Keri-Lynn Wilson

Keri-Lynn Wilson
Vida
Nacimientu Winnipeg[1], 17 de mayu de 1967 (57 años)
Nacionalidá Bandera de Canadá Canadá
Familia
Padre Carlisle Wilson
Oficiu direutora d'orquesta
Premios
IMDb nm1830318
Cambiar los datos en Wikidata

Keri-Lynn Wilson (17 de mayu de 1967, Winnipeg) ye una flautera y direutora d'orquesta canadiense.[3] A la fecha d'esti artículu, ye direutora musical de la Orquesta Filarmónica de Eslovenia.[4]

Biografía

[editar | editar la fonte]

Keri-Lynn Wilson ye fía de Lynn Sharples y Carlisle Wilson, violinista y direutor.[5] Empezó los sos estudios de pianu cola so güela, Thelma Wilson, y los de cantar col so güelu, J. Kerr Wilson. Aprendió'l violín col so padre, Carlisle Wilson.[3]

Nel 2003, casóse con Peter Gelb, actual direutor xeneral del Metropolitan Opera House y tamién exdireutor de Sony Classical.[5]

Carrera artística

[editar | editar la fonte]

Empezó como intérprete nel club musical infantil de Winnipeg y más tarde llogró beques del club musical de muyeres y de la Wednesday Morning Musicale. Estudió flauta tresversal con Julius Baker, na Escuela Juilliard, onde llogró'l so grau y posgráu. A principios de la so carrera interpretó como flauteru solista cola Orquesta Filarmónica de Calgary, la Orquesta Sinfónica de Winnipeg y la Orquesta de Cámara de Manitoba.[3]

En 1989, ganó la competencia Artistes Internacionales, lo que la llevó a dar un recital na Sala Weill Recital del Carnegie Hall a los 21 años.[4] Sicasí, como ella señala, nun se sentía cómoda siendo una intérprete, polo que pasó de la flauta, el violín y el pianu a tomar la orquesta entera.[6]

Direición d'orquesta

[editar | editar la fonte]

En 1990 empezó a estudiar direición d'orquesta so la supervisión d'Otto-Werner Mueller y trabayó con grupos de música contemporánea como Musique Mobile and Continuum y la Orquesta Sinfónica Xúpiter. Tamién estudió composición con Kurt Masur, James DePriest y Leonard Slatkin. Recibió la beca Bruno Walter.[3] Consolidóse como una de les representantes del xéneru femenín na direición d'ópera.[7]

Na temporada 2013-2014 dirixó Un baille de mázcares, de Giuseppe Verdi, en Estocolmu, cola Ópera Real d'Estocolmu, según Madama Butterfly, de Giacomo Puccini, nel so debú col Nuevu Teatru Nacional en Tokiu, y al so regresu cola Ópera Estatal de Baviera, en Múnich.[6]

El so debú nel Teatru d'ópera de Zúrich foi na temporada 2012-2013, dirixendo Lady Macbeth de Mtsensk y La traviata. Coles mesmes, dirixó L'holandés errante, na Ópera de Montreal;[8] La traviata, en Bilbao; Eugenio Onegin, en Varsovia; Nabucco, en La Coruña, y el so debú nel Festival de Música Schleswig-Holstein cola Orquesta Sinfónica de la Radio del Norte d'Alemaña, interpretando Turandot. Tamién debutó como direutora en Salerno con La traviata; en Bari, con Otello, y en Tel Aviv, con Boris Godunov.[6]

Foi la primer muyer direutora d'una ópera n'España, nel 2015, cola interpretación de Il Trovatore y Attila, al mandu de la Orquesta Sinfónica de Galicia, en La Coruña.[7][9]

Discografía

[editar | editar la fonte]

Referencies

[editar | editar la fonte]
  1. ↑ URL de la referencia: https://adevarul.ro/showbiz/keri-lynn-wilson-dirijoare-dirijatul-nu-mai-1471558.html.
  2. ↑ URL de la referencia: https://www.president.gov.ua/documents/5762024-51873.
  3. ↑ 3,0 3,1 3,2 3,3 «Keri-Lynn Wilson» (inglés). The Canadian Encyclopedia. Consultáu'l 13 d'avientu de 2016.
  4. ↑ 4,0 4,1 «Keri-Lynn Wilson». Consultáu'l 14 d'avientu de 2016.
  5. ↑ 5,0 5,1 WEDDINGS/CELEBRATIONS; Keri Wilson, Peter Gelb. The New York Times. 3 d'agostu de 2003. ISSN 0362-4331. http://www.nytimes.com/2003/08/03/style/weddings-celebrations-keri-wilson-peter-gelb.html. Consultáu'l 15 d'avientu de 2016. 
  6. ↑ 6,0 6,1 6,2 «Keri-Lynn Wilson | IMG Artists». Consultáu'l 15 d'avientu de 2016.
  7. ↑ 7,0 7,1 «Entrevista Keri-Lynn Wilson (lavozdegalicia.es) | Amigos de la Ópera d'A Coruña». Consultáu'l 15 d'avientu de 2016.
  8. ↑ Lara, Daniel (2013). «Ópera n'América». ProÓpera. http://www.proopera.org.mx/pasaes/marabr4/operamundo/8-operaenamerica-mzo2013.pdf. Consultáu'l 15 d'avientu de 2016. 
  9. ↑ País, Ediciones El títulu=El trunfu de la vocalidad (4 de setiembre de 2015) (en castellanu). EL PAÍS. http://ccaa.elpais.com/ccaa/2015/09/04/galicia/1441390109_092632.html. Consultáu'l 15 d'avientu de 2016. 
  10. ↑ «Keri-Lynn Wilson, Simón Bolívar Symphony Orchestra* - Danzón». Consultáu'l 15 d'avientu de 2016.

Ver tamién

[editar | editar la fonte]