Аленевы грыб

Аленевы грыб
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Плютэевыя Род:  Плютэй Від:  Аленевы грыб
Міжнародная навуковая назва
Pluteus cervinus (Schaeff.) P. Kumm., 1871
Сінонімы
Agaricus cervinus Schaeff., 1774basionym Agaricus pluteus Batsch, 1783 Agaricus curtisii Berk., 1849 Pluteus curtisii (Berk.) Sacc., 1887 Agaricus fertilis Pers., 1801 Gymnopus fertilis (Pers.) Gray, 1821
Выявы на Вікісховішчы NCBI   181527 EOL   2920841 MB   114780

Аленевы грыб, плютэй аленевы^[1] (Pluteus cervinus) — шапкавы базідыяльны грыб з роду Плютэй (Pluteus) сямейства Плютэевыя (Pluteaceae).

Апісанне

Пладовае цела грыба — шапка на ножцы. Шапка дыяметрам 3—10^[1] см, шэрага або шэра-карычневага колеру, шаўкавістая, звычайна сухая, паласатая па краі. У маладых грыбоў шапка мае форму званочка, потым распасцёртая. Мякаць белая, з пахам рэдзькі. Пласцінкі шырокія, тоўстыя. Колер пласцінак спачатку белы, потым яны становяцца ружаватымі ад споравага парашку. Ножка шчыльная, белая з чорнымі валокнамі, часта патоўшчаная каля асновы.

Распаўсюджанне і экалогія

Грыб пашыраны ва ўмераных зонах на ўсіх кантынентах, акрамя Антарктыды. Растуць у лясах і садах на пнях і каля іх, гніючых ствалах і галінах лісцевых парод дрэў, пілавінні, на месцах высечак. Пладовыя целы з’яўляюцца ў чэрвені — верасні.

Ядомы грыб. У тундры — ласунак аленяў^[1].

Зноскі

1. Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 245. — 10 000 экз. — ISBN 985-11-0035-8. — ISBN 985-11-0036-6 (т. 1).
• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 71. — 575 с., іл. — 10 000 экз.
• Гапіенка В. С. Плютэй // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 228. — 599 с., іл. — 10 000 экз.

Спасылкі

• Плютей олений, или плютей бурый, или плютей темно-волокнистый, или олений гриб — Pluteus cervinus (Fr.) Kumm., или Pluteus atricapillus // Экологический центр «Экосистема»™ (руск.)