Ота фон Белаў

У Вікіпедыі ёсць артыкулы пра іншых асоб з прозвішчам фон Белаў.

Ота Эрнст Вінцэнт Леа фон Белаў
ням.: Otto Ernst Vinzent Leo von Below
Дата нараджэння	18 студзеня 1857(1857-01-18)[1]
Месца нараджэння	Данцыг, правінцыя Прусія^[d], Каралеўства Прусія[2]
Дата смерці	9 сакавіка 1944(1944-03-09)[1] (87 гадоў)
Месца смерці	Friedland^[d], Гётынген^[d], Hildesheim Government Region^[d], Правінцыя Гановер, Вольная дзяржава Прусія, Германскі рэйх
Бацька	Hugo Below^[d]
Грамадзянства	Германскі рэйх  Веймарская рэспубліка  Германская імперыя  Каралеўства Прусія
Прыналежнасць	Германская імперыя
Род войскаў	Пяхота
Гады службы	1875 — 1919
Званне	Генерал пяхоты Генерал пяхоты
Камандаваў	2-я пяхотная дывізія I Рэзервовы корпус 8-я армія Нёманская армія Група армій Белава 6-я армія 14-я армія 17-я армія 1-я армія
Бітвы/войны	Першая сусветная вайна
Узнагароды і званні	Ордэн «Pour le Mérite» Жалезны крыж 1-га класа Жалезны крыж 2-га класа Кавалер Вялікага крыжа Ваеннага ордэна Максіміліяна Іосіфа, Баварыя Ордэн Чорнага арла
Сувязі	стрыечны брат Фрыц фон Белаў
У адстаўцы	з 1919
Медыяфайлы на Вікісховішчы

О́та Э́рнст Вінцэ́нт Ле́а фон Бе́лаў (ням.: Otto Ernst Vinzent Leo von Below; 18 студзеня 1857, Данцыг — 9 сакавіка 1944) — нямецкі ваенны дзеяч, генерал пяхоты, удзельнік Першай сусветнай вайны.

Біяграфія

З сям’і генерал-маёра, з 1875 года ў войску, з 1884 года па 1889 год вучыўся ў Ваеннай акадэміі. У 1889 годзе атрымаў прызначэнне ў Генштаб. Затым на розных камандных пасадах, пачынаў як камандзір роты. Камандаваў пяхотнымі батальёнам, палком, брыгадай.

У 1912 годзе прызначаецца камандзірам 2-й пяхотнай дывізіі.

З пачаткам Першай сусветнай вайны, камандуючы армейскім корпусам. Ваяваў на Усходнім фронце, у Усходняй Прусіі. У жніўні 1914 года камандаваў І-м рэзервовым корпусам у бітве пры Гумбінене — першай бітве Першай сусветнай вайны на ўсходнім фронце. Яна завяршылася перамогай рускіх войскаў і адыходам германскіх частак.

У лістападзе 1914 года, пасля паспяховых дзеянняў корпуса пад камандаваннем Бе́лава, яго прызначаюць камандуючым 8-й арміяй. Правёў удалую аперацыю зімой 1915 года па акружэнню рускіх войскаў падчас Мазурскай бітвы. У сакавіку 1915 года быў узнагароджаны ордэнам Pour le Merite.

У маі прызначаны камандуючым Нёманскай арміяй. У ходзе кампаніі 1915 года дамогся са сваёй арміяй значных поспехаў, заняў шырокую тэрыторыю і вымусіў адступаць 5-ю рускую армію. У канцы 1915 года зноў прызначаны камандуючым 8-й арміяй.

З кастрычніка 1916 года пераведзены на Салоніцкі фронт, у Македонію.

У сакавіку 1917 года пераведзены на Заходні фронт, прызначаны камандуючым 6-й арміяй, яго армія ўдзельнічала ў адбіцці наступу Нівеля.

Восенню 1917 года зноў быў пераведзены на Італьянскі фронт, прызначаны камандуючым 14-й арміяй, якая складалася з аўстра-венгерскіх і германскіх дывізій. Пад яго камандаваннем праведзена паспяховая бітва пры Капарэце, у якой італьянская армія была разгромлена і адкінута на 70—110 кіламетраў у глыб Італіі. Пасля паспяховага наступлення пры Капарэце, на пачатку 1918 года прызначаны камандуючым 17-й арміяй. Яго армія ўдзельнічала ў наступе ў Пікардыі, з ёй фон Белаў прасунуўся на 18 кіламетраў ўглыб абароны саюзнікаў. Падчас Ам’енскай аперацыі быў вымушаны пачаць адвод войскаў з-за пагроз з флангаў.

З кастрычніка 1918 года — камандуючы 1-й арміяй у Шампані, у заключныя дні вайны быў прызначаны галоўнакамандуючым германскімі войскамі на Заходнім фронце.

Пасля вайны выйшаў у адстаўку.

Зноскі

1. Otto Ernst Vinzent von Below // filmportal.de — 2005. Праверана 9 кастрычніка 2017.
   <a href="https://wikidata.org/wiki/Track:Q15706812"></a>
2. Deutsche Nationalbibliothek Record #119162156 // Агульны нарматыўны кантроль — 2012—2016. Праверана 10 снежня 2014.
   <a href="https://wikidata.org/wiki/Track:Q27302"></a><a href="https://wikidata.org/wiki/Track:Q36578"></a>

Літаратура

• Залесский К.А. Кто был кто в Первой мировой войне. — М.: АСТ, 2003. — 896 с. — 5 000 экз. — ISBN 5-271-06895-1.

Спасылкі

• Ота фон Белаў на сайце www.hrono.ru (руск.)