Ölümcül dost

Ölümcül dost
ing. Deadly Friend
Janr	Elmi fantastika
Əsas mövzu	süni intellekt[3]
Rejissor	Ues Kreyven
Prodüserlər	Robert Krouford Patrik Kelli Robert M. Şerman
Ssenari müəllifləri	Roman: Dayana Henstell Uyğunlaşdıran: Brüs Coel Rubin
Baş rollarda	Metyu Labortö Kristi Svenson Enn Remsi Çarlz Fleyşer
Operator	Filipp H. Feltrop
Bəstəkar	Çarlz Börnşteyn
Rəssam	Maykl Eliott
İstehsalçı	Warner Bros.
Distribütor	Warner Bros., Netflix
İlk baxış tarixi	10 oktyabr 1986 11 dekabr 1986 1 yanvar 1987 12 fevral 1987 21 yanvar 1987 28 fevral 1987 27 mart 1987 13 fevral 1987 27 noyabr 1987
Filmin növü	Qorxu filmi
Müddət	92 dəqiqə
Gəlir	$ 8,988,731 milyon[1][2]
Ölkə	ABŞ
Dil	İngilis dili
İl	1986
Rəng	Rəngli
IMDb	ID0090917

Ölümcül dost (ing. Deadly Friend) — 1986-cı ildə ABŞ-də istehsal olunmuş və Dayana Henstellin "Dost" romanının əsasında çəkilmiş elmi fantastika filmidir. Film "Frankenşteyn" filmlərinin yenisinə bənzəyir. Bu film Ues Kreyvenin Qarağac küçəsində qarabasma filmindən sonra çəkdiyi ən yaxşı filmidir. Filmdə robotun səsini "Qarağac küçəsində qarabasma" filmində Həkim Kinq rolunu canlandıran Çarlz Fleyşer səsləndirir.^[4]

Seçilmiş sitatlar

Filmin seçilmiş sitatları^[5] aşağıdakılardır:

• O sənsiz yaşaya bilmir (ing. She can't live without you)
• Bəzi insanlara yalnız ölmək yaxşıdır (ing. Some people are just better off dead)
• Kim qonşuluqdakı qızla oynayır, orada sağ qalan yoxdur (ing. There's no one alive who'll play with the girl next door)
• Auditoriyada sizi tutan zaman dostunuzu əvvəlcədən götürün! (ing. Grab A Friend before someone in the audience grabs you!)
• Qarabasmaların hamısı heç də Qarağac küçəsində baş vermir (ing. Not all nightmares happen on Elm Street)

Məzmun

Filmin əvvəlində küçə oğrusu maşına girmək istəyir. Lakin onu robot əli boğmağa başlayır. Oğru geri qaçır və yandan maşına pərişan halda baxır. Bu zaman Pol və anası maşına daxil olur. 15 yaşlı Pol Konvey (Metyu Labortö) universitetin ən yaxşı tələbəsidir. Polun BB (Bi-Bi) adında robotu vardır. Bu robot Polun ən yaxın dostudur. Bir müddət keçdikdən sonra Pol Samanta (Kristi Svenson) adlı qıza aşiq olur. Pol, Samanta və Slaym günlərinin çoxunu əyləncələrlə keçirirlər. Onlar Samantanı qısaca "Sem" çağırırlar. Dostlar Elvira Parker (Enn Remsi) adında qocaya nifrət edirlər. Ona görə ki, qoca arvad cavan dostları həmişə təhqir edir. Məhz onların oyun topu qocanın həyətinə düşəndə, qoca topu öz evinə qoyur. Bir gün Hellouin bayramı gecəsində dostlar toplarını geri qaytarmaq niyyətinə düşürlər. Lakin qoca yuxudan oyanır və əlinə silahını götürür. Bu zaman Polun robotu söndürməsinə baxmayaraq Bi-Bi sıradan çıxaraq qəflətən qocanın üzərinə hücum edir. Elvira ona bir neçə dəfə atəş açaraq, onu məhv edir. Bu hadisədən dostlar çox pərişan olurlar.

Bir gün Polun sevdiyi qız Samanta evə qayıdan zaman əvvəldə olduğu kimi atasının hücumuna məruz qalır. Lakin bu dəfə Samanta atası tərəfindən öldürülür. Bundan xəbər tutan Pol dərhal xəstəxanaya gəlir. Xəstəxanada olan zaman eşidir ki, Samantanı xilas etmək mümkün deyil. Ona görə ki, onun beynini bir neçə saat keçdikdən sonra kompüterdən ayıracaqlar. Bunu eşidən Pol Slaymın yanına gələrək, onun maşınını istəyir. Slaym əvvəlcə razı olmasa da, sonra onunla razılaşır. Pol gizlincə olaraq xəstəxanaya daxil olur. Pol Samantanın bədənini Slaymın maşınında qaçırır. Gecə vaxtı Pol onun üzərində əvvəldə olduğu kimi eyni eksperimenti aparır. Onun beyninin üzərinə çip qoyur. Bu zaman Samantanın ayağı tərpənir. Slaym bundan heyrətlənərək huşunu itirir. Lakin sonra Pol onu ayıldır. Artıq Samanta dirilmişdir. Pol onu Bi-Bi-ni idarə etdiyi pultla idarə etməyə başlayır.

