Мухамор пантэрны

Мухамор пантэрны
Мухамор пантэрны ў Слаўгарадзе
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Мухаморавыя Род:  Мухамор Від:  Мухамор пантэрны
Міжнародная навуковая назва
Amanita pantherina (DC.) Krombh. 1846
Сістэматыка на Віківідах Выявы на Вікісховішчы NCBI   67721 EOL   1029661 MB   156565

Мухамор пантэрны^[1], Мухамора плямістая^[2] (Amanita pantherina) — ядавіты грыб роду Мухамор (Amanita) сямейства Amanitaceae.

Назва

Навуковыя сінонімы^[3]:

• Agaricus pantherinus DC. 1815
• Amanitaria pantherina (DC.) E.-J. Gilbert 1941
• Agaricus pantherinus DC. 1815

Апісанне

Шапка дыяметрам 4-12 см, шчыльная, спачатку паўсферычная, затым выпуклая і цалкам паднятая з тонкім рубчатым краем і (часам) невялікімі звісаючымі шматкамі, якія засталіся ад агульнага пакрывала. Скурка бураватага колеру, гладкая і бліскучая, пакрытая мноствам дробных белых шматкоў, лёгка аддзяляецца ад яе.

Мякаць белая, не мяняе свой колер на паветры, вадзяністая, далікатная, c непрыемным пахам і саладкаватым густам.

Пласцінкі частыя, белыя, не прырасталі да ножкі, часам з бураватымі плямамі ў старых грыбоў.

Ножка 4-12 см у вышыню, ∅ 1-1,5 см, белая, цыліндрычная, злёгку звужаная дагары, унізе клубнепадобна-пашыраная, полая, з белай прырослыя вольвай у выглядзе колцападобнага абадка, часам шматслаёвая. Паверхня ножкі злёгку варсістая. Кальцо, размешчанае вельмі нізка, вісячае, гладкае, крохкае, часам можа адсутнічаць.

Споравы парашок белы, споры 11×7,5 мкм, шырокаэліпсаідальныя.

Зменлівасць

Шапка бывае светла-бурага, карычняватага, аліўкава-бруднага і шараватага колеру.

Экалогія і распаўсюджванне

Утварае мікарызу з многімі дрэвамі, сустракаецца ў іглічных, змешаных і шыракалістых лясах, часта пад хвояй, дубам, букам, аддае перавагу шчолачным глебам. Шырока распаўсюджаны ва ўмераным клімаце Паўночнага паўшар'я.

Сезон сярэдзіна ліпеня — канец верасня (масава ў жніўні і пачатку верасня).

Таксічнасць

Грыб моцна атрутны. Змяшчае як характэрныя для іншых атрутных мухамораў мускарын і мускарыдзін, так і скапаламін і гіасцыямін, якія сустракаюцца ў відах радоў Hyoscyamus, Дурнап'ян (Datura) і некаторых іншых атрутных раслінах.

Галерэя

• 
• 
• 
• 
  Ілюстрацыя А. Шмальфуса, 1897 г.
• 
• 
• 

Зноскі

1. Колас С. Мухамор // БелЭн у 18 т. Т. 11. Мн., 2000.
2. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с.
3. Таксанамія на сайце www.mycobank.org

Літаратура

• Сержанина Г. И. Шляпочные грибы Белоруссии. — Минск: Наука и техника, 1984.

Спасылкі

• Amanita pantherina на сайце «Грибы Калужской области» (руск.)
• Amanita pantherina на сайце toadstool.ru (руск.)