronse pel territoriu, coordinaos col Consuláu Xeneral de los EE.XX. en Barcelona, trabayando principalmente nes llocalidaes de Tarragona y Barcelona, onde se constató que los yihadistes teníen más enraigono y amosaben más actividá.[12] Na mesma fecha, l'Estáu Islámicu amenació a la capital catalana enseñando la Sagrada Familia n'unu de los sos videos propagandísticos.[13]

Simultáneamente, ente los años 2012 y 2016, en Cataluña detuviéronse un total de 62 persones en 31 operaciones por presunta vinculación col terrorismu yihadista, según datos del Ministeriu del Interior d'España (una tercer parte de los 186 deteníos por esti motivu, fueron arrestaos nel restu del estáu español). La cifra más alta de deteníos, 50 en 22 operaciones, prodúxose nes contornes barceloneses.[14] Entá asina, primero que se fundara Dáesh, el yihadismu yá tenía una presencia importante en Cataluña (con un 33,3% de los sentenciaos por terrorismu yihadista n'España).[15]

Ataque

[editar | editar la fonte]
La Rambla.

Alredor de les 17:00 (UTC+2) del 17 d'agostu de 2017, una furgoneta Fiat Talentu embistió a delles persones nel paséu de La Rambla de Barcelona, pol qu'avanzó un total de 600 metros faciendo zigzag na zona central.[16][17] Los Mozos d'Escuadra activaron la operación «xaula 1» pa torgar que l'atacante fuxera. Amás, activaron un dispositivu pa casos d'atentáu terrorista peracabáu». Primeramente, reportáronse dos muertos y dellos mancaos.[18] Tamién s'informó que fueron dos los autores y unu atrincheráu nun chigre cercanu al llugar, datos que darréu se desmienteron.[19]

La policía acordonó l'área y desallugó la Plaza de Cataluña a les 17:34 hores. Amás cerráronse establecimientos comerciales y detúvose el tresporte públicu.[20] Na primer conferencia de prensa al respeutu, Joaquim Forn, conseyeru d'Interior, confirmó un muertu y 32 mancaos.[21] Sicasí, diversos medios reportaron primeramente hasta 14 finaos. Más tarde, a les 23:00 hores, Forn anunció que'l recuentu oficial de muertos y mancaos yera de 13 muertos y un centenar de mancaos.

Alredor de les 20:00 hores, los Mozos d'Escuadra negaron qu'hubiera dalguna persona atrincherada nun chigre según estendiérase en rumores y confirmaron la detención d'un sospechosu. Per otru llau un axente de policía foi pilláu nun puntu de control na avenida Diagonal. Reportóse la muerte del sospechosu, al que se-y intentó detener a tiros. En rueda de prensa Mozos d'Escuadra confirmó que nun tenía rellación col atentáu.

Tirotéu en Cambrils

[editar | editar la fonte]

Pasada la medianueche los Mozos de Esquadra informaron que punxera en marcha un dispositivu policial en Cambrils y que la población tenía que permanecer nes sos cases y evitar l'espardimientu de rumores, que podríen interferir col operativu policial.[22] Darréu fontes policiales informaben de posible atentáu terrorista» ensin apurrir más detalles. Dellos testigos aseguren que dempués d'un atropellu escucháronse tiros nel paséu marítimu de la población, al altor del Club Náuticu.[23]

Conexón con Alcanar

[editar | editar la fonte]

A les 20:45 hores, dellos medios informaron que la policía taba buscando dos persones rellacionaes col ataque y que se detuviera a una tercer persona.[24] Josep Lluís Trapero compareció poco primero de les 11 de la nueche y rellacionó los fechos con una esplosión en Alcanar que tuviera llugar la nueche anterior, na cual morrió una persona y resultaron mancaes otros siete.[25] Una de les hipótesis baraxaes sería que se taba preparando un atentáu con bombones de butanu y que dalgún tipu d'error produció una esplosión casual.[26] Per otra parte, Trapero negó'l fechu que l'individuu fuera armáu al salir de la furgoneta. Declaró que nun podía dar muncha más información yá que la investigación inda ta en cursu.[27]

Deteníos

[editar | editar la fonte]

Les autoridaes identificaron a unu de los autores como Driss Oukabir.[28] Esti presentóse en comisaría y denunció que fuera robada la so documentación apuntando al so hermanu de 17 años anguaño desapaecíu.[29] Fuentes de la investigación indicaron darréu que se trata d'unu de los deteníos. Según l'alcalde de Ripoll, este foi interceptáu pola policía autonómica cuando diba denunciar que-y robaren la documentación. Driss Oukabir taba ficháu pola policía y pasó un tiempu na cárcel de Figueres, d'onde saliera en 2012.[30] Per otru llau, alcontraron en Vic una segunda furgoneta rellacionada col atropellamientu.[31]

Otru de los deteníos foi en Alcanar.[32][33] Na nueche anterior producióse una esplosión nun xalé de Alcanar (na provincia de Tarragona) que quedó totalmente destruyíu y derrumbóse y que causó'l fallecimientu d'una persona y firíes graves a otra, que los Mozos d'Escuadra consideren que taría rellacionáu col atentáu de Les Ramblas de Barcelona.[34]

El conductor de la furgoneta qu'arolló en Les Ramblas a decenes de persones salió corriendo y sigue desapaecíu. Nel so interior alcontróse un pasaporte español d'una persona d'orixe magrebín.

