Фэдэрыка Бальцарэцьці
| Фэдэрыка Бальцарэцьці | ||
 | ||
| Пэрсанальная інфармацыя | ||
|---|---|---|
| Нарадзіўся | 6 сьнежня 1981 (42 гады) Турын, Італія | |
| Рост | 182 см | |
| Вага | 70 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 1998—1999 1999—2001 2001—2002 2002—2005 2005—2007 2007—2008 2008—2012 2012—2015 |
Тарына → Варэзэ (арэнда) → Сіена (арэнда) Тарына Ювэнтус Фіярэнтына Палерма Рома |
0 (0) 44 (0) 16 (0) 90 (1) 57 (2) 6 (0) 143 (3) 39 (1) |
| Зборныя | ||
| 2010—2013 | Італія | 16 (0) |
Фэдэрыка Бальцарэцьці (па-італьянску: Federico Balzaretti; нарадзіўся 6 сьнежня 1981 году, Турын, Італія) — італьянскі футбаліст, абаронца. У 2010—2013 гадах выступаў за нацыянальную зборную Італіі. Завяршыў кар’еру ў жніўні 2015 году.
Кар’ера
[рэдагаваць | рэдагаваць крыніцу]«Тарына»
[рэдагаваць | рэдагаваць крыніцу]Фэдэрыка Бальцарэцьці зьяўляецца выхаванцам клюбу «Тарына» ў школу якога ён прыйшоў ва ўзросьце шасьці гадоў. У сэзоне 1998—1999 гадоў ён выклікаўся ў асноўны склад каманды, але ў ім не дэбютаваў. У 1999 годзе Бальцарэцьці быў аддадзены ў арэнду ў клюб «Варэзэ» дзе правёў два гады. Затым ён гуляў за «Сіену» ў складзе якой дэбютаваў у Сэрыі Б.
У 2002 годзе Бальцарэцьці вярнуўся ў «Тарына» ў складзе якой дэбютаваў 14 верасьня 2002 году ў гульні чэмпіянату Італіі супраць «Інтэра». Разам з «Тарына» Бальцарэцьці вылецеў ў Сэрыю Б, але застаўся ў камандзе, дзе паступова станавіўся ключавай асобай[1]. У сэзоне 2004—2005 гадоў «Тарына» зноў выйшаў у Сэрыю А. Аднак клюб быў абвешчаны банкрутам, і 9 жніўня 2005 году ўсе гульцы каманды сталі свабоднымі агентамі[2].
«Ювэнтус»
[рэдагаваць | рэдагаваць крыніцу]Пасьля сыходу з «Тарына» Фэдэрыка падпісаў кантракт зь «Ювэнтусам» для таго, каб не перавозіць цяжарную жонку, Люкрэцыю, з гораду[3]. Тыфозі «Тарына» ўспрынялі пераход, як здраду, тым больш Бальцарэцьці раней кляўся ў любові да клюбу[4]. Заўзятары, у сустрэчах, дзе ягоная каманда сустракалася з «Тарына», асьвіствалі Фэдэрыка[5]. Бальцарэцьці заваяваў месца ў аснове «Ювэнтусу», які стаў чэмпіёнам краіны ў 2006 годзе. Аднак улетку таго ж году, клюб быў абвінавачаны з-за скандалу Кальчаполі, пазбаўлены чэмпіёнскага тытулу й адпраўлены ў Сэрыю Б. Фэдэрыка прыняў рашэньне застацца ў камандзе, і ў матчы другога італьянскага дывізіёну забіў свой першы гол у складзе клюбу, паразіўшы браму «Кратонэ».
«Фіярэнтына»
[рэдагаваць | рэдагаваць крыніцу]20 чэрвеня 2007 году Бальцарэцьці быў набыты «Фіярэнтынай», якая заплаціла за трансфэр абаронцы 3,8 млн эўра, падпісаўшы кантракт на 4 гады. За «Фіярэнтыну» гулец правёў толькі палову сэзону, згуляўшы ў 11 матчах.
«Палерма»
[рэдагаваць | рэдагаваць крыніцу]25 студзеня 2008 году Бальцарэцьці перайшоў у «Палерма» за 3,8 млн эўра. Кантракт быў падпісаны да 2011 году[6]. У клюбе Бальцарэцьці узяў 42 нумар, у гонар бацькі, які нарадзіўся ў 1942 годзе[7]. Ён дэбютаваў у складзе «разанэра» 2 лютага 2008 году ў гульні супраць «Ліворна» (1:0). Фэдэрыка хутка стаў гульцом асновы[8], правёўшы ў першыя два сэзоны амаль усе гульні. 18 кастрычніка 2009 году Бальцарэцьці забіў першы мяч за клюб, зноўку ў гульні супраць «Ліворна». 6 сьнежня 2009 году, у дзень свайго нараджэньня, Бальцарэцьці згуляў 100 матч у Сэрыі А. 11 студзеня 2010 году гулец падоўжыў кантракт з камандай да 2013 году[9].
«Рома»
[рэдагаваць | рэдагаваць крыніцу]1 жніўня 2012 году Бальцарэцьці перайшоў у «Рому», падпісаўшы кантракт да 30 чэрвеня 2015 году. Сума трансфэру склала 4,5 млн эўра[10].
Міжнародная кар’ера
[рэдагаваць | рэдагаваць крыніцу]Дэбютаваў у складзе нацыянальнай зборнай Італіі пад кіраўніцтвам трэнэра Чэзарэ Прандэльлі 17 лістапада 2010 году ў таварыскім матчы супраць зборнай Румыніі.
Крыніцы
[рэдагаваць | рэдагаваць крыніцу]- ^ Balzaretti, questa è una settimana da ricordarе. gazzetta.it
- ^ Il pallone racconta: Federico Balzaretti. ilpalloneracconta
- ^ Balzaretti: «Io resto del Toro». aol.it
- ^ Juve, la carica dei piemontesi. repubblica.it
- ^ Balzaretti rassegnato «Mi copriranno di fischi». lastampa.it
- ^ Acquistato Balzaretti. ilpalermocalcio.it
- ^ Balzaretti: «Il 42? Scelto per mio papà»(недаступная спасылка). stadionews.it
- ^ Palermo, l'importanza dei giocatori chiave. tuttopalermo.net
- ^ Balzaretti rinnova fino al 2013(недаступная спасылка). ilpalermocalcio.it
- ^ «Рома» подтвердила трансфер защитника «Палермо» Бальцаретти. championat.com
Вонкавыя спасылкі
[рэдагаваць | рэдагаваць крыніцу]
Фэдэрыка Бальцарэцьці — сховішча мультымэдыйных матэрыялаў
- Профіль на сайце gazzetta.it
- Статыстыка на сайце National Football Teams