Зборыў

Горад Зборыў укр.: Зборів Герб^[d] Сцяг^[d] Краіна  Украіна Вобласць Цярнопальская вобласць Раён Цярнопальскі раён Каардынаты 49°39′42″ пн. ш. 25°08′43″ у. д.^HGЯO Першая згадка 1241 Горад з 1939 Плошча 6 км² Вышыня цэнтра 354 м Водныя аб’екты Strypa^[d] Насельніцтва 6600 чалавек (2022) Часавы пояс UTC+2, летам UTC+3 Тэлефонны код +380-3552 Паштовы індэкс 47201 КААТУУ 6122610100 Зборыў на карце Украіны ±

Медыяфайлы на Вікісховішчы

Зборыў^[1] (укр.: Зборів) — горад у Цярнопальскім раёне Цярнопальскай вобласці Украіны, былы раённы цэнтр, цэнтр тэрытарыяльнай грамады.

Адлегласць да чыгуначнай станцыі «Зборыў» — 3 км. Адлегласць да абласнога цэнтра — 37 км, да Львова — 90 км. Праз горад пралягаюць аўтадарогі Львоў — Цярнопаль, Зборыў- Пачаіў, Зборыў — Казава, Зборыў — Памараны.

Гісторыя

Першыя пісьмовыя згадкі аб населеным пункце адносяцца да XV ст., хоць цяперашнюю назву тады не выкарыстоўвалі. Паводле падання, у эпоху Галіцка-Валынскай дзяржавы на месцы сучаснага горада было заснавана ў 1166 г. паселішчы («град») Верхастаў. Па адной версіі, мястэчка заснавалі шляхцічы Збароўскія з Вялікапольшчы, па іншай — уладальнікі аднайменнага мястэчка ў Львоўскай зямлі. У 1241 г. Верхастаў разбурылі мангола-татары.

Назва Зборыў вядомая з 1445 г. Паходзіць яна, па адной версіі, ад слоў «сходаў», «збар», «збор» — месца дзе збіраліся выратаваны пасля нападаў ворага жыхары. Па іншай — ад слова «забор» у значэнні «агароджа», «умацаванне» — лагер, гарадзішча. Статус мястэчка Зборыў атрымаў у XVI ст. Тады тут быў невялікі замак. У гістарычных дакументах 1601 г. згадана пра ўрад бургамістра ў горадзе, такім чынам мястэчка мела магдэбургскае права. Ад 1642 г. Зборавам валодалі Сабескія, 1740 г. — Радзівілы, 1760 г. — Бельскія.

У жніўні 1649 г. каля горада адбылася Зборыўская бітва — бітва ўкраінскага казацкага войска на чале з Багданам Хмяльніцкім і яго саюзнікаў пад кіраўніцтвам крымскага хана Іслам-Гірэя III з арміяй Рэчы Паспалітай на чале з каралём Янам II Казімірам.

Насельніцтва

• 1996 год — 8600 жыхароў^[2].

Вядомыя асобы

• Мілена Рудніцкая (1892—1976) — украінская грамадска-палітычная дзеячка, журналістка, пісьменніца, піянерка ўкраінскага фемінізму.

Зноскі

1. Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»
2. БСГН 2003.

Літаратура

• Збо́ров // Большой словарь географических названий (руск.) / Гл. ред. В. М. Котляков. — Екатеринбург: У-Фактория, 2003. — С. 231. — 832 с. — 10 000 экз. — ISBN 5-94799-148-9.

Спасылкі

• На Вікісховішчы ёсць медыяфайлы па тэме Зборыў