Во Нгуен Зіяп

Во Нгуен Зіяп
в’етн. Võ Nguyên Giáp
Дата нараджэння	25 жніўня 1911(1911-08-25)[1][2]^[…]
Месца нараджэння	Lộc Thủy^[d], Куангбінь
Дата смерці	4 кастрычніка 2013(2013-10-04)[3][1]^[…] (102 гады)
Месца смерці	Ханой, В’етнам
Грамадзянства	В’етнам
Адукацыя	В'етнамскі нацыянальны ўніверсітэт^[d] Lycée Albert Sarraut^[d]
Веравызнанне	Атэізм
Партыя	Камуністычная партыя В’етнама
Род дзейнасці	ваенны, палітык, журналіст, пісьменнік, дзяржаўны дзеяч
Месца працы	Office of Strategic Services^[d]
Бацька	Võ Quang Nghiêm^[d]
Жонка	Nguyễn Thị Quang Thái^[d] і Đặng Bích Hà^[d]
Узнагароды	ганаровы доктар Калькуцкага ўніверсітэта^[d]
Аўтограф
Удзельнік	Другая сусветная вайна Battle of Dien Bien Phu^[d] Тэцкае наступленне (1968) Аперацыя «Нгуен Хюэ» Індакітайская вайна вайна ў В’етнаме
Медыяфайлы на Вікісховішчы

Во Нгуен Зіяп (в’етн. Võ Nguyên Giáp; 25 жніўня 1911 — 4 кастрычніка 2013) — в’етнамскі ваенны і палітычны дзеяч.

Біяграфія

Нарадзіўся 11 жніўня 1911 года ў правінцыі Куан Бінь.

У 1924 годзе паступіў у прэстыжную Нацыянальную акадэмію ў Хюэ. Праз два гады быў выключаны за стварэнне студэнцкай арганізацыі, правёў тры месяцы ў турме за кіраўніцтва дэманстрацыямі. У 1930 годзе быў заключаны ў турму на два гады за прыналежнасць да Камуністычнай партыі Індакітая (КПІ). Выйшаўшы з турмы, паступіў у ліцэй Альбер-Сара ў Ханоі, скончыў яго з дыпломам па праве і палітычнай эканоміі. Быў прафесарам гісторыі ў ліцэі Тан Лон. У 1930-х гадах апублікаваў мноства артыкулаў па сацыяльна-эканамічнаму становішчу ў В’етнаме і міжнародных справах у такіх газетах, як «Голас народа», «Навіны і інфармацыя», «Праца», «Народ» і «Мы». У суаўтарстве з іншым членам кампартыі напісаў кнігу «Сялянскае пытанне».

У 1940 годзе Зіяп сустрэўся з Ха Шы Мінам і неўзабаве стаў адным з яго бліжэйшых паплечнікаў. У 1944 годзе арганізаваў Узброеную прапагандысцкую брыгаду, папярэдніцу В’етнамскай вызваленчай арміі, якая адыграла ключавую ролю ў захопе дзяржаўнай улады падчас жнівеньскай рэвалюцыі 1945. У тым жа годзе стаў адным з чатырох членаў Пастаяннага сакратарыята Цэнтральнага Камітэта партыі, папярэднікі Палітбюро.

Падчас Першай Індакітайскай вайны з’яўляўся галоўнакамандуючым в’етнамскай арміі. Нанёс сур’ёзнае паражэнне французскім сілам у бітве пры Д’енб’енфу.

Падчас вайны ў В’етнаме (1959—1975) кіраваў усімі буйнымі наступальнымі аперацыямі паўночнав’етнамскай арміі. Зіяп арганізаваў Тэцкае (1968), Велікаднёвае (1972) і Вясновае (1975) наступленні.

У 1978 годзе Зіяп выступіў супраць увядзення войскаў у Камбоджу. У сакавіку 1982 годзе быў выведзены са складу Палітбюро, аднак захаваў за сабой пасаду намесніка старшыні савета міністраў па пытаннях навукова-тэхнічнага развіцця. У ліпені 1991 годзе Зіяп быў выведзены са складу Цэнтральнага Камітэта партыі.

Во Нгуен Зіяп памёр 4 кастрычніка 2013 года.

Зноскі

1. Vo Nguyen Giap // Brockhaus Enzyklopädie Праверана 9 кастрычніка 2017.
   <a href="https://wikidata.org/wiki/Track:Q237227"></a>
2. Vo Nguyen Giap // Gran Enciclopèdia Catalana — Grup Enciclopèdia, 1968.
   <a href="https://wikidata.org/wiki/Track:Q18696256"></a><a href="https://wikidata.org/wiki/Track:Q2664168"></a>
3. Vietnam's General Vo Nguyen Giap dies

Літаратура

• Black, Edwin F. The Master Plan for Conquest in Vietnam. // Military Review. — June 1963. — Vol. 43 — No. 6.

Спасылкі

• Во Нгуен Зіяп (палітычная і ваенная дзейнасць) (руск.)
• Кароткая біяграфія (руск.)
• Н. Ігнацьеў Спадчына генерала Зіяпа (руск.)