Lakin robotun çatışmazlığı var idi. Bu çatışmazlıq özünü qızda da göstərir. Samantanın yavaş-yavaş huşu yerinə qayıdır. Onun atası tərəfindən necə döyüldüyü, Elviranın Bi-Bi-ni necə məhv etdiyi yadına düşür. Çünki, Samanta artıq yarı Samanta, yarı Bi-Bi robotdur.

Samanta atasının yaşadığı evə gəlir. Bundan qorxan atası qaçmağa başlayır. Lakin Samanta onu boğaraq içində alov olan yerə atır. Pol səhər tezdən Samantanın qaçdığını başa düşür. Onun dalınca bir neçə saat qaçdıqdan sonra bir evdən qara tüstü çıxdığını görür. Pol evə daxil olan zaman Samantanın atasını alov içində meyitini görür. Pol onu kömür olan yerə qoyur və Samantanı yenidən evinə aparır. Pol gecə vaxtı yuxusunda çarpayının içindən Samantanın atasının necə çıxdığını görür. Pol onun yanmış kəlləsini görərək qışqırmağa başalayır. Ayılan zaman Pol bunun bir yuxu oldğunu başa düşür.

Lakin bununla iş bitmir. Samanta qoca arvadı öldürmək niyyətindədir. Samanta qocanın evinə daxil olur. Bundan şübhələnən qoca polislərə zəng edir. Lakin polislər bunun yalan olduğunu fikirləşirlər. Bu zaman Samanta qocanın üzərinə hücum edir. Qocanın ona müqavimət göstərməsinə baxmayaraq, Samanta onun kəlləsini həmin basketbol topu ilə partladır. Bunu görən polislər vahiməyə gəlirlər. Pol isə bunun Samantanın etdiyini başa düşür.

Artıq Slaym bütün bunlara dözə bilmir. Polislərə zəng etmək niyyətindədir. Pol onunla mübahisə etməyə başlayır. Bu mübahisədə Slaym burnundan zədə alır. Samanta isə qaçmağa başlayır. Pol onun ardınca gedir. Pol yolda əvvəldə onu ələ salmağa çalışan, lakin buna icazə verməyən Bi-Bi robotunun qorxutduğu adamla rastlaşır. Həmin adam Polu döyməyə başlayır. Lakin buna Samanta icazə vermir. Bu zaman polislər də Samantanın izinə düşmüşdür. Samanta Polu döymək istəyən adamı polis maşınına çırpır. Samanta evinə qaçmağa, Pol isə onu yenidən izləməyə başlayır. Pol ona yetişən zaman polislər də onlara çatırlar.

Bu müddətdə Samanta insan kimi düşünməyə başlayır. Samanta Polun polislər tərəfindən saxlanıldığını və polislərin ona silah tuşladıqlarını görür. Samanta onların üzərinə hücum edir. Pol ona yetişə bilmir. Bu zaman Samanta polislərin başçısı tərəfindən güllə ilə vurulur və yerə yıxılır. Samanta ölür.

Filmin sonunda həkimlər tərəfindən Samantanın ölü bədəni buz olan yerə qoyulur. Bu zaman Pol yenidən gizlincə peyda olur. Pol onun bədənini ikinci dəfə qaçırmağı qərara alır. Lakin artıq Samantanın beyni ölüdür. Onun bədənini robot idarə edir. Robot Samantanın bədənindən çıxaraq Polu boğur və onu öldürür.

Rollarda

Aktyor/aktrisa	Rol	Orijinal rolun adı	Qeydlər
Metyu Labortö	Pol Konvey	ing. Paul Conway	Əsərin baş qəhrəmanı
Kristi Svenson	Samanta Prinq	ing. Samantha Pringle	Polun sevdiyi qız
Enn Remsi	Elvira Parker	ing. Elvira Parker	Tələbələri cana gətirən qoca arvad
Maykl Şarett	Tom "Slaym" Tumi (Polun dostu)	ing. Tom 'Slime' Toomey	Polun ən yaxın dostu
Çarlz Fleyşer	BB robotun səsi	ing. BB	BB robotunun səsini çıxardır
Enn Tvumey	Cini Konvey	ing. Jeannie Conway	Polun anası
Riçard Markus	Harri Prinql	ing. Harry Pringle	Samantanın atası
Rus Marin	Həkim Coanson	ing. Dr. Johanson	Həkim
Cim İşida	Həkim	ing. Dr.	Filmin sonundakı Yapon həkim
Li Pol	Serjant Volçek	ing. Lee Paul	Filmin sonunda Samantanı atəşlə vuran polis
Nensi E. Barr	Robot	ing. BB	Filmin sonunda Samantanın üzü əriyəndə (həmin üzlü adam)

