Kika - Un corpo in prestito
|
C'l artìcul chè 'l è scrit in
Miranduléś |
 Kika
| ||
| Kika - Un corpo in prestito | ||
 Lajusticia e la de Palma in na figùra dal film | ||
| Kika - Un còrp in prèst 1993 | ||
|---|---|---|
| Regìa: Pedro Almodóvar | ||
| Scritōr: Pedro Almodóvar • Yuyi Beringola | ||
| Atōr: Verónica Forqué • Santiago Lajusticia Victoria Abril • Rossy de Palma • Karra Elejalde Àlex Casanovas • Anabel Alonso • Charo López Bibiana Fernández • Peter Coyote • Jesús Bonilla Manuel Bandera • Mónica Bardem • Blanca Li | ||
| Müsica: Bernard Herrmann Granados • Kurt Weill | ||
| Léngua: Spagnōl | ||
| Dürä dal film: 114 minüt | ||
| Nasiōṅ: Spaggna • Frància | ||
Kika - Un corpo in prestito (Kika - Un còrp in prèst) 'l è 'n film dal 1993 ad Pedro Almodóvar, distribuî in Itâglia sōl al 19 ad Śnar dal 1995. Par cla pelìcula chè, l'atōra prutagunìsta Verónica Forqué l'à vins al Prèmi Goya al 1994.
In dal film Almodovar al strica 'l òć a dimóndi film śal cuma La fnèstra in sal curtìl, ’L òć ch'al masa, Ròs fónd, Tènebri e Blow-Up. Al stilìsta francéś Jean-Paul Gaultier 'l à disgnâ i custùm dla Victoria Abril.
Sunt
Nicholas (Peter Coyote), scritōr americàṅ in criśi, al tórna a Madrid in dua 'l à lasâ al fiàstar Ramón (Àlex Casanovas) dòp che sò mujér tri an prima la s éra tòlta la vita. Chi lò al viṿ cun la trucadōra Kika (Verónica Forqué), na dóna più granda 'd lò ch'la s fà jutàr in cà da na camaréra lèśbica, la Juana (Rossy de Palma).
Par mét'r in bisàca quèl, Nicholas al taca a lauràr cuma senegiadōr ad stòri ad serial killer par l’Andrea (Victoria Abril), dita la silfàda, ch'la pòrta avànti un prugràma televiśìṿ dal gènar "rusc". Un dè Pablo (Santiago Lajusticia) al fradèl stupradōr dla Juana, cun un pasâ 'd atōr pòran e péna gnû fóra ad parśòṅ, al và in dl'apartamènt dla Kika e 'l la viulénta. A riva lè anc l’Andrea par tōr śò incòsa p'r al sò prugràma ciamâ "Al pèś dla stmana".