Брэла

Брэла Герб Герб Краіна  Харватыя Каардынаты 43°22′ пн. ш. 16°56′ у. д.^HGЯO Плошча 26,8 км²[1] 6,9 км²[1] Вышыня цэнтра 0 м Насельніцтва ▼1 626 чал. (31 жніўня 2021)[2] Паштовыя індэксы 21320[3] Афіцыйны сайт opcina-brela.hr (харв.) Брэла на карце Харватыі

Медыяфайлы на Вікісховішчы

Брэла (харв.: Brela) — муніцыпалітэт у Спліцка-Далмацінскай жупаніі ў Харватыі, курортны пасёлак на Адрыятычным моры на Макарскім узбярэжжы. Самы паўночны з населеных пунктаў Макарскага ўзбярэжжа. З'яўляюцца папулярным турыстычным напрамкам, дзякуючы сваёй прыроднай прыгажосці і турыстычным традыцыям.

Муніцыпальныя пасёлкі

У склад муніцыпалітэта ўваходзяць два населеныя пункты: Брэла (раней Ніжняя Брэла) і Высокая Брэла.

Геаграфія

Муніцыпалітэт Брэла знаходзіцца на самым захадзе Макарскага ўзбярэжжа, у 45 км ад Спліта і 15 км ад Макарскай.

Пасёлак Брэла, раней вядомы як Доня (Ніжняя) Брэла, размешчаны ля падножжа гары Біёкава, на працягу 7 км уздоўж дзяржаўнай дарогі D8 - Ядранская магістраль, ад Врулі ў муніцыпалітэце Задвар'е на захадзе да Башка-Вода на паўднёвым усходзе.

Пляж Пунта Рата ў Брэле — знакаміты пляж у Харватыі, вядомы сваімі чыстымі водамі, галечным пакрыццём і маляўнічымі скаламі, што робіць яго адным з самых прыгожых пляжаў на Адрыятыцы. Пунта Рата таксама вядомы сімвалічнай скалой Брэла (Brela Stone), якая з'яўляецца візітнай карткай рэгіёна. У 2004 годзе пляж Пунта Рата трапіў у лік самых прыгожых пляжаў свету па версіі часопіса Forbes. Таксама амерыканскі партал The Huffington Post (з красавіка 2017 года вядомы як HuffPost) у 2014 годзе абвясціў Брэлу месцам мары.^[4]

Гісторыя

Харвацкая Брэла ўпершыню згадваецца пад назвай «Беройлія» каля 950 года на грэчаскай мове ў працы візантыйскага імператара Канстанціна VII Парфірароднага «Пра кіраванне імперыяй», як адзін з чатырох умацаваных гарадоў старажытнага Нератванскага княства Паганія.

Жыхары Брэлы ў лацінізаванай форме «Brolanenses» згадваюцца ў 1315 годзе ў прывілеі, якім харвацкі князь Юрай Шубіч з горада Кліса прызнае жыхарам Брэлы тыя ж прывілеі, што і іншым падданым тагачаснай камуны Оміш.

Від на гавань у раёне Соліны

Пляж Пунта-Рата

Высокая Брэла, раён Суботышча

Колькасць насельніцтва

Паводле перапісу 2011года ў муніцыпалітэце Брэла налічваліся 1703 жыхары размеркаваныя ў двух населеных пунктах:

• Брэла - 1 575
• Высокая Брэла - 128

Нацыянальны склад на 2011 год

• Харваты - 1664 (97,71%)
• Сербы - 13 (0,76%)
• Немцы - 6 (0,35%)
• Баснякі - 5 (0,29%)
• Чэхі - 2
• Славакі - 2
• Славенцы - 2
• Венгры - 1
• Македонцы - 1
• іншыя - 3
• дэклараваных па рэлігійнай прыналежнасці - 1
• не дэкларуюць - 3

Помнікі і славутасці

Касцёл Маці Божай Кармэнскай

• Французская дарога ў Біёкава (1810-1811), ахоўная культурная каштоўнасць Рэспублікі Харватыя
• Царква св. Стэфана першапакутніка 1897 года.
• Царква Маці Божай Кармэльскай 1715 г.
• Царква св. Іліі ў Высокай Брэле пачатку XVIII ст. стагоддзя
• Царква Маці Божай Здароўя ў Высокай Брэле XVII ст. стагоддзя
• Царква св. Ніколе ў Высокай Брэле на вышыні 572 м над узроўнем мора з датурэцкай эпохі
• капліцы: св. Рока (1856), св. Кае (1768), Багародзіца на Дубцах (1870)
• Некропаль стэчакоў XIV–XV стагоддзяў
• комплекс будынкаў Бекаўцы - Івандзіча двары на Крычках
• вежа на Палетніцы (387 м) XVI ст., турэцкая Забрдамская вежа ( XVII ст.), форт Герцага, Ілірыйскі замак і інш., у Высокай Брэле.

Гаспадарка

Брэлянскія рыбакі

Турызм з'яўляецца асноўным відам дзейнасці большасці брэляўчан. Месца мае вялікую колькасць турыстычных месцаў у прыватным і гасцінічным размяшчэнні. Насельніцтва па-ранейшаму займаецца рыбалоўствам, вырошчваннем вінаграднай лазы, аліў, а некалі і вішні (Сакалуша - гатунак брэлянскай макарскай вішні).

Крыніцы

1. Register of spatial units of the State Geodetic Administration of the Republic of Croatia
   <a href="https://wikidata.org/wiki/Track:Q119585703"></a>
2. Popis stanovništva, kućanstava i stanova 2021. – stanovništvo prema starosti i spolu po naseljima, 2021 Croatian census: population data by age, sex, settlement — Croatian Bureau of Statistics, 2022.
   <a href="https://wikidata.org/wiki/Track:Q3513788"></a><a href="https://wikidata.org/wiki/Track:Q118496886"></a>
3. List of Croatian settlements and delivery post offices — 2022.
   <a href="https://wikidata.org/wiki/Track:Q125763583"></a>
4. Miller. Brela Is The Secret European Beach Retreat You've Been Dreaming About (нявызн.). huffpost.com. HuffPost Life, (16 жніўня 2014). Праверана 5 лютага 2020.