Alternativ versiyalar

Warner Bros. kompaniyasl 25 sentyabr 2007-ci ildə DVD-də filmin alternativ və kəsilmiş hissələrini istehsal edib. Filmin alternativ versiyaları^[6] aşağıdakılardır:

• Film ilk dəfə Kanadanın Ontario şəhərində göstərilən zaman Samantanın Elviraya vurduğu "Basketbol ölümü" adlanan səhnəsi göstərilmişdir.

Filmin kəsilmiş hissələri:

• İlk versiyaya görə, Pol Samantanın atasından fikirləşəndə, onun atasının bütün yanmış bədənini görür. Lakin son versiyaya görə, Samantanın atasının bütün bədəni yox, yalnız yanmış başı göstərilmişdir.
• Samanta atası ilə mübahisə edən zaman güldanı sındıran zaman üzü böyük planda qanla göstərilir.
• Pol Samantanın bədəninin baş hissəsini çıxaran zaman üzünün skeletləri görsənməyə başlayır.
• "Basketbol ölümü" adlanan qəmgin səhnə nisbətən böyük planda göstərilmişdir ki, beyinin divara dağılmış bütün hissələri görsənsin. Qan Samantanın üzünə tökülür.

Filmin bütün kəsilmiş hissələri, VHS formatı və filmin rejissor versiyası Avstraliyada göstərilmişdir.

Maraqlı faktlar

• Filmin sonuna yaxın Samanta Polu döymək istəyən adamı başı üzərinə qaldırarkən, gözucu görmək olar ki, həmin adam nəyinsə üzərində qalıb.^[7]
• Film çəkilən zaman Ues Kreyven həyat yoldaşından Mimi Kreyvendən ayrılmışdır.

Mükafatlar

Filmin mükafatları^[8] aşağıdakılardır:

İl	Mükafat	Layiq görülüb	Kateqoriya	Nəticə
1985	Cavan Aktyor Mükafatı	Maykl Şarett	Qorxulu Hərəkət Filmində Ən Yaxşı Cavan Aktyor mükafatı	Namizəd
1985	Cavan Aktyor Mükafatı	Kristi Svenson	Qorxulu Hərəkət və Drama Filmində Favarit Yeniyetmə mükafatı	Namizəd

Saundtrek

Filmin musiqiləri Çarlz Börnşteynnə məxsusdur. 2007-ci ildə DVD-də çıxan zaman filmin saundtreklərinə yeni "Interview with Charles Bernstein and Wes Craven" adlı saundtreklər toplusu əlavə olunub. Topluya daxil olan saundtreklər Çarlz Börnşteyn və Ues Kreyvenin müsahibə zamanı səslənirdi.^[9][10]

Orijinal saundtrek

Treklərin siyahısı

№	Başlıq	Müddət
1.	"Main Title"	2:34
2.	"Paul & Samantha"	1:03
3.	"BB's Happy Time"	1:24
4.	"Sam Moves"	1:15
5.	"Paul the Genius"	1:39
6.	"Dark Possibilities"	3:00
7.	"Basketball Game"	0:49
8.	"Deadly Moment"	1:07
9.	"Neighbors"	0:42
10.	"Metal Mental"	1:28
11.	"BB's Chant"	1:41
12.	"Murderously Yours"	1:26
13.	"What's Up?"	1:19
14.	"Sam's Revenge"	0:43
15.	"Grab Bag"	2:15
16.	"Hypertensions"	1:35
17.	"Bad Company"	1:31
18.	"Stealth"	1:12
19.	"Lasting Effects"	1:20
20.	"Inner Workings"	1:28
21.	"End Credits"	2:03
22.	"BB's Chant "Where Are You Tonight?""	2:09
Ümumi müddət:		35:32

Əlavə olunmuş yeni saundtreklər

Treklərin siyahısı

№	Başlıq	Müddət
1.	"How Charles Got The Film"	1:58
2.	"Lullaby Theme"	2:25
3.	"Alternate Ending"	1:19
4.	"Scoring The Film"	7:14
5.	"Musical Background"	1:50
6.	"Recording The Score"	4:53
7.	"Themes"	5:45
8.	"Inspiration"	6:48
9.	"Current And Future Projects"	2:21
10.	"Sign Off"	0:17

