DirectX

Microsoft DirectX
Тып	Асяроддзе для дадаткаў
Распрацоўшчык	Microsoft
Напісана на	High Level Shader Language^[d] і C++
Аперацыйная сістэма	Microsoft Windows
Першы выпуск	30 верасня 1995
Апошняя версія	11 (22 ліпеня 2009)
Ліцэнзія	Microsoft EULA
Сайт	DirectX
Медыяфайлы на Вікісховішчы

DirectX (ад англ.: direct — прамы, непасрэдны) — гэта набор API, распрацаваных для рашэння задач, звязаных з праграмаваннем пад Microsoft Windows. Найбольш шырока выкарыстоўваецца пры напісанні камп’ютарных гульняў. Пакет сродкаў распрацоўкі DirectX пад Microsoft Windows бясплатна даступны на сайце Microsoft. Часта абноўленыя версіі DirectX пастаўляюцца разам з гульнявымі дадаткамі.

DirectX API

Практычна ўсе часткі DirectX API уяўляюць сабой наборы COM-сумяшчальных аб’ектаў.

У цэлым, DirectX падраздзяляецца на:

• DirectX Graphics, набор інтэрфейсаў, якія раней (да версіі 8.0) дзяліліся на:
  • DirectDraw : інтэрфейс вываду растравай графікі. (Яго распрацоўка даўно спынена)
  • Direct3D (D3D): інтэрфейс вываду трохмерных прымітываў.
• DirectInput: інтэрфейс, які выкарыстоўваецца для апрацоўкі даных, якія паступаюць з клавіятуры, мышы, джойсціка і інш. гульнявых кантролераў.
• DirectPlay: інтэрфейс сеткавай камунікацыі гульняў.
• DirectSound: інтэрфейс нізкаўзроўневай працы з гукам (фармату Wave)
• DirectMusic: інтэрфейс прайгравання музыкі ў фарматах Microsoft.
• DirectShow: інтэрфейс, які выкарыстоўваецца для ўводу/вываду аўдыё і/або відэа даных.
  • DirectX Instruments — тэхналогія, якая дазваляе на аснове мультымедыйнага API DirectX ствараць і выкарыстоўваць праграмныя сінтэзатары. У адрозненне ад DX-убудоў, такія праграмы могуць цалкам кіравацца па MIDI і служаць галоўным чынам не для апрацоўкі, а для сінтэзу гуку. Тэхналогія DXi была папулярная ў 2001—2004 гг., асабліва ў праграмных прадуктах Cakewalk, але з часам прайграла «вайну фарматаў» тэхналогіі VST ад Steinberg.
• DirectSetup: частка, адказная за ўсталяванне DirectX.
• DirectX Media Objects: рэалізуе функцыянальную падтрымку паточных аб’ектаў (напрыклад, кадзіроўшчыкі/дэкадзіроўшчыкі)
• Direct2D : інтэрфейс вываду двухмернай графікі

Гл. таксама

• GDI
• OpenGL
• Simple DirectMedia Layer
• X (DirectX) — фармат файла для захоўвання 3D аб’ектаў, распрацаваны Microsoft для DirectX
• Direct3D 11 — версія, якая ўжываецца галоўным чынам у Windows 7 (уключана) і Windows Vista для дадаткаў
• Спіс гульняў, якія падтрымліваюць DirectX 10

Спасылкі

• DirectX на афіцыйным сайце Microsoft