Анці Аматус Аарнэ

У Вікіпедыі ёсць артыкулы пра іншых людзей з прозвішчам Аарнэ.

Анцт Аматус Аарнэ
фінск.: Antti Amatus Aarne
Асабістыя звесткі
Дата нараджэння	5 снежня 1867(1867-12-05)[1]
Месца нараджэння	Поры, Фінляндыя
Дата смерці	5 лютага 1925(1925-02-05)[2] (57 гадоў)
Месца смерці	Хельсінкі, Агенцтва рэгіянальнага кіравання Паўднёвай Фінляндыі^[d], Фінляндыя
Грамадзянства	Фінляндыя
Альма-матар	Імператарскі Санкт-Пецярбургскі ўніверсітэт^[d]
Месца працы	Хельсінкскі ўніверсітэт
Прафесійная дзейнасць
Род дзейнасці	фалькларыст, выкладчык універсітэта
Кірунак	фалькларыст
Мова твораў	нямецкая
Медыяфайлы на Вікісховішчы

А́нці А́матус А́арнэ (Аарне)^[3] (фінск.: Antti Amatus Aarne; 5 снежня 1867, Б’ёрнебарг (цяпер горад Поры, Фінляндыя) — 5 лютага 1925, Хельсінкі) — фінскі даследчык фальклору, прадстаўнік т.зв. фінскай гісторыка-геаграфічнай школы ў фалькларыстыцы.

Даследчыцкая дзейнасць

Распрацаваў і абгрунтаваў тэхнічныя прыёмы параўнальнага метаду, даў узоры яго дастасавання да казак, загадак, песень. Галоўныя працы; «Паказальнік казачных тыпаў» (1910), «Асновы параўнальнага вывучэння казак» (1913), «Параўнальнае вывучэнне загадак» (т. 1—3, 1918) і інш.

На аснове яго паказальніка амерыканскі казкавед С. Томпсан склаў свой «Паказальнік казачных тыпаў» (1928). На Міжнародную сістэму класіфікацыі казачных сюжэтаў Аарнэ—Томпсана абапіраюцца паказальнікі «Сюжэты і матывы беларускіх чарадзейных казак» (1971), «Сюжэты і матывы беларускіх народных казак» (1978) Л. Р. Барага, «Паказальнік сюжэтаў беларускіх казак» (1978) К. П. Кабашнікава, «Паказальнік сюжэтаў беларускіх казак» (1989) Л. П. Баранавай і іншых.

Зноскі

1. Antti Aarne — SLS.
   <a href="https://wikidata.org/wiki/Track:Q769544"></a><a href="https://wikidata.org/wiki/Track:Q10429758"></a>
2. https://375humanistia.helsinki.fi/antti-aarne/sepan-pojasta-professoriksi
3. Напісанне імя і прозвішча Анці Аматус Аарне ў адпаведнасці з БЭ ў 18 тамах. Т.1., Мн., 1996, С.8.

Літаратура

• Аарне Анці Аматус // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Аарне Анці Аматус // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.

Спасылкі

• Выкладчыкі Хельсінкскага ўніверсітэта (фін.) (Праверана 23 ліпеня 2011)