Eva Haule
Eva Sybille Haule-Frimpong (16 a viz Gouere 1954 e Tübingen) a zo un alamanez a gemeras perzh e trede rummad Rote Armee Fraktion. Tapout a reas kaout hec'h abitur (bachelouriezh en Alamagn) e Stuttgart a-raok kas ur vuhez kuzh azalek 1984[1].
Oberiant e RAF
[kemmañ | kemmañ ar vammenn]- 5 a viz Du 1984 : laerezh a reas armoù ha boledoù en ur stal-armoù e Maxdorf e-kichen Ludwigshafen.
- 18 a viz Kerzu 1984 : kemer perzh a reas e prientiñ lakaat ur vombezenn da darzhañ en ur skol eus NATO en Oberammergau. Soñjal a reer e parkas ur c'harr danvez-tarzh ennañ e-kichen ar skol, met ne darzhas ket an danvez-tarzh abalamour d'ur gudenn deknek.
- 1añ a viz C'hwevrer 1985 : kemer perzh a reas e muntr Ernst Zimmerman e Gauting[2]. Muntret e voe en anv Patsy O'Hara.
- 8 a viz Eost 1985 : asambles gant Birgit Hogefeld e lazhas Edward Pimental a-benn kaout e baperioù identelezh da vont tre diazlec'h aerlu SUA Rhein-Main, e-kichen Frankfurt.
- er memes miz e kemeras perzh er gwalldaol a-enep an diazlec'h-se, ma voe lazhet daou zen ha gloazet ugent den all.
Harzet ha bac'het
[kemmañ | kemmañ ar vammenn]D'an 2 a viz Eost 1986 e voe harzet e Rüsselsheim. D'an 28 a viz Even 1988 e voe kondaonet da 15 vloaz toull-bac'h.
E 2001 e oa da vezañ dieubet, met kavet e voe prouennoù nevez a-zivout ar pezh he doa graet gant RAF hag astennet e voe he frantad en toull-bac'h. Kaset e voe d'un toull-bac'h evit ar maouezed e Neukölln.
D'ar 17 a viz Eost 2007 e voe dieubet[3],[4]. N'he deus diskouezet tamm keuz ebet evit a sell ouzh ar pezh a reas pa oa ezel eus RAF[5].
Luc'hskeudennerez
[kemmañ | kemmañ ar vammenn]Pa oa bac'het e heulias Eva Haule kentelioù luc'hskeudenniñ. Hiziv an deiz e tap luc'hskeudennoù eus maouezed toullbac'het. He dastumad titlet "Poltredoù maouezed bac'het" a zo bet graet diskouezadegoù gantañ[6].
Notennoù
[kemmañ | kemmañ ar vammenn]- ↑ Kurzbiografie: Eva Sybille Haule-Frimpong - Infos zur Rote Armee Fraktion (RAF)
- ↑ http://de.wikipedia.org/wiki/Eva_Haule
- ↑ http://edition.cnn.com/2007/WORLD/europe/08/17/germany.haule.ap/index.html
- ↑ Former Red Army Faction terrorist convicted in US soldier killing released
- ↑ http://www.spiegel.de/international/germany/0,1518,500561,00.html
- ↑ German prison inmate Eva Haule's portraits of fellow prisoners in Istanbul - Turkish Daily News Jan 10, 2007
| |||||||||||||
