Rod Steiger
Rod Steiger, de nome real Rodney Stephen Steiger (14 d'abril de 1925, Westhampton (es) 
– 9 de xunetu de 2002, Los Angeles) foi un actor d'Estaos Xuníos ganador del premiu Óscar.
Biografía
[editar | editar la fonte]Dexó la escuela a los 16 años y apuntóse nos marines. Pasó la Segunda Guerra Mundial nun destructor nel Pacíficu.
La carrera de Steiger como actor empezó mientres realizaba servicios civiles na marina dempués de la guerra. L'ayuda que l'estáu emprestaba a los soldaos que volvíen del frente dexó-y inscribise na New School for Social Research, onde estudió arte dramático. En 1951 foi alumnu del American Theater Wing y dempués del famosu Actor's Studio, escuela d'interpretación de la que Steiger foi unu de los estudiantes más dotaos. Tuvo la ocasión d'intervenir na película de cine Teresa na que fizo una correuta interpretación. Mientres siguió nel teatru y na televisión ufiertáron-y el papel protagonista de la versión televisiva de Marty, pola que Ernest Borgnine ganara un Óscar na película de cine. Poco dempués tuvo la so auténtica oportunidá nel cine, al consiguir el papel principal nel clásicu La llei del silenciu, xunto a Marlon Brando, película cola que se dio a conocer llargamente.
Steiger foi un gran actor de calter. Dellos críticos dicíen que nes sos actuaciones esaxeraba los sos personaxes. Sicasí, tocó-y encarnar mientres una bona parte de la so trayeutoria como actor de cine individuos duros, ya inclusive violentos, anque dacuando tamién capaces d'amosar el so llau humanu; exemplos d'ello son les películes Yuma de Samuel Fuller (con Sara Montiel) y In the Heat of the Night (1967), con Sydney Poitier, pola que recibió l'Óscar como meyor actor principal, y na qu'interpreta al xefe de policía d'un pequeñu pueblu del Sur, que tien qu'aceptar la visita d'un axente del FBI de raza negra pa esclariar un crime.
El físicu de Steiger nun yera curiosu. El so aspeutu nun yera especialmente prestosu y yera trabáu. Por ello diéronlu repetidamente papeles de personaxes de ficción y reales de calter fuerte. Asina interpretó a Al Capone na película del mesmu nome de 1959, y a Napoleón en Waterloo, película de 1970, na que realizó una carauterización estraordinaria del personaxe históricu. Nuna etapa más avanzada de la so carrera, Steiger fixo tamién delles películes n'Europa. Los direutores europeos colos que trabayó supieron aprovechar el so estilu d'actuación tan espresivu, consiguiendo sicasí interpretaciones más equilibraes.
En 1977, intervieno y realizó una sólida carauterización de [[Poncio Pilato]] nel filme pa televisión que se convirtió en clásicu de Selmana Santa: Jesús de Nazareth. Na so vieyera, participó en películes tan populares como L'especialista (protagonizada por Sylvester Stallone y Sharon Stone), Mars Attacks! de Tim Burton y Crazy in Alabama (debú como direutor d'Antonio Banderas).
Mientres tola so trayeutoria nel cine, Steiger siguió fiel tamién al mediu col qu'empezara, la televisión, y apaeció de tantu en cuanto en películes y mini-series de televisión.
Steiger tuvo casáu en cinco causes, una d'elles cola conocida actriz Claire Bloom. Tuvo una fía con esta esposa, y un fíu con otra. Finó en Los Angeles a los 77 años d'edá, de resultes d'una pulmonía y un fallu renal.
