Fuercies Armaes d'España

Fuercies Armaes d'España
fuercies armaes
Llocalización
Sede	Madrid
Direición	España
Participación empresarial
Formáu por	Exércitu de Tierra d'España Armada Española Exércitu del Aire d'España Unidá Militar d'Emerxencies Guardia Real ^(es) Cuerpos Comunes de las Fuerzas Armadas de España ^(es) Guardia Civil
Bolsa de valores	Ministerio de Defensa ^(es)
Web oficial

Les Fuercies Armaes d'España (FFAA o FAS) son una organización de calter oficial encargada de la defensa nacional d'España. El mandu supremu correspuende al rei d'España, Xuan Carlos I, según l'artículu 62 de la Constitución. Les Fuercies Armaes son miembros activos de la OTAN, del Eurocuerpo y de los Grupos de combate de la Unión Europea.

Actualidad

España nestos momentos tien delles misiones actives nel estranxeru: n'El Líbanu con 1.070 efectivos, en Bosnia y Herzegovina con 250 efectivos y n'Afganistán con 1290 efectivos. N'avientu de 2006, el Gobiernu d'España alcordó caltener en 7.000 el númberu máximu de soldaos esplegaos.

Les Fuercies Armaes Españoles cuntaben a empiezos de 2010 con un númberu averáu de 135.000 militares n'activu (47.500 militares de carrera, 1.500 de complementu y en redol a 86.000 soldaos de tropa y marinería), según 10.000 reservistas voluntarios.^[1][2]

España pertenez a la OTAN dende 1982 y ratificólo en referendu en 1986. Les condiciones fueron l'amenorgamientu de bases aereu y militares norteamericanes allugaes n'España dende 1953, añu en que se roblaren los primeros alcuerdos con EEXX dende la Segunda Guerra Mundial, y la non integración nel aparatu militar de l'Alianza Atlántica. Dambes siguen ensin cumplise. Dende la llegada de la democracia, el contautu direutu con naciones democrátiques, la progresiva introducción d'España nos asuntos internacionales, la profesionalización del Exércitu de Tierra, l'Armada y l'Exércitu del Aire, xunto col esfuerciu económicu realizáu, fixeron que les fuercies armaes españoles ameyoraren considerablemente.

Misiones nel estranxeru

Les Fuercies Armaes Españoles tienen unos 2.600 soldaos esplegaos nes cuatro misiones de paz actives qu'hai nel estranxeru:

Esplegue español como parte de la ISAF n'Afganistán

• Afganistán: ISAF, misión de la OTAN pa dar sofitu a la operación Llibertá Duradera. España tien 690 soldaos esplegaos principalmente na base de sofitu avanzáu d'Herat, con 430 soldaos, y una Unidá de Reconstrucción Provincial en Qala i Naw, con 187.
• Bosnia y Herzegovina: EUFOR, misión de la Xunión Europea. Con 497 homes en marzu de 2007, yá empezó l'amenorgamientu del contingente en Bosnia, onde se van quedar 250 militares, d'ellos 120 en Sarayevu y el restu van integrar cuatro pequeños grupos d'observación en delles llocalidaes.
• El Líbanu: FINUL, misión de la ONX. Con 1.070 efectivos, ocupa'l tercer puestu ente los países contribuyentes a la operación. Amás, dende xineru de 2010, un xeneral del exércitu español, Alberto Asarta, dirixe'l mandu d'esta fuercia multinacional.^[3]
• Chad. Misión de la ONX para Darfur en Sudán, en 2008. Con 70 militares.
• Djibouti: en 2008. Una Fragata Clase Santa María, cola so dotación. 90 militares y un avión P-3 Orion como misión de la OTAN na llucha contra la piratería nel Océanu Índicu.
• Djibouti, Kenia: en 2009. Una Fragata Clase Santa María y el buque Marqués de la Ensenada (A-11), colos sos dotaciónes. Una patrullera clase Descubierta P79 con 85 tripulantes y 15 infantes de marina. 90 militares y un avión P-3 Orion como misión de la OTAN na llucha contra la piratería nel Océanu Índicu.

Les Fuercies Armaes Españoles, tamién participaron nos últimos años n'otres misiones, sobremanera humanitaries y d'observación: n'Albania en 1999, Mozambique, en marzu de 2000, República de Macedonia en 2001; Haití en 2004, ya Indonesia, en 2005. En 2006, España participó en Darfur (Sudán) cola unviada d'observadores y en República Democrática d'El Congu.