Víctimes

[editar | editar la fonte]
Muertes per ciudadanía
Ciudadanía Fallecimientos
Bandera de Bélxica Bélxica 1[35]
Bandera d'Alemaña Alemaña 3[36]
Desconocíu 9
Total 13

Nel ataque morrieron 13 persones y más d'un centenar resultaron mancaos. Una de les víctimes mortales yera de nacionalidá belga.[37]

Reaiciones

[editar | editar la fonte]

El presidente del Gobiernu d'España, Mariano Rajoy, contautó con Carles Puigdemont, presidente de la Xeneralidá de Cataluña y con otros líderes políticos. Amás, destacó vía Twitter que la prioridá ye «atender mancaos en Les Ramblas y facilitar el llabor de les Fuercies de Seguridá». El País reportó que'l presidente treslladóse a Barcelona xunto a Soraya Sáenz de Santamaría, vicepresidenta d'España, y Juan Ignacio Zoido, ministru del Interior.[38] El Conceyu de Barcelona anunció l'activación del Plan Básicu d'Emerxencies.[39]

Pela so parte, diversos dirixentes y políticos espresaron la so condena y solidaridá con Barcelona, como ye'l casu del presidente de Francia, Emmanuel Macron, el primer ministru d'Italia, Paolo Gentiloni, el primer ministru y el presidente de Portugal, António Costa y Marcelo Remonto de Sousa respeutivamente, el primer ministru de Canadá, Justin Trudeau, el presidente de la Comisión Europea, Jean-Claude Juncker, el presidente d'Estaos Xuníos, Donald Trump, el presidente d'Arxentina, Mauricio Macri, el presidente de Méxicu, Enrique Peña Nieto, la presidenta de Chile Michelle Bachelety[40] los alcaldes de París, Anne Hidalgo, y Londres, Sadiq Khan.[41][42][43][44]

Bibliografía

[editar | editar la fonte]

