Понта-Дэлгада

Горад Понта-Дэлгада Ponta Delgada Герб Сцяг Краіна  Партугалія Рэгіён Азорскія астравы Каардынаты 37°44′ пн. ш. 25°40′ з. д.^HGЯO Заснаваны 1450 Першая згадка 1507 Горад з 1546 Плошча 22 км² Вышыня цэнтра 12 м Афіцыйная мова партугальская Насельніцтва 68809 чалавек (2011) Нацыянальны склад партугальцы Канфесійны склад каталікі Часавы пояс UTC0 Тэлефонны код (+351) 292 Паштовыя індэксы 9504-523 Афіцыйны сайт cm-pontadelgada.azoresdigital.pt (парт.) Понта-Дэлгада на карце Партугаліі ±

Медыяфайлы на Вікісховішчы

По́нта-Дэлга́да (парт.: Ponta Delgada) — горад на востраве Сан-Мігел (Партугалія). У Понта-Дэлгадзе знаходзіцца вярхоўная Выканаўчая ўлада Азорскіх астравоў. Насельніцтва (2011 г.) - 68 809 чал.

Гісторыя

Заснаваны прыкладна ў сярэдзіне XV ст., аднак з пісьмовых каралеўскіх дакументаў вядомы толькі з 1507 г. як адносна вялікае астраўное паселішча. У 1522 г. у сувязі з тым, што землятрус разбурыў іншыя буйныя паселішчы на Сан-Мігеле Понта-Дэлгаду была выбрана як цэнтр адміністрацыйнага кіравання. 2 красавіка 1546 г. яе жыхары атрымалі правы гараджан. У 1582 г. каля горада адбылася марская бітва паміж партугальскім і іспанскім флотамі.

З 1975 г. у Понта-Дэлгадзе месціцца рэгіянальны ўрад Азорскіх астравоў (парт.: Junta Regional dos Açores).

• 
  Бітва каля Понта-Дэлгады, 1582 г.
• 
  Паштоўка 1899 г.

Клімат

Клімат міжземнаморскі, цёплы і мяккі. Сярэднегадавая тэмпература паветра — +17,43° C. Найбольш цёплы месяц — жнівень, калі сярэдняя дзённая тэмпература дасягае +22,1° C, але можа падвышацца да +28,8° C. Найбольш прахалодны месяц люты. Сярэдняя дзенная тэмпература якога складае +14,1° C, але можа паніжацца да +3,5° C. Сярэднегадавая колькасць ападкаў — 985,6 мм.

Эканоміка

Понта-Дэлгада — найбуйнейшы горад і адна са сталіц Азорскіх астравоў. Асноўныя галіны эканомікі — транспартнае абслугоўванне, гандаль і турызм. Працуюць марскі порт і аэрапорт. На тэрыторыі муніцыпалітэта Понта-Дэлгада знаходзіцца рэгіянальны ўніверсітэт Азорскіх астравоў.

Спасылкі

• На Вікісховішчы ёсць медыяфайлы па тэме Понта-Дэлгада
• Афіцыйны сайт Архівавана 10 красавіка 2012.
• Гісторыя
• Універсітэт Азорскіх астравоў