Siete

Esti artículu ye pal númberu 7. Pal añu 7, ver 7. Pa otros emplegos, ver 7 (dixebra).

El siete (7) ye'l númberu natural que sigue al seis y preciede al ocho. En delles relixones el siete ye un númberu sagráu al igual que l'ocho. El siete representa lo bono y l'ocho lo malo.

Propiedaes matemátiques

• Ye'l cuartu númberu primu. El siguiente númberu primu ye l'once.
• El polígonu de 7 llaos recibe'l nome d'heptágonu.
• En Z. 7 + (-7) = 0; x -7 = 0 → x = 7
• En Q. 7 × (1/7) = 1
• En R, ${\displaystyle x^{2}-7=0}$ → ${\displaystyle x={\sqrt {7}}}$
• En Q[${\displaystyle {\sqrt {2}}}$], ${\displaystyle 7=(3+{\sqrt {2}})(3-{\sqrt {2}}}$)
• De Z₇= {0,1,3,4.5,6} → <Z₇, +> ye grupo abeliano.

Matemátiques recreatives

• 7 = 2⁰+ 2¹ +2²
• 7 = 4²- 3²
• (7+7+7+7-7-7-7)²÷7 = 7

Música

• Cantar de Miley Cyrus 7 things.

Carauterístiques

• El siete ye un númberu bien recurrente na cultura. Son siete los díes de la selmana, siete los colores del arcu la vieya y siete los pecaos capitales. L'orixe d'esta popularidá ta na observación del cielu polos antiguos astrónomos. La inmensa mayoría de les estrelles nun camudaben de posición les unes al respective de les otres mientres l'añu. Sicasí, repararon siete cuerpos celestes que sí lo faíen. El Sol y la Lluna, los dos primeros, evidentemente formaben parte d'ellos. Los otros cinco yeren los planetes que pueden trate a güeyu, Mercuriu, Venus, Marte, Xúpiter y Saturnu, y que los pueblos antiguos consideraben estrelles móviles.
• Siete son les maravíes del mundu.
• Estos siete cuerpos celestes dieron a los díes de la selmana los sos nomes: llunes (Lluna), martes (Marte), miércoles (Mercuriu), xueves (Xúpiter) y vienres (Venus), sábadu vien de la fiesta hebrea Sabbat y domingu de la pallabra llatina Dominus, el señor (Dios). Sicasí, n'inglés, por casu, caltiénense los nomes orixinales d'estos dos díes: Saturday de Saturn (Saturnu) y Sunday de Sun (Sol).
• Nel mundu hispanofalante dizse que los gatos tienen 7 vides. Sicasí, les vides de los gatos son nueve nos países anglosaxones, ente otros.

Númberu 7 na cultura

1. Los siete díes de la selmana: llunes, martes, miércoles, xueves, vienres, sábadu, domingu.
2. Les siete notes musicales: do, re, mi, fa, sol, la, sí.
3. Los siete colores del arcu la vieya: colloráu, naranxa, mariellu, verde, azul, índigu y viola (vense siempres nesti orde de fuera escontra adientro, ensin cuntar los colores que nun pueden trate a güeyu: infrarroxu y ultravioleta).
4. Los siete pecaos capitales: soberbia, avaricia, lluxuria, roxura, gula, gulisma y galbana.
5. Los siete mares: espresión que s'usa al falar, polo xeneral, de tolos mares o d'un grupu determináu de mares que varía según la dómina y los pueblos.
6. El siete ye'l númberu máxicu.

Química

• Heptanu ye un alcanu con 7 átomos de carbonu per molécula, heptámeru ye un compuestu formáu por siete subunidades.
• Un valor de pH neutru ente l'agrín y la alcalinidá.
• El númberu atómicu del nitróxenu.

Bioloxía

• Cuasi tolos mamíferos tienen siete vértebres cervicales.
• Esisten 7 tipos de virus, según la clasificación de Baltimore.
• El númberu de puntos nun terrén de siete pulgaes.

Na televisión

• En Star Trek: Voyager, Siete de Nueve (tamién llamaos Siete pa embrivir) ye unu de los miembros de la tripulación.
• Blake's Seven yera una serie de la BBC que duró dende 1978 hasta 1981.
• Seven Network, una rede de televisión n'Australia.
• ProSieben (sieben ye siete n'alemán), una rede de televisión n'Alemaña.
• El númberu máximu de canales de radiodifusión d'ondes métriques disponibles en cualquier mercáu de la televisión nos Estaos Xuníos d'América, son les canales 2, 4, 5, 7, 9, 11, y 13 nel Gran Nueva York y Los Angeles-Long Beach AEMN.
• Ultra Siete, una serie de televisión salió al aire en 1967, el superhéroe tien el mesmu nome que'l títulu, amás de ser el séptimu miembru d'honor de la Guarnición d'Ultra.
• El nome d'una de les aventures de la serie Super Mario Bros 3, 7 Continentes pa 7 Koopes.
• El nome d'un programa de televisión 7th Heaven-
• Eureka Seven, serie de ciencia ficción y romance anime.
• 7 díes, un programa de xuegu basáu en noticies de Nueva Zelanda.

Predecesor: 6

Númberos 7

Socesor: 8

Referencies

Enllaces esternos

• Wikimedia Commons tien conteníu multimedia tocante a Siete.