Паўночнамакедонска-турэцкія адносіны

Паўночнамакедонска-турэцкія адносіны
Паўночная Македонія і Турцыя
Паўночная Македонія
Паўночная Македонія 		Турцыя
Турцыя
Лагатып Вікісховішча Медыяфайлы на Вікісховішчы

Дыпламатычныя адносіны паміж Рэспублікай Паўночная Македонія і Турэцкай Рэспублікай былі ўсталяваны 26 жніўня 1992 года[1].

Паўночная Македонія мае амбасаду ў Анкары і генеральнае консульства ў Стамбуле, а Турцыя мае амбасаду ў Скоп’е і генеральнае консульства ў Бітале.

Гісторыя

[правіць | правіць зыходнік]

Дзякуючы гістарычным, культурным і народным сувязям Паўночная Македонія і Турцыя наладзілі вельмі блізкія і сяброўскія адносіны. Турэцкая мова, нараўне з македонскай мовай, з’яўляецца адной з афіцыйных моў у дзвюх абшчынах Паўночнай Македоніі: Цэнтар-Жупа і Пласніца.

У лютым 2018 года прэзідэнт Турцыі Рэджэп Таіп Эрдаган выказаў падтрымку пазіцыі Паўночнай Македоніі падчас перамоваў па спрэчцы аб назве краіны, заявіўшы, што пазіцыя Грэцыі памылковая[2]. Турцыя падтрымлівае заяўку Паўночнай Македоніі на далучэнне да ЕС[3].

Ваеннае супрацоўніцтва

[правіць | правіць зыходнік]

У жніўні 2021 года ў Стамбуле было падпісана ваенна-эканамічнае пагадненне тэрмінам на 5 гадоў, якое прадугледжвае мадэрнізацыю Узброеных сіл Паўночнай Македоніі за кошт выдзеленых Турцыяй сродкаў, а таксама пастаўкі ўзбраення. У рамках яго, напрыклад, быў заключаны кантракт на пастаўку 3 батарэй з 18 гаўбіцамі BORAN[4].

Супрацоўніцтва ў сферы культуры

[правіць | правіць зыходнік]

Супрацоўніцтва ў галіне культуры паміж Паўночнай Македоніяй і Турцыяй было ўстаноўлена ў 1995 годзе, калі было падпісана адпаведнае міжнароднае пагадненне.

22 красавіка 2009 года ў Стамбуле міністры культуры дзвюх краін падпісалі праграму супрацоўніцтва ў галіне культуры на перыяд 2009—2011 гадоў. Згодна з праграмай, краіны павінны былі актывізаваць супрацоўніцтва ў розных сферах культуры і мастацтва.

Грамадзяне Паўночнай Македоніі турэцкага паходжання

[правіць | правіць зыходнік]
Асноўны артыкул: Туркі ў Паўночнай Македоніі

У Паўночнай Македоніі 77,959 грамадзян маюць турэцкае паходжанне, што складае 3,85 % насельніцтва краіны[5].

У грамадска-палітычным жыцці туркаў Паўночнай Македоніі прадстаўляе Дэмакратычная партыя туркаў у Македоніі.

Зноскі

[правіць | правіць зыходнік]
  1. ↑ Republic of Macedonia - Ministry of Foreign Affairs (англ.). Праверана 20 студзеня 2023.
  2. ↑ Turkey's president claims Greece's stance over 'Macedonia' name dispute is wrong (англ.). Neos Kosmos (6 лютага 2018). Праверана 21 студзеня 2023.
  3. ↑ Republic of Macedonia - State Statistical Office (англ.). Праверана 21 студзеня 2023.
  4. ↑ Мирослав Трінько. Северная Македония покупает у Турции 105-мм гаубицы BORAN, они могут производить до шести выстрелов в минуту (руск.). Gagadget.com (18 студзеня 2023). Праверана 21 студзеня 2023.
  5. ↑ Turkey says backing FYROM’s EU, NATO membership ambitions (англ.). Ekathimerini.com (3 кастрычніка 2018). Праверана 21 студзеня 2023.