Kubuntu

Kubuntu

Desendolcador(es)	Canonical
Versión inicial	8 abril 2005
Última versión	24.04 LTS (versión estable, versión con servicio técnico de largo plazo ^(es) , 25 abril 2024) 25.04 (versión estable, short-term support release ^(en) , 17 abril 2025)
Plataforma	x86, x86_64 y ARM
Llingua orixinal	distintes llingües
Tipu	distribución Linux ^(es) y sistema operativu llibre
Llicencia	GNU General Public License
Orixe del nome	Ubuntu y Plasma ^(es)
Distribución	contenido descargable ^(es)
N'asturianu	Sí
Más información
Twitter	kubuntu
Sitiu web	Web oficial
Blog	Blog oficial

Kubuntu (AFI: /kùbúntú/) ye una distribución de Linux qu'usa KDE como entornu d'escritoriu. Desendólcalu Canonical Ltd. y los sos collaboradores. Ye un deriváu oficial d'Ubuntu y el so nome remanez del xuegu de pallabres KDE + Ubuntu.

Cada paquete en Kubuntu comparte los mesmos repositorios d'Ubuntu. Ye dable descargar esta distribución a traviés d'Internet dende la so páxina web ensin costu dalgún o solicitar el CD nel so sitiu web oficial a traviés d'un serviciu denomáu ShipIt,^[3] per aciu del mesmu, el pedíu unvíase a domiciliu a cualesquier llugar del mundu de mou dafechamente de baldre y nún plazu d'ente 6 y 10 selmanes. Cada seis meses espublízase una nueva versión de Kubuntu. La más reciente ye la 9.04, disponible dende'l 23 d'abril de 2009.

La versión en llingua asturiana, ta siendo desendolcada pol equipu de Softastur en collaboración cola Alla, y ta previstu el so asoleyamientu pal añu 2010

Aplicaciones

La distribución destaca por una escelente esbilla de paquetes, au prima la calidá sobro la cantidá. La gran mayoría de programes pueden accedese dende'l Menú K, allugáu na estaya izquierda del Panel Plasma. L'equipu de KDE desendolca les sos propies aplicaciones, y dalgunes d'elles inclúinse na presente distribución. Los aplicativos tan clasificaos por categoríes: Gráficos, Internet, Multimedia, Oficina, etc.

L'usuariu dispón de software pa facer xeres como trabayos d'oficina, alministrar semeyes, restolar per Internet y reproducción o edición multimedia, ente otres actividaes. Dalgunes de les aplicaciones qu'inclúi Kubuntu por omisión na so cabera versión, son:

Kubuntu 9.04 amosando dalgunos de los sos efeutos d'escritoriu.

Gráficos Gwenview - Visualizador d'imáxenes KSnapshot - Capturador de pantalla Okular - Visor de documentos y PDF Internet Akregator - Amestador de noticies Konqueror - Restolador web Konversation - Veceru de IRC Kopete - Mensaxería nel intre Krdc - Conexón remota d'escritoriu Krfb - Escritoriu compartíu KTorrent - Veceru de BitTorrent KMail - Veceru de corréu NetworkManager plasma widget - Xestor de rede Multimedia Amarok - Reproductor d'audio K3b - Grabación de CD y DVD Dragón - Reproductor de videu KMix - Entemecedor de volume d'audio

Oficina Kontact - Xestor d'información personal LibreOffice - Paquete ofimáticu Sistema Dolphin - Alministrador de ficheros KUser - Alministrador d'usuarios KRandRTray - Redimensionar y voltiar pantalla KSystemLog - Visor de rexistros del sistema Konsole - Programa de terminal KPackageKit - Xestión de software Utilidaes Ark - Archivador KTimeTracker - Xestor personal del tiempu KNotes - Notes emerxentes KMouseTool - Calcación automática del mur Kate - Editor de testu avanzáu KMag - Aumenta la pantalla Kvkbd - Tecláu virtual Spee.C.runch - Calculadora

Referencies

1. «Kubuntu 24.04 LTS Noble Numbat Released» (inglés) (25 abril 2024). Consultáu'l 28 abril 2024.
2. «Kubuntu 25.04 Plucky Puffin released» (inglés) (17 abril 2025). Consultáu'l 18 abril 2025.
3. kubuntu.org ShipIt Archiváu 2007-09-26 en Wayback Machine