Patrick Wilson | |
---|---|
Vida | |
Nacimientu | Norfolk[1], 3 de xunetu de 1973[2] (51 años) |
Nacionalidá | Estaos Xuníos |
Residencia | Montclair |
Llingua materna | inglés |
Familia | |
Casáu con | Dagmara Dominczyk (2005 – ) |
Pareyes | Jennifer Love Hewitt |
Fíos/es | 3 |
Familia |
ver
|
Estudios | |
Estudios |
Universidá Carnegie Mellon Grado en Bellas Artes (es) Shorecrest Preparatory School (en) |
Llingües falaes | inglés[3] |
Oficiu | actor, actor de televisión, actor de teatru, actor de cine, productor de cine, direutor de cine, actor de voz, cantante |
Altor | 1,84 m |
Premios |
ver
|
Nominaciones | |
Instrumentu musical | voz |
IMDb | nm0933940 |
Patrick Joseph Wilson (3 de xunetu de 1973, Norfolk) ye un actor y cantante d'Estaos Xuníos.[4] Dende 1996 participó en dellos musicales y protagonizó delles obres teatrales nel circuitu de Broadway.[5][6] En 2003 trabayó na serie de televisión Angels in America de la cadena HBO, que ta basada na obra homónima de Tony Kushner y onde interpretó a Joe Pitt.[7] Como actor de cine destacóse en películes como The Alamo, La pantasma de la ópera, Little Children, Watchmen, The A-Team, The Ledge, The Conjuring y Insidious y el so secuela.[5] En 2011 estelarizó la serie dramática A Gifted Man de la cadena televisiva CBS, onde encarnó'l papel d'un neurociruxanu que ve l'espíritu de la so difunta esposa.[8] Foi nomáu a los premios Tony, a los premios Emmy y a los premiu Globu d'Oru.[5]
Nació en Norfolk, Virxinia; y crióse en St. Petersburg, Florida.[9] La so madre ye Mary K. Wilson, profesora de cantar y cantante profesional, y el so padre ye John Wilson, presentador de noticies de la canal de televisión WTVT en Tampa, que ta afiliáu a la cadena de televisión Fox.[4][10] El so hermanu Mark tamién trabaya como presentador de noticies na mesma cadena televisiva. Tien otru hermanu, llamáu Paul, quien dirixe una compañía de rellaciones públiques y publicidá en St. Petersburg, Florida.[10][11]
Wilson estudió na secundaria Shorecrest Preparatory School en St. Petersburg y nuna entrevista declaró que foi ellí onde tuvo les sos primeres esperiencies como actor al participar n'obres teatrales de William Shakespeare y en dellos musicales.[10] En 1995 graduóse na Universidá Carnegie Mellon en Pittsburgh, Pennsylvania, con un títulu n'Arte Dramáticu.[12][13]
Nel añu 2003 los críticos emponderaron la so actuación na miniserie dramática Angels in America, que foi emitida pola cadena televisiva HBO. La so interpretación de Joe Pitt mereció-y nominaciones a los premios Globu d'Oru y Emmy na categoría al meyor actor de repartu.
En 2004 participó nel rodaxe de la película The Alamo. Esi mesmu añu actuó en La Pantasma de la Ópera xunto a los actores Gerard Butler y Emmy Rossum.
Nel 2006 interpretó'l papel de Michael Sheppard nel filme Running with Scissors que ta basáu nel rellatu autobiográficu del autor estauxunidense Augusten Burroughs. Darréu actuó en Little Children xunto a l'actriz de Titanic, Kate Winslet, y pola que llogró una nominación a meyor actor de drama nos premios Satellite Awards.
En 2008 personificó a Chris Mattson na película Lakeview Terrace xunto a Samuel L. Jackson, Kerry Washington y Jay Hernández.
Un añu dempués representó al personaxe Uxu nocherniegu II nel filme Watchmen, dirixíu por Zack Snyder.
Nel 2010 interpretó a un reporteru na comedia Morning Glory xunto a Rachel McAdams, Jeff Goldblum, Harrinson Ford y Diane Keaton.
En 2011 protagonizó la película de cine independiente Insidious, onde encarnó'l papel de Josh. El 23 de setiembre de 2011 estrenó n'Estaos Xuníos la serie A Gifted Man onde interpreta'l personaxe de Michael Holt, un talentosu ciruxanu.
En xineru de 2012 foi unu de los primeros actores en ser confirmaos pa protagonizar L'Esconxuru, sol papel de Ed Warren. Papel que protagonizó xunto a l'actriz Vera Farmiga sol rol de Lorraine Warren.
Añu | Títulu | Personaxe | Notes |
---|---|---|---|
2001 | My Sister's Wedding | Quinn | |
2003 | Angels in America | Joe Pitt | |
2004 | The Alamo | William Travis | |
La Pantasma de la Ópera | Raoul | ||
2005 | Hard Candy | Jeff Kohlver | |
2006 | Little Children | Brad Adamson | |
Running with Scissors | Michael Shephard | ||
2007 | Brothers Three: An American Gothic | Peter | |
Purple Violets | Brian Callahan | ||
Evening | Harris Arden | ||
2008 | Life in Flight | Will Sargent | |
Lakeview Terrace | Chris Mattson | ||
Passengers | Eric Clark | ||
2009 | Watchmen | Dan Dreiberg | |
Barry Munday | Barry Munday | ||
2010 | The A-Team | Lynch | |
The Switch | Roland | ||
Morning Glory | Adam Bennett | ||
2011 | The Ledge | Joe Harris | |
Insidious | Josh Lambert | ||
A Gifted Man | Michael Holt | TV | |
Young Adult | Buddy Slade | ||
2012 | Prometheus | Padre de Elizabeth Shaw | |
2013 | Girls | Joshua | (TV, un capítulu) |
The Conjuring | Ed Warren | ||
Insidious Chapter 2 | Josh Lambert | ||
2014 | Jack Strong | David Forden | |
Space Station 76 | Capitán Glenn | ||
Stretch | Stretch | ||
North of Hell | Don Champagne | ||
Zipper | Sam Ellis | Posproducción | |
Let's Kill Ward's Wife | David | Posproducción | |
Big Stone Gap | Jack MacChesney | Posproducción | |
The Man on Carrion Road | Wallace | Posproducción | |
2015 | Fargo | Lou Solverson | Anunciáu |
2016 | The Conjuring 2 | Ed Warren | Anunciada |
Añu | Obra | Personaxe | Notes |
---|---|---|---|
1996 | Carousel | Billy Bigelow | |
1999 | Bright Lights, Big City | Jamie | |
Gershwins' Fascinating Rhythm | |||
2001 | The Full Monty | Jerry Lukowski | |
2002 | Oklahoma! | Curly | |
2006 | Barefoot in the Park | Paul Bratter | |
2008 | All My Sons | Chris Keller |
Añu | Categoría | Película | Resultáu |
---|---|---|---|
2006 | Meyor Actor - Drama | Little Children | Nomáu |