Лукаш Пішчак

Лукаш Пішчак
Агульная інфармацыя
Нарадзіўся	3 чэрвеня 1985(1985-06-03)[1][2] (39 гадоў) Чэхавіцы-Дзядзіцы, Гміна Чэхавіцы-Дзядзіцы, Бельскі павет, Сілезскае ваяводства[3]
Грамадзянства	Польшча
Рост	184 см
Вага	75 кг
Пазіцыя	правы абаронца, правы паўабаронца
Інфармацыя пра клуб
Клуб	Гачалкавіцы-Здруй
Маладзёжныя клубы
1992—2001 Гачалкавіцы-Здруй 2001—2004 Гварак Забжэ
Клубная кар’ера[* 1]
2004—2010 Герта 68 (3) 2004—2007 →  Заглэмбе 69 (14) 2010—2021 Барусія (Дортмунд) 264 (16) 2021— Гачалкавіцы-Здруй
Нацыянальная зборная[* 2]
2007—2019 Польшча 66 (3)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 чэрвеня 2021. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Лу́каш Пі́шчак (польск.: Łukasz Piszczek; нар. 3 чэрвеня 1985, Чэхавіцы-Дзядзіцы, Польшча) — польскі футбаліст, абаронца і паўабаронца клуба «Гачалкавіцы-Здруй». Ігрок нацыянальнай зборнай Польшчы (2007—2019). Вядомы па выступах за дортмундскую «Барусію», разам з якой стаў двухразовым чэмпіёнам Германіі.

Клубная кар’ера

У 2001 годзе Лукаш далучыўся да клуба «Гварак Забжэ», з якім ён стаў пераможцам у 2003 годзе польскага моладзевага чэмпіянату. У 2004 годзе ён быў падпісаны «Гертай» і адразу ж аддадзены ў арэнду ў «Заглэмбе». З «Заглэмбе» ён выйграў чэмпіянат лігі сезона 2006/07.

Восенню 2007 года «Герта» вярнула іграка. Ён забіў свой першы гол у Бундэслізе 26 красавіка 2008 года ў матчы супраць «Гановера».

Пішчак прапусціў вялікую частку першай паловы сезона 2008/09 з-за траўмы сцягна, якая ў канчатковым выніку запатрабавала хірургічнага ўмяшання. Вярнуўся ў шэрагі клуба ў лютым 2009 года, але зноў атрымаў невялікую траўму, на гэты раз калена. Нарэшце, да красавіка ўсе яго траўмы скончыліся і ён зноў вярнуўся на поле.

19 мая 2010 года ў якасці свабоднага агента падпісаў трохгадовае пагадненне з дортмундскай «Барусіяй»^[4].

У маі 2021 года па заканчэнні кантракта пакінуў «Барусію» і, завяршыўшы прафесійную кар’еру, у якасці аматара далучыўся да польскага клуба «Гачалкавіцы-Здруй» з чацвёртага дывізіёна, дзе некалі пачынаў займацца футболам.

Міжнародная кар’ера

Першы раз на поле ў футболцы зборнай Лукаш выйшаў у таварыскім матчы супраць каманды Эстоніі 3 лютага 2007 года.

6 чэрвеня 2008 года ён быў уключаны ў польскую заяўку на Еўра-2008 з-за траўмы Якуба Блашчыкоўскага. Згуляў адзін матч супраць зборнай Германіі, але неўзабаве атрымаў траўму на трэніроўцы і далейшага ўдзелу на Еўра не прыняў^[5].

Дасягненні

«Заглэмбе» Любін:

• Чэмпіён Польшчы: 2007

«Барусія» Дортмунд:

• Чэмпіён Германіі (2): 2011, 2012
• Уладальнік Кубка Германіі (3): 2012, 2017, 2021
• Уладальнік Суперкубка Германіі (2): 2014, 2019

Асабістае жыццё

Яго бацька, трэнер мясцовага футбольнага клуба, вырашыў прыцягнуць яго да аднаго з вучэбных заняткаў ва ўзросце 7 гадоў. Яго брат Томаш, таксама гуляе ў футбол. Лукаш жанаты з чэрвеня 2009 года^[6].

Зноскі

1. Lukasz Piszczek // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Lukasz Piszczek // As — Madrid: PRISA, 1967. — ISSN 1888-6671
   <a href="https://wikidata.org/wiki/Track:Q2807"></a><a href="https://wikidata.org/wiki/Track:Q1466106"></a><a href="https://wikidata.org/wiki/Track:Q719880"></a>
3. 90minut.pl — 2003. Праверана 23 верасня 2022.
   <a href="https://wikidata.org/wiki/Track:Q2818677"></a>
4. BVB holt Lukasz Piszczek Архівавана 22 лютага 2012.. ruhrnachrichten.de
5. Лукаш Пищек не сыграет с австрийцами. football.kulichki.net
6. Morgen Hochzeit mit seiner Ewa Архівавана 8 чэрвеня 2009.. Bild.de

Спасылкі

• На Вікісховішчы ёсць медыяфайлы па тэме Лукаш Пішчак