Ölkələrdə çıxış tarixi və adı

Ölkə	Çıxış tarixi	Adı	Dil
Azərbaycan	Rəsmi çıxış tarixi yoxdur	Ölümcül dost	Azərbaycan dili
ABŞ	10 oktyabr 1986	Deadly Friend	İngilis dili
Argentina	11 dekabr 1986	Obsesión fatal	İspan dili
AFR	12 fevral 1987	Der tödliche Freund	Alman dili
Avstraliya	1 yanvar 1987	Deadly Friend	İngilis dili
Fransa	21 yanvar 1987	L'amie mortelle	Fransız dili
Braziliya	30 aprel 1987	A Maldição de Samantha	Portuqal dili
Böyük Britaniya	Rəsmi çıxış tarixi yoxdur	Deadly Friend	İngilis dili
Polşa	Rəsmi çıxış tarixi yoxdur	Przyjazn na smierc i zycie	Polyak dili
İtaliya	Rəsmi çıxış tarixi yoxdur	Dovevi essere morta	İtalyan dili
Finlandiya	27 mart 1987	Skräcket som granne	Fin dili
İspaniya	27 noyabr 1987	Amiga mortal	İspan dili
Sloveniya	Rəsmi çıxış tarixi yoxdur	Smrt po smrti	Sloven dili
Macarıstan	Rəsmi çıxış tarixi yoxdur	Halálos barát və ya Ösztöndíjjal a pokolba	Macar dili
Rusiya	Rəsmi çıxış tarixi yoxdur	Смертельный друг	Rus dili
Türkiyə	Rəsmi çıxış tarixi yoxdur	Ölümcül arkadaş və ya Öldüren Sevgili[11]	Türk dili
Yaponiya	28 fevral 1987	デッドリー・フレンド	Yapon dili
Meksika	Rəsmi çıxış tarixi yoxdur	Obsesión fatal	İspan dili
Kanada	Rəsmi çıxış tarixi yoxdur	L'amie mortelle (fransızca)	İngilis dili
Serbiya	Rəsmi çıxış tarixi yoxdur	Smrtonosni prijatelj	Serb dili
Portuqaliya	13 fevral 1987	O Amigo Mortal	Portuqal dili
Yunanıstan	Rəsmi çıxış tarixi yoxdur	Thanasimos filos	Yunan dili
Peru	Rəsmi çıxış tarixi yoxdur	Obsesión fatal	İspan dili
İsveç	Rəsmi çıxış tarixi yoxdur	Skräcket som granne	İsveç dili
Niderland	Rəsmi çıxış tarixi yoxdur	Afbeelding gewenst	Holland dili

Ədəbiyyat

• Henstell, Diana. "Friend". (New York City, New York, USA), Bantam Books, October 1985, Pg. 323,

İstinadlar

1. Filmin gəliri imdb.com Arxivləşdirilib 2004-10-24 at the Wayback Machine Yoxlanılıb: 27 iyul 2015
2. Filmin gəliri boxofficemojo.com Arxivləşdirilib 2018-06-27 at the Wayback Machine Yoxlanılıb: 27 iyul 2015
3. Deadly Friend (ing.). 1986.
4. "Ölümcül dost filmi". The Numbers. 2014-07-14 tarixində arxivləşdirilib. İstifadə tarixi: 27 Avqust 2011.
5. Ölümcül dost filminin seçilmiş sitatları Arxivləşdirilib 2021-10-03 at the Wayback Machine Yoxlanılıb: 24 sentyabr 2014
6. Ölümcül dost filminin alternativ versiyaları Yoxlanılıb: 24 sentyabr 2014
7. Ölümcül dost filmi haqqında maraqlı faktlar Yoxlanılıb: 24 sentyabr 2014
8. Ölümcül dost filminin mükafatları Arxivləşdirilib 2021-10-21 at the Wayback Machine Yoxlanılıb: 24 sentyabr 2014
9. Ölümcül dost filminin saundtrekləri Arxivləşdirilib 2021-04-13 at the Wayback Machine Movemusic.com saytında, Yoxlanılıb: 24 sentyabr 2014
10. Ölümcül dost filminin saundtrekləri Arxivləşdirilib 2021-02-18 at the Wayback Machine Diskogs.com saytında, Yoxlanılıb: 24 sentyabr 2014
11. Ölümcül dost filmin çıxış tarixi və digər dillərdə adı Imdb.com saytında, Yoxlanılıb: 26 sentyabr 2014

Xarici keçidlər

• Ölümcül dost — Internet Movie Database saytında

• Ölümcül dost filmi devildead.com  (ing.)
• Ölümcül dost filmi jigsawslair.blogspot.com  (ing.)
• Ölümcül dost filmi rottentomatoes.com  (ing.)