Cow Palace


Cow Palace
sala multipropósito (es) Traducir, sala de conciertos y sala d'espectáculos
Llocalización
PaísBandera de Estaos Xuníos d'América Estaos Xuníos
Estaos California
Condáu condáu de San Francisco
Ciudá-condáu consolidada San Francisco
Coordenaes 37°42′24″N 122°25′07″W / 37.706666666667°N 122.41861111111°O / 37.706666666667; -122.41861111111
Cow Palace alcuéntrase en los EE.XX.
Cow Palace
Cow Palace
Cow Palace (los EE.XX.)
Historia y usu
Aperturaabril 1941
Dueñu Departamento de Alimentos y Agricultura de California (es) Traducir
Xestión Departamento de Alimentos y Agricultura de California (es) Traducir
Deporte baloncestu
Usuariu San Francisco Bulls (en) Traducir
Aforu 12 953
Web oficial
Cambiar los datos en Wikidata

El Cow Palace (orixinalmente'l California State Livestock Pavilion) ye un pabellón polideportivu asitiáu en Daly City, California, xusto na llende cola vecina San Francisco.

Historia

[editar | editar la fonte]

Construyíu en 1941, foi la sede de los San Francisco Warriors de la NBA ente 1962 y 1964, y darréu ente 1966 y 1971. Tornaron temporalmente los Warriors al Cow Palace p'apostar les Finales de 1975, por cuenta de que el Oakland-Alamea County Coliseum Arena, el so pabellón naquelles feches, taba ocupáu por un espectáculu sobre xelu.

Foi tamién la sede de los San Jose Sharks de la NHL ente 1991 y 1993, mientres la construcción del San Jose Arena.

Eventos

[editar | editar la fonte]

Eventos deportivos

[editar | editar la fonte]

A lo llargo de la so llarga historia, esti pabellón, qu'acueye dende 1941 el denomináu Grand National Rodeo, una de les pruebes de rodeo más importantes del país, allugó distintes cites importantes nel mundu del deporte. Foi la sede en 1960 de la Final Four de la NCAA,[1] na que ganaron los Ohio State Buckeyes de Jerry Lucas.

Foi la sede tamién de les Finales de la NBA de 1964, 1967 y 1975, ganando'l títulu nesa última fecha los Golden State Warriors.[2]

Conciertos y espectáculos

[editar | editar la fonte]

Pol Cow Palace pasaron la gran mayoría de los grandes grupos y solistes de la música actual, según diversos espectáculos como'l circu Ringling Brothers and Barnum & Bailey Circus, qu'actuó ellí ente 1966 y 1999, y más apocayá'l Cirque du Soleil, que vien escoyendo esta cortil nos sos espectáculos nel área de la Badea de San Francisco.[3]

Al respective de la música, nesta cortil The Beatles actuaron dos veces el mesmu día nel so xira estauxunidense de 1965, cuntando con 11.700 espectadores nel so primer conciertu mañaneru, y 17.000 nel que cerraba la xira.[4]

The Rolling Stones tamién actuaron nel Cow Palace na xira americana de 1975.[5] según los Jackson 5 nel so primer xira per Estaos Xuníos en 1970.[6] Amás, la mayor parte de los grandes grupos y cantantes de les últimes décades tocaron nel pabellón. Xente como Metallica, Fleetwood Mac, Depeche Mode, Kiss, Red Hot Chili Peppers, Neil Young, Iron Maiden, Wings, Bon Jovi, Black Sabbath o The Who, ente otros munchos.

Referencies

[editar | editar la fonte]
  1. ↑ news.google.com Cow Palace To Be Site Of Ncaa Basketball Championships in 1960, consultáu en xunu de 2015
  2. ↑ NBA.com 1975 NBA Finals: Golden State 4, Washington 0, consultáu en xunu de 2015
  3. ↑ san-francisco-theater.com COW PALACE, consultáu en xunu de 2015
  4. ↑ beatlesbible.com Live: Cow Palace, San Francisco, consultáu en xunu de 2015
  5. ↑ collectorsmusicreviews.com Rolling Stones – The Complete Cow Palace Tape 1975, consultáu en xunu de 2015
  6. ↑ jackson5abc.com Jackson 5 Concerts, consultáu en xunu de 2015

Enllaces esternos

[editar | editar la fonte]