Filmografía
[editar | editar la fonte]- Poolhall Junkies (2003)
- Crazy in Alabama (1999), con Melanie Griffith, dirixíos por Antonio Banderas
- Shiloh 2: Shiloh Season (1999)
- End of Days (1999)
- Body and Soul (1998)
- Legacy (1998)
- Animals with the Tollkeeper (1998)
- Truth or Consequences (1997)
- Shiloh (1997)
- Ray Bradbury: An American Icon (1997)
- The Kid (1997)
- Carpool (1996)
- Mars Attacks! (1996)
- Dalva (1996)
- Midnight Murders (1995)
- Captain Nuke and The Bomber Boys (1995)
- Demolition Day (1995)
- The Real Thing (1995)
- The Bomber Boys (1995)
- Passion in Paradise (1994)
- Black Water (1994)
- L'especialista (1994), con Sylvester Stallone y Sharon Stone
- The Neighbor (1993)
- La siella de la muerte (1992)
- The Player (1992) de Robert Altman
- The Ballad of the Sad Cafe (1991)
- Men of Respect (1990)
- The Twilight Murders (1990)
- That Summer of White Roses (1989)
- Passion and Paradise (1989)
- The January Man (1988)
- American Gothic (1987) con Yvonne De Carlo
- Catch the Heat (1987)
- The Kindred (1987)
- The Glory Boys (1986)
- Cola cara destapada (1985)
- The Chosen (1981)
- Klondike Fever (1980)
- Cattle Annie and Little Britches (1980)
- The Amityville Horror (1979)
- Lion of the Desert (1979)
- Love and Bullets (1979)
- Breakthrough (1978)
- F.I.S.T. (1978)
- Honor Guard (1978)
- Jesús de Nazareth (1977)
- The Last Four Days (1977)
- Portrait of a Hitman (1977)
- W.C. Fields and Me (1976)
- Hennessy (1975)
- Lucky Luciano (1974)
- Mussolini: últimu actu (1974)
- The Lolly-Madonna War (1973)
- Giù testar / A Fistful of Dynamite (1972) de Sergio Leone
- The Heroes (1972)
- Waterloo (1971)
- Happy Birthday, Wanda June (1971)
- The Illustrated Man (1969)
- Three Into Two Won't Go (1969)
- No Way to Treat a Lady (1968)
- In the Heat of the Night (1967)
- The Girl and The General (1967)
- Time of Indifference (1966)
- The Loved One (1965)
- The Pawnbroker (1965)
- Doctor Zhivago (1965)
- Convicts Four (1963)
- The Longest Day (1962)
- 13 West Street (1962)
- The Mark (1961)
- Seven Thieves (1960)
- Al Capone (1959)
- Cry Terror (1958)
- Run of the Arrow (o "Yuma") (1957), con Sara Montiel
- The Unholy Wife (1957)
- Across the Bridge (1957)
- Back From Eternity (1956)
- Más dura va ser la cayida (1956), con Humphrey Bogart
- Jubal (1956)
- The Court-Martial of Billy Mitchell (1955)
- Oklahoma (1955)
- The Big Knife (1955)
- La llei del silenciu (1954), con Marlon Brando
- Teresa (1951)
Tamién tuvo un curtiu papel na miniserie de Franco Zeffirelli Jesús de Nazareth, como Poncio Pilato y otru papel na película de Norman Jewison The Hurricane (The Hurrican), como Xuez federal.
Premios
[editar | editar la fonte]| Añu | Categoría | Película | Resultáu |
|---|---|---|---|
| 1967 | Meyor Actor | In the Heat of the Night | Ganador |
| 1965 | Meyor Actor | The Pawnbroker | Candidatu |
| 1954 | Meyor Actor de Repartu | On the Waterfront | Candidatu |
| Añu | Categoría | Película | Resultáu |
|---|---|---|---|
| 1968 | Meyor Actor - Drama | In the Heat of the Night | Ganador |
| 1966 | Meyor Actor - Drama | The Pawnbroker | Candidatu |
Referencies
[editar | editar la fonte]- ↑ 1,0 1,1 Afirmao en: Gemeinsame Normdatei. Identificador GND: 120900424. Data de consulta: 27 abril 2014. Títulu: Rod Steiger. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Genealogics. Autor: Leo van de Pas. Llingua de la obra o nome: inglés. Data d'espublización: 2003.
- ↑ Afirmao en: idRef. Identificador de referencia de idRef SUDOC: 075945347. Data de consulta: 2 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
Enllaces esternos
[editar | editar la fonte]
Wikimedia Commons acueye conteníu multimedia sobre Rod Steiger.- Rod Steiger na Internet Movie Database (n'inglés)
- Rod Steiger na Internet Broadway Database (n'inglés)
- Rod Steiger n'AllMovie (n'inglés)
- «Rod Steiger». en Find a Grave. (n'inglés)
| Control d'autoridaes |
|
|---|
Datos: Q273215- Multimedia: Rod Steiger