Diaphora mendica — від матылькоў з сямейства Erebidae.
Від распаўсюджаны па ўсёй Еўропе, за выключэннем крайняй Поўначы і Міжземнамор’я, і Паўночнай Азіі на ўсход да Байкала. Жыве ў хваёвых лясах, на вільготных лугах і верасовых балотах.
Размах крылаў каля 30 мм. Від характарызуецца выяўленым палавым дымарфізмам. Самцы шэра-карычневыя, а самкі ярка-белыя з некалькімі чорнымі плямамі. У абодвух пухнатыя галавы. Самкі падобныя да Spilosoma lubricipeda, але не маюць прыкметнага чорна-жоўтай афарбоўкі на брушку.
Матылі лётаюць у адным пакаленні з красавіка да пачатку ліпеня. Лічынкі харчуюцца відамі родаў бяроза (Betula), вярба (Salix), шчаўе (Rumex), яснотка (Lamium) і трыпутнік (Plantago). Самка адкладае на лісці круглыя злёгку зеленаватыя яйцы. Вусені сустракаюцца з ліпеня па кастрычнік. Лічынка шэра-карычневая, зеленаватая па баках, з чырванавата-карычневымі бародаўкамі і рудымі валасінкамі; на спіне ёсць сярэдняя лінія, якая часам невыразная.
Зноскі
Самец
Самка
Вусень