Referencies

[editar | editar la fonte]
  1. ↑ Topping, Alexandra (17 d'agostu de 2017).
  2. ↑ «L'Estat Islàmic reivindica l'atemptat de Barcelona».
  3. ↑ «Un atropello masivo deja 13 muertos en un atentado en la Rambla de Barcelona».
  4. ↑ CCMA (ed.): «Els Mossos consideren que l'atemptat de Barcelona està "connectat" amb l'explosió d'ahir a Alcanar» (catalán) (18 d'agostu de 2017). Consultáu'l 18 d'agostu de 2017.(catalán) (18 d'agostu de 2017). Consultáu'l 18 d'agostu de 2017.
  5. ↑ «Els EUA i la inacabable guerra contra el terrorisme» (catalán) (22 de payares de 2015). Consultáu'l 17 d'agostu de 2017.
  6. ↑ «Els atacs de París, el segon pitjor atemptat de la història en una ciutat d'Europa» (catalán) (14 de payares de 2015). Archiváu dende l'orixinal, el 2017-08-18. Consultáu'l 17 d'agostu de 2017.
  7. ↑ EFE (ed.): «Els EUA consideren que Catalunya acull el principal focus de l'islamisme radical a la mediterrània» (catalán) (11 d'avientu de 2010). Consultáu'l 17 d'agostu de 2017.(catalán) (11 d'avientu de 2010). Consultáu'l 17 d'agostu de 2017.
  8. ↑ Europa Press (ed.): «Detinguts a Arbúcies dos germans marroquins acusats de finançar Daeix» (catalán) (27 de xunetu de 2016). Consultáu'l 17 d'agostu de 2017.(catalán) (27 de xunetu de 2016). Consultáu'l 17 d'agostu de 2017.
  9. ↑ «Detinguts a Arbúcies dos germans acusats de finançar Estat Islàmic» [Detenidos en Arbucias dos hermanos acusados de financiar al Estado Islámico].
  10. ↑ «Estat Islàmic: del califat a la jihad global» (catalán) (27 de marzu de 2016). Consultáu'l 17 d'agostu de 2017.
  11. ↑ «Estat Islàmic prepara el postcalifat amb una nova manera d'atemptar» (catalán) (4 de xunu de 2017). Consultáu'l 17 d'agostu de 2017.
  12. ↑ «La CIA es reforça a Catalunya» (catalán) (8 d'agostu de 2016). Consultáu'l 17 d'agostu de 2017.
  13. ↑ «Estat Islàmic amenaça ara un important monument català» (catalán) (8 d'agostu de 2016). Consultáu'l 17 d'agostu de 2017.
  14. ↑ «Catalunya és un dels bressols més importants del gihadisme de l'Estat espanyol» (catalán) (18 d'ochobre de 2016). Consultáu'l 17 d'agostu de 2017.
  15. ↑ «Catalunya, focus del jihadisme a l'Estat» (catalán) (30 de xunetu de 2016). Consultáu'l 17 d'agostu de 2017.
  16. ↑ Lo que se sabe del atentado en La Rambla de Barcelona. 17 d'agostu de 2017. https://politica.elpais.com/politica/2017/08/17/actualidad/1502984144_099524.html. Consultáu'l 17 d'agostu de 2017. 
  17. ↑ «Lo que sabemos y no sabemos del atentado en Barcelona». 20 minutos. 17 d'agostu de 2017.
  18. ↑ «Confirman un segundo muerto en el atropello de Las Ramblas».
  19. ↑ «Uno de los terroristas se atrinchera en un bar de las Ramblas, armado y con rehenes».
  20. ↑ «Un atentado en Barcelona provoca varios muertos».
  21. ↑ «Atentado en Barcelona | Direuto: Varios muertos y más de un centenar de heridos en un atentado terrorista en La Rambla». 20 minutos. 17 d'agostu de 2017.
  22. ↑ «Operatiu policial a Cambrils en marxa de matinada. Demanen que la gent no surti al carrer» (catalán) (18 d'agostu de 2017). Consultáu'l 18 d'agostu de 2017.
  23. ↑ Pau Esparch (ed.): «Tiroteig a Cambrils després d'un altre atropellament» (catalán) (18 d'agostu de 2017). Consultáu'l 18 d'agostu de 2017.(catalán) (18 d'agostu de 2017). Consultáu'l 18 d'agostu de 2017.Pau Esparch (ed.): «Tiroteig a Cambrils després d'un altre atropellament» (catalán) (18 d'agostu de 2017). Consultáu'l 18 d'agostu de 2017.
  24. ↑ «La furgoneta de l'atac de Barcelona ha recorregut uns 550 metres fent esses per la Rambla» (catalán) (17 d'agostu de 2017). Consultáu'l 18 d'agostu de 2017.
  25. ↑ «Lo que se sabe del atentado en La Rambla de Barcelona» (17 d'agostu de 2017). Consultáu'l 18 d'agostu de 2017.
  26. ↑ «No es descarta que hi hagi un altre mort en l'explosió d'un habitatge a Alcanar» (catalán) (17 d'agostu de 2017). Consultáu'l 18 d'agostu de 2017.
  27. ↑ (17 d'agostu de 2017). Consultáu'l 18 d'agostu de 2017.
  28. ↑ «La policía identifica a uno de los autores del atentado de Las Ramblas de Barcelona». 20 minutos. 17 d'agostu de 2017.
  29. ↑ Barroso, F. Javier (2017-08-17).
  30. ↑ Agencias, F. Javier Barroso, (2017-08-18).
  31. ↑ «La segunda furgoneta, localizada en Vic».
  32. ↑ GIRONA, GUILLEM SÁNCHEZ / VÍCTOR VARGAS / MARIA JESÚS IBÁÑEZ / CARMEN JANÉ / MARÍA (2017-08-17).
  33. ↑ «Los autores del atentado vinculados a explosiones en Alcanar».
  34. ↑ «Nueve heridos en la segunda explosión en Alcanar Platja (Tarragona)». www.efe.com.
  35. ↑ «Attaque terroriste à Barcelone : un Belge parmi les victimes» (francés). Le SoirLe Soir (2017-08-17).
  36. ↑ «Terroranschlag mit Transporter auf La Rambla in Barcelona: Tote, Verletzte» (alemán).
  37. ↑ «Zeker één Belgisch slachtoffer bij aanslag Barcelona».
  38. ↑ «Rajoy contauta colos líderes políticos para facilitarles información».
  39. ↑ «Un atropello masivo deja 12 muertos en un atentado en la Rambla de Barcelona».
  40. ↑ «Bachelet rechazó atentado en Barcelona y solidarizó con las víctimas».
  41. ↑ «Marcelo e Costa condenam "ato terrorista" em mensagem conjunta ao rei e a Rajoy».
  42. ↑ «Statement by the Prime Minister on terrorist attack in Barcelona».
  43. ↑ «Mauricio Macri: "Estoy consternado por el atentado terrorista que golpeó hoy Barcelona"» Archiváu 2017-08-18 en Wayback Machine.
  44. ↑ «Ola de solidaridad con Barcelona por todo el mundo».

Enllaces esternos

[editar | editar la fonte]