Мангольскі дзэрэн

Мангольскі дзэрэн
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Парнакапытныя Падатрад:  Жвачныя Сямейства:  Пустарогія Падсямейства:  Antilopinae Род:  Дзэрэны Від:  Мангольскі дзэрэн
Міжнародная навуковая назва
Procapra gutturosa (Pallas, 1777)
Сінонімы
Antelope gutturosa Pallas, 1777 Antelope orientalis Erxleben, 1777 Procapra altaica Hollister, 1913[1] Gazella gutturosa (Pallas, 1777)
Арэал
Сістэматыка на Віківідах Выявы на Вікісховішчы ITIS   625114 NCBI   157669 EOL   344585 FW   149584

Мангольскі дзэрэн^[2] (Procapra gutturosa) — капытная жывёла роду дзэрэнаў сямейства пустарогіх.

Апісанне

Маса цела самцоў 24-39 кг, самак 20-28 кг, даўжыня цела самцоў 105—148 см, самак 110—121 см, вышыня ў карку самцоў 62-84 см, самак 54-74 см, даўжыня хваста 9-12 см.

У самцоў цёмна-шэрыя чорныя рогі даўжынёй 18-28 см, у самак рагоў няма. Афарбоўка поўсці зверху жаўтлява-пясчаная, знізу белая.

Распаўсюджанне

Дзэрэн. Манета Банка Расіі. Серыя «Чырвоная кніга», срэбра, 1 рубель, 2006 г.

Жыве ў стэпах і паўпустынях Манголіі, у Кітаі (Унутраная Манголія, Ганьсу). На тэрыторыі Расіі вельмі рэдкі, занесены ў Чырвоную кнігу, сустракаецца ў Даурыі, у Чуйскім стэпе (Горны Алтай) і Убсунурскай катлавіне (Тува) пры заходзе з Манголіі. Да канца 1930-х гадоў дзэрэн быў шматлікім у Туве, але пазней папуляцыя рэзка скарацілася. У цяперашні час дзэрэн у Расіі пастаянна сустракаецца толькі ў Даурскім запаведніку і яго ваколіцах на поўдні Забайкальскага краю

Падвіды

Дзэрэн утварае 2 падвіды^[3]:

• Procapra gutturosa gutturosa, намінатыўны падвід;
• Procapra gutturosa altaica, мае некалькі больш цёмную поўсць, больш шырокі чэрап, больш буйныя карэнныя зубы і больш шырока расстаўленыя рогі; у астатнім вельмі падобны на намінатыўны падвід; жыве на Алтаі.

З прычыны нязначных марфалагічных адрозненняў ад намінатыўнага некаторыя даследчыкі лічаць вылучэнне другога падвіда неапраўданым^[4].

Зноскі

1. Sokolov V. E., Lushchekina A. A. 1997. Procapra gutturosa. Mammalian Species (American Society of Mammalogists), № 571.
2. Напісанне Мангольскі дзэрэн, таксама ўсіх астатніх відаў у адпаведнасці з БЭ ў 18 тамах., Т.6. Мн., 1998, С.127
3. Castello J. R. 2016.
4. IUCN SSC Antelope Specialist Group. 2016.

Спасылкі

• Позвоночные животные России: Дзерен Архівавана 22 студзеня 2021.
• Мангольскі дзэрэн (руск.) — артыкул з Вялікай савецкай энцыклапедыі
• Редкие и исчезающие животные России и зарубежья: Дзерен Архівавана 28 красавіка 2009.