Mezeg (kumun)

Mezeg
An ti-kêr.
Anv gallaouek	Meczac
Anv gallek (ofisiel)	Messac
Bro istorel	Bro Roazhon
Melestradurezh
Departamant	Il-ha-Gwilen
Arondisamant	Redon
Kanton	Redon
Kod kumun	35176
Kod post	35480
Maer Amzer gefridi	Thierry Beaujouan 2014-2015
Etrekumuniezh	Kampoullennoù Breizh-Uhel Kumuniezh
Bro velestradurel	Bro Traoñiennoù ar Gwilen
Lec'hienn Web	(fr)www.messac35.fr
Poblañsouriezh
Poblañs	2 991 ann. (2013)[1]
Stankter	172 ann./km²
Douaroniezh
Daveennoù lec'hiañ	47° 49′ 32″ Norzh 1° 48′ 26″ Kornôg / 47.82556, -1.80722
Uhelderioù	kreiz-kêr : 11 m bihanañ 3 m — brasañ 89 m
Gorread	41,64 km²
Mezeg
kemmañ

Mezeg a oa ur gumun eus Breizh e Kanton Redon e departamant Il-ha-Gwilen.

Douaroniezh

• 
  Ar pont dreist d' ar stêr Gwilen.

• War lez ar Gwilen emañ Mezeg.

Istor

IX^vet kantved

• 843, Emgann Mezeg: trec'h Renaud war Hasting, Lambert Naoned ha Nevenoe.

XX^vet kantved

Brezel-bed kentañ

• Mervel a reas 119 gwaz eus ar gumun abalamour d'ar brezel hervez monumant ar re varv, da lâret eo 4,41 % ag ar boblañs hervez an niveradeg bet graet e 1911^[2].

Eil Brezel-bed

• Mervel a reas 20 den ag ar gumun abalamour d'ar brezel^[3].
• D'ar 16 a viz Gwenholon 1943 e kouezhas ur c'harr-nij B-17F (anvet "Battlin Bobbie", marilhet 42-29876 ha kodet FR-B) eus aerlu SUA (United States Army Air Forces) e "La Férandais" e Mezeg; eizh nijour eus e laz a zeuas a-benn da achap, an daou vilour all a voe tapet gant an Alamaned^[4].
• Dieubet e voe Mezeg d'an 3 a viz Eost 1944 gant ar 6th Armored Division eus lu SUA^[5].
• Lazhet e voe daou Rezistant eus ar gumun d’ar 4 a viz Eost 1944 en un emgann ouzh an Alamaned^[6],[7].
• En noz etre ar 4 hag ar 5 a viz Eost 1944 e kouezhas ur c'harr-nij Lysander marilhet BZ262 ha kodet RH-O eus ar 161st Squadron Royal Air Force Volunteer Reserve eus aerlu ar Rouantelezh-Unanet e "La Patouillais" e Mezeg gant daou zen en e vourzh, ar sturier breizhveuriat hag ur Gall, penn eus ar Rezistañs en Indre-et-Loire; lazhet e voent o-daou, douaret e voent e bered ar gumun, met ar Gall a voe kavet e identelezh e 1946 hag e gorf a voe rentet d'e familh; da gentañ e voe kredet e oa bet taolet al Lysander d'an diaz gant ur c'harr-nij-chaseal noz alaman Messerschmitt, met n'eus roud ebet eus an darvoud e dihelloù an aerlu alaman (Luftwaffe), padal e oa bet diskaret ur c'harr-nij en noz-se gant un nijerez Mosquito eus ar Royal Air Force: en em vanket e-vije laz ar Mosquito, o krediñ tennañ ouzh un Henschel 126 alaman^[8],[9].
• D'ar 16 a viz Mae 1945 e voe kavet korf un den eus ar gumun, ezel eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr e Sant-Pêr-Kiberen^[10].

Brezelioù didrevadennañ

Brezel Indez-Sina

• Mervel a reas ur soudard eus ar gumun d’an 13 a viz Du 1947 en ospital e Cholon e Saigon e Kochinsina er Viêtnam^[11].

Brezel Aljeria

• Mervel a reas daou vilour^[12].

XXI^vet kantved

• D'ar 17 a viz Mezheven 2015 e voe votet kendeuziñ ar gumun gant hini Gwipri evit sevel kumun Gwipri-Mezeg, staliet d'ar 1añ a viz Genver 2016^[13].

Monumantoù ha traoù heverk

• 
  Ar peulvan.
• 
  Tavarn ar porzh.
• 
  An iliz katolik.
• 
  An templ.

• Peulvan "Les Grées".
• Tavarn ar porzh.
• Iiliz katolik Sant Abdon ha Sant Sennen.
• Templ kozh Urzh an Templ e "La Coëfferie".
• Monumant ar re varv e-tal an iliz katolik, luc’hskeudennoù^[14]. Dioueliet e voe d’an 8 a viz Mae 1921^[15].
• Monumant an daou Rezistant lazhet er gumun d'ar 4 a viz Eost 1944 er gumun hag an archer rezistant lazhet en Ankiniz^[16].
• Monumant ar Rezistant hag an nijour breizhveuriat marvet e miz Eost 1944^[17].

Bez ar C'hommonwealth e bered ar gumun

Bro	Niver a soudarded
Rouantelezh-Unanet	1
Hollad	1

Ur c'harrnijour e oa. Marvet eo d'ar 5 a viz Eost 1944 pa voe diskennet e garr-nij (Lysander V9748, marilhet MA-D) e La Patouillais, e kumun Mezeg, e-pad an Eil Brezel Bed. Tennet e voe outañ dre fazi gant ur c'harr-nij arall eus Aerlu ar Rouantelezh-Unanet^[18],[19].

Emdroadur ar boblañs abaoe 1962

Niver a annezidi

Melestradurezh

Tud

Pennadoù kar

• Gwipri,
• Gwipri-Mezeg.

Liammoù diavaez

Commons

Muioc'h a restroù diwar-benn

Mezeg (kumun)

a vo kavet e Wikimedia Commons.

• (fr)Lec'hienn web ar gumun

Notennoù ha daveoù

1. Roadennoù ofisiel e lec'hienn an EBSSA
2. (fr)Memorial Genweb
3. (fr)Memorial Genweb Monumant ar re varv
4. (fr)Pertes USAAF
5. (fr)[1]
6. (fr)Fichenn hiniennel - Memorial Genweb
7. (fr)Fichenn hiniennel - Memorial Genweb
8. (fr)Pertes RAF
9. (fr) Luc'hskeudennoù ha resisadurioù
10. (fr)René Le Guénic, Morbihan - Mémorial de la Résistance, 1998, pajenn 329
11. (fr)Fichenn hiniennel - Memorial Genweb
12. (fr)Memorial Genweb
13. (fr)Lec'hienn ar c'hendeuziñ
14. (fr)Memorial Genweb
15. (fr)Université de Lille
16. (fr)Memorial Genweb
17. (fr)Memorial Genweb
18. (fr)Pertes RAF, département d'Ille-et-Vilaine
19. (en)Commonwealth War Graves Commission