La ragasóla 'd Pskov (Rimskij-Korsakov)

C'l artìcol chè 'l è scrit in Carpśàn

La piàsa 'd Pskov ind un schìs dal *veče* per la prìma mèsa in séna edl'òpera in dal 1873.

La ragasóla 'd Pskov l'è la prìma òpera cumpòsta da 'l Rimskij-Korsakov tra 'l 1867 e 'l '72, anc c'ma librèt, ispirèda a 'l drama col stès nòm dal Lev Aleksandrovič Mej.

In dal śnêr dal 1873 la Pskovitijanka la gniva pò cantèda a 'l Teàter Mariinskij ed San Péderbùrg. 'L avtōr al la tulìva incòr in màṅ ètri du volti, per giustèr-la, in dal 1877 e in dal 1892, e dòunca incō a s gh'à tri versiòun ed cl'òpera chè. In Itàglia la prìma volta ch'la gniva rapreśentèda, in itagliàṅ, i 'l fèv'n ala Schèla ed Milàṅ in dal 1912.

Personâǵ edl'òpera

Ivan al Terìbil (bâs)
Al Prinsip Jurij Ivanovič Tokmakov (bâs)
Ol'ga, só fióla adotèda (sopràṅ)
Al Bojêrd Nikita Matuta (tenōr)
La Bojèrda Stepanida Matuta (Steša), amìga edl'Ol'ga (sopràṅ)
Michail Andreevič Tuča, fiōl 'd un posàdnik (tenōr)
Al Prinsip Afanasij Vjazemskij (bâs)
Bomelij, dutōr dal śar (bâs)
Juško Velebin, anbasadōr da Novgorod (bâs)
Vlas'evna, bàlia (meśsopràn)
Perfil'evna, bàlia (meśsopràn)
Côr (bojêrd, opričniki, ginta)

Sunt edl'òpera

Al còunt al ciacararèv 'd acadimèint edla sitê 'd Pskov in di an 1570.

Prìm Ât

Prìma séna - In dal giardèin dla cà dal pośadnik Prinsip Tokmakov, só fióla la ragàsa Ol'ga la pasa al tèimp śughènd cun gli amìghi e ciacarènd col só du balìi Vlas'evna e Perfil'evna. Chilōr dū i gh'àn pavùra ed 'n asêlt dal terìbil śar ed Mòsca Ivan