Ула Ліндквіст

У Вікіпедыі ёсць артыкулы пра іншых людзей з прозвішчам Ліндквіст.
Ула Ліндквіст
Пол жанчына
Спецыялізацыя спартыўнае арыентаванне
Клуб OK Tjärnen[d]
Нарадзілася 30 жніўня 1939(1939-08-30)
Памерла 6 жніўня 2015(2015-08-06)[1] (75 гадоў)
Грамадзянства

Ула Ліндквіст (шведск.: Ulla Lindkvist; 30 жніўня 1939 — 6 жніўня 2015[2]) — шведская арыентыроўшчыца, першая чэмпіёнка свету і Еўропы па спартыўным арыентаванні[3].

Біяграфія

[правіць | правіць зыходнік]

Ула Ліндквіст з’яўляецца самай яскравай зоркай жаночага спартыўнага арыентавання пачатку 1960-х гадоў. У 1961 годзе была створана Міжнародная федэрацыя спартыўнага арыентавання і было вырашана праводзіць чэмпіянаты Еўропы. Першы чэмпіянат Еўропы прайшоў у верасні 1962 года ў Нарвегіі каля мястэчка Лётэн (нарв.: Løten). Першай чампіёнкай Еўропы сярод жанчын стала Ула Ліндквіст.[4]

Праз два гады, на другім чэмпіянаце Еўропы Ула Ліндквіст заняла трэцяе месца, саступіла толькі прадстаўніцы Швейцарыі Маргрыт Томэн і сваёй суайчынніцэ Ганне-Марыі Вальстэн.[4]

У 1965 годзе было вырашана пра змяненне чэмпіяната Еўропы ў чэмпіянат свету. На новым міжнародным турніры Ула зноў станавілася пераможцай — яна двойчы брала золата ў 1966 і ў 1968 гадах, а ў 1970 годзе на чэмпіяце свету ў ГДР заняла другое месца.[3]. Такім чынам, Ула займала пераможныя месцы на чэмпіянатах Еўропы і свету на працягу амаль 10 год.

Ула Ліндквіст восем разоў запар (з 1967 па 1974) перамагала на буйнейшых шведскіх спаборніцтвах па арыентаванню О-Рынген.

Зноскі

  1. ↑ http://www.orientering.se/grenar/orientering/nyheter/sverigesforstavarldsmastarinnaharlamnatoss/
  2. ↑ Sveriges första världsmästarinna har lämnat oss(недаступная спасылка). Архівавана з першакрыніцы 24 жніўня 2015. Праверана 23 лістапада 2015.
  3. ↑ а б World Orienteering Championship, senior statistics 1966-2006 (англ.)(недаступная спасылка). Архівавана з першакрыніцы 23 лютага 2011. Праверана 04.02.2009.
  4. ↑ а б European Orienteering Championship, senior statistics 1962-1964, 2000-2004 (англ.)(недаступная спасылка). Архівавана з першакрыніцы 23 лютага 2011. Праверана 04.02.2009.