Presupuestos

Esti artículu forma parte de la serie Fuercies Armaes Españoles

Cañes

Exércitu de Tierra d'España Exércitu del Aire d'España Armada Española Unidá Militar d'Emerxencies Guardia Real Guardia Civil

Historia

Guerres Italianes Guerra de los Trenta Años Guerra de Flandes Guerra de Socesión Española Guerra de los Siete Años Guerres Napoleóniques Guerra de la Independencia Española Guerra de Melilla Guerra del Rif Guerra Civil Española Guerra d'Ifni Guerra d'Iraq Guerra d'Afghanistán

Material Actual

Exércitu de Tierra Exércitu del Aire Marina Española

Otros

Escalafón militar d'España Condecoraciones d'España Reservistas Voluntarios d'España

Los presupuestos del Ministeriu de Defensa pal añu 2008 xubieron a 8.494.107.080 €, con una medría del 5,63% respectu l'añu 2007. Eso supón el dineru apurríu direutamente al Ministeriu, al cual hai que suma-y el dineru apurríu a organismos adscritos al mesmu, según les tresferencies ente subsectores (del mesmu o d'otros ministerios), pa un total de 9.729.305.240 €.^[4]

Nel añu 2009 el presupuestu xubió a 8.255.772.260 €, con un total consolidáu tres trespasos y dineru apurríu a otros organismos de 9.394.313.070 €.^[4] Siguiendo la llinia descendente, la previsión pa 2010 ye de 7.694.862.260 € pal Ministeriu, con un total consolidáu final de 8.817.147.570 €, un amenorgamientu del 6,14% respectu al 2009.^[5]

Condiciones d'ingresu nes Fuercies Armaes

• Tener la nacionalidá española (déxase l'accesu d'estranxeros de Guinea Ecuatorial y Hispanoamérica)
• Nun tar quitáu de los derechos
• Nun tar procesáu
• Acreitar bona conducta ciudadana
• Edá ente 18 y 29 años cumplíos dientro del añu de la convocatoria
• Nun ser oxetor de conciencia
• Pa los qu'aspiren a la Escala Cimera d'Oficiales tar en posesión o en condiciones de llograr, enantes de la fecha d'entamu de la primer prueba, el documentu acreitativu de superar les pruebes d'accesu a les Facultaes, Escueles Téuniques Cimeres y Escueles Universitaries (Selectividá), ye dicir (COU+Selectividá)
• Pa los qu'aspiren a les Escales Medies de Suboficiales, tar en posesión o en condiciones de llograr, enantes de la fecha d'entamu de la primer prueba, el documentu acreitativu de superar les pruebes del Cursu d'Orientación Universitaria (COU ó 2º de Bachilleratu).

Estructura de mandu

El mandu supremu de les Fuercies Armar osténtalo el Rei d'España como Capitán Xeneral, magar el mandu operativu recai'l Xefe del Estáu Mayor de la Defensa (JEMAD) que dirixe'l Estáu Mayor de la Defensa, y qu'ostenta emplegu de Xeneral d'Exércitu, Xeneral del Aire o Almirante Xeneral, dependiendo del exércitu al que perteneza. El restu de la cúpula militar ta formada por Xefe del Estáu Mayor del Exércitu de Tierra (JEME), Xefe del Estáu Mayor del Exércitu del Aire (JEMA) y el Xefe del Estáu Mayor de l'Armada (AJEMA), que dirixen, de la mesma, caúna de les armes del Exércitu español. El nomamientu de toos ellos failo'l Presidente del Gobiernu a propuesta del Ministru de Defensa. Los trés exércitos dependen del Ministeriu de Defensa.

• Xefe Supremu: Felipe VI Rei d'España.
• Xefe del Estáu Mayor de la Defensa (JEMAD): Xeneral d'Exércitu Fernando Alejandre Martínez.
• Xefe del Estáu Mayor del Exércitu de Tierra (JEME): Xeneral d'Exércitu Francisco Javier Varela Salas.
• Xefe del Estáu Mayor del Exércitu del Aire (JEMA): el Xeneral del Aire Javier Salto Martínez-Avial.
• Xefe del Estáu Mayor de l'Armada (AJEMA): el Almirante Xeneral Teodoro Esteban López Calderón.

Referencies

1. Error de cita: La etiqueta <ref> nun ye válida; nun se conseñó testu pa les referencies nomaes personal_2008-1
2. Error de cita: La etiqueta <ref> nun ye válida; nun se conseñó testu pa les referencies nomaes personal_2008-2
3. Cope.es «Chacón destaca'l llabor de les tropes español en toma de posesión del xeneral Asarta n'El Líbanu» Consultáu'l 9 de febreru de 2010
4. «Presupuestos del Ministeriu de Defensa pal añu 2009; inclúin una comparancia con años anteriores.».
5. Error de cita: La etiqueta <ref> nun ye válida; nun se conseñó testu pa les referencies nomaes Presupuestos2010