Oahu
| Oahu | |
|---|---|
| O‘ahu (haw) | |
 | |
| Situación | |
 | |
| País |  Estaos Xuníos |
| Estaos |  Ḥawai |
| Condáu | condáu de Honolulu |
| Tipu | islla |
| Parte de | Archipiélagu de Ḥawai |
| Asitiáu en | Océanu Pacíficu |
| Coordenaes | 21°29′06″N 157°57′54″W / 21.485°N 157.965°O |
  Oahu Oahu (Océanu Pacíficu) | |
 Oahu Oahu (Ḥawai) | |
| Datos | |
| Altitú media | 4003 ft |
| Puntu más altu |
Ka'ala (es)  |
| Superficie | 1545 km² |
| Población | 976 372 (2012) |
| Fusu horariu | UTC−10:00 |
| Llonxitú | 64 km |
 | |
Oahu (en Ḥawaianu Oʻahu) ye la islla más poblada de Ḥawai. La ciudá más grande ye Honolulu, la capital del estáu. Tola islla ta so l'alministración de la Ciudá y Condáu de Honolulu, anque la ciudá en sí namái ocupa una parte al sureste de la islla. Otros llugares d'Oahu con sonadía internacional son: Waikiki, Pearl Harbor y Diamond Head.
Xeografía
[editar | editar la fonte]Oahu ta formada por dos volcanes, Waiʻanae y Koʻolau, con un ampliu valle ente ellos. L'altitú máxima dase nel Mount Kaʻnala de Waiʻanae con 1.225 m sobre'l nivel del mar. con una superficie total de 1.545,3 km² ye la tercer islla más grande del Archipiélagu de Ḥawai.
Nel censu de 2000 la población total yera de 876.156 habitantes, un 75% aproximao del total del estáu. La Ciudá y Condáu de Honolulu alministra, amás del conceyu, tola islla de Oahu y les Islles de Sotaventu, sacante'l atolón Midway.
Historia
[editar | editar la fonte]Oahu foi la primera de les islles Hawaii qu'afayó l'inglés James Cook el 18 de xineru de 1778, mientres el so tercer viaxe al Pacíficu. Dirixíase dende les islles de la Sociedá escontra'l norte per una ruta supuestamente similar a la que siguieren les antigües migraciones polinesies. Dempués d'esplorar tol Pacíficu Sur quedóse sorprendíu d'atopar unes islles altes nel mediu del Pacíficu Norte, cola mesma cultura que s'estendía hasta Nueva Zelanda y la islla de Pascua.
El rei Kamehameha III treslladó la so capital de Maui a Oahu en 1845. Palaciu 'Iolani ye una muestra de la presencia de la monarquía.
Anguaño, Oahu ye un destín turísticu internacional con más de cinco millones de visitantes cada añu, principalmente de los Estaos Xuníos continentales y de Xapón. Ensame de películes y series de televisión filmáronse na islla, por casu Magnum P.I., Hawaii Five-O o Lost. Tamién ye la islla protagonista del videoxuegu Test Drive Unlimited.Y la película The Descendants..
Llugares d'interés
[editar | editar la fonte]- Honolulu, ye la capital del estáu. Alluga'l Bishop Museum, el más importante de cultura polinesia; el Honolulu Academy of Arts, un muséu d'arte con una importante coleición d'arte asiático; Lyon Arboretum, un xardín botánicu tropical.
- Waikiki ye'l gran centru turísticu de Hawaii, asitiáu na mariña sur de Oahu, que concentra'l 90% de los hoteles. La sablera de Waikiki, una de les más famoses del mundu, ufierta sol, sablera y surf. Nel sieglu XIX yá yera un llugar de descansu de la familia real hawaiiana. El nome hawaiianu Waikīkī significa 'agua drenada' yá que antes taba arrodiada de güelgues.
- Pearl Harbor ye una badea asitiada al oeste de Honolulú. La mayor parte del puertu y la contorna de la badea son una base naval norteamericana, el cuartel xeneral de la flota del Pacíficu. Foi l'ataque a Pearl Harbor, el 7 d'avientu de 1941, el que provocó la entrada de los Estaos Xuníos na II Guerra Mundial. Los restos del USS Arizona y el USS Missouri son monumentos conmemorativos de la guerra.
- Diamond Head (en hawaiianu Lē'ahi) ye un conu volcánicu, asitiáu al este de Waikiki, qu'amuesa una vista panorámica que se convirtió nun símbolu turísticu. El nome pusieronlu navegantes ingleses del sieglu XIX que confundieron los cristales de calcita encuallaos na roca con diamantes. Ta declaráu como State Monument.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Oahu.
