Nassau-Oranien-Fulda

Priñselezh Nassau-Oranien-Fulda (alamaneg : Fürstentum Nassau-Oranien-Fulda) zo bet ur briñselezh en Impalaeriezh santel roman etre 1803 ha 1806.

E 1795 e kollas Willem V, priñs Oranje-Nassau, e zouaroù en Izelvroioù pa voe savet ar Republik Batav gant ar Republik c'hall. Chom a reas gantañ :

• priñselezh abati Fulda ;
• abati Corvey ;
• kêr Dortmund ;
• abati Weingarten ha prioldi Hofen ;
• provostiezh Sankt Gerold ( e Vorarlberg, gwerzhet e 1804 da Aostria)
• deanelezh Bandern (e Liechtenstein, gwerzhet e 1804 da Aostria)
• abati Dietkirchen.

Adlodennet e voe an douaroù-se hag adanvet :

• priñselezh Corvey a voe staget ouzh rouantelezh Westphalia d'ar 7 a viz Kerzu 1807 ;
• kontelezh Dortmund, a voe staget ouzh arc'hdugelezh Berg d'ar 1añ a viz Meurzh 1808 ;
• priñselezh Fulda, a voe staget ouzh arc'hdugelezh Frankfurt d'an 10 a viz Mae 1810 ;
• aotrouniezh Weingarten.