Паўночна-заходні рэгіён развіцця Румыніі
| Паўночна-заходні рэгіён развіцця | |
|---|---|
| рум.: Regiunea de dezvoltare Nord-Vest | |
| Краіна |
 Румынія |
| Статус | Рэгіён развіцця |
| Уключае | 6 жудзецаў |
| Адміністрацыйны цэнтр | Клуж-Напока |
| Насельніцтва (2011) | 2 495 247 |
| Шчыльнасць | 73,05 чал./км² |
| Плошча | 34 159 км² |
 |
|
| Часавы пояс | UTC+2 |
| Афіцыйны сайт | |
Паўночна-заходні рэгіён развіцця Румыніі (рум.: Regiunea de dezvoltare Nord-Vest) — адзін з рэгіёнаў развіцця Румыніі. Не з'яўляецца адміністрацыйнай адзінкай, быў створаны ў 1998 годзе для лепшай каардынацыі мясцовага развіцця падчас уступлення Румыніі ў Еўрапейскі саюз.
Склад
[правіць | правіць зыходнік]У склад ПЗРР уваходзяць жудзецы:
Насельніцтва
[правіць | правіць зыходнік]Станам на 2004 год, у рэгіёне пражывала 2 740 064 чалавека. Шчыльнасць насельніцтва склала 80,21 чал./км², што менш за сярэдні ўзровень па краіне (91,3 чал./км²). 48,77 % (1 336 425 чалавек) насельніцтва складаюць мужчыны, 51,23 % (1 403 639 чалавек) — жанчыны. Рэгіён з'яўляецца адным з найбольш мультынацыянальных, нацыянальныя меншасці складаюць 25 % насельніцтва.
Эканоміка
[правіць | правіць зыходнік]Аснову эканомікі Паўночна-заходняга рэгіёна складае сельская гаспадарка, у якой занята 46 % насельніцтва. У адміністрацыйных цэнтрах жудзецаў дзейнічаюць прадпрыемствы лёгкай і харчовай прамысловасці.
Транспарт
[правіць | правіць зыходнік]Праз рэгіён праходзяць 5 еўрапейскіх дарог E60, E81, E79, E671 і E58. Таксама вядзецца будаўніцтва аўтастрады A3, якая пройдзе праз жудзецы Клуж, Сэлаж і Біхор.
У рэгіёне размешчаны 4 аэрапорты — Клуж-Напока, Арадзя, Сату-Марэ і Бая-Марэ. Аэрапорты Клуж-Напока, Арадзя і Бая-Марэ маюць статус міжнародных, а аэрапорт Сату-Марэ выкарыстоўваецца для абслугоўвання толькі ўнутраных перавозак.
