Цыбуля

Цыбуля
Часнок. Тыпавы від рода.
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Аднадольныя[2] Парадак:  Спаржакветныя Сямейства:  Амарылісавыя Падсямейства:  Цыбулевыя Трыба:  Цыбулевыя (Allieae) Род:  Цыбуля
Міжнародная навуковая назва
Allium L.
Сінонімы
Caloscordum Herb. Cepa Mill. Milula Prain Nectaroscordum Lindl.
Тыпавы від
Allium sativum L. — Часнок
Сістэматыка на Віківідах Выявы на Вікісховішчы ITIS   42634 NCBI   4678 EOL   17858 GRIN   g:403 IPNI   23957

Цыбу́ля^[3] (Allium) — род кветкавых раслін падсямейства цыбулевых.

Апісанне

Двух- і шматгадовыя травяністыя расліны. Лісце лінейнае, пляскатае або дудкаватае, шчыльна размешчанае на папярочным сцябле. Кветкі дробныя, белыя, ружовыя або ліловыя, сабраныя ў шарападобныя парасонікі на доўгіх кветаножках; часам у іх утвараюцца паветраныя цыбуліны. Плод — каробачка.

Пашырэнне

Вядома каля 900 відаў. Пашыраны ў Паўночным паўшар'і. Уведзена ў культуру больш за 4 тысяч гадоў назад. Вырошчваюць батун, парэй, цыбулю рэпчатую, шалот, або аскалонскую, шніт, ці скараду, або рэзанец, часнок, цыбулю прычасночную.

Выкарыстанне

Агароднінныя, лекавыя, эфіраалейныя, дэкаратыўныя расліны.

Класіфікацыя

Класіфікацыя Кронквіста (1988) адносіла гэты род да лілейных (Liliaceae), пазней паводле вынікаў філагенетычных даследаванняў род Цыбуля (Allium) быў выдзелены ў асобнае сямейства Цыбулевыя (Alliaceae) (Сістэма APG II  (руск.)), аднак у больш позняй Сістэме класіфікацыі APG III (2009) роды, якія ўваходзілі ў гэта сямейства, былі ўключаны ў сямейства Амарылісавыя (Amaryllidaceae)^[4].

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 12. — 160 с. — 2 350 экз.
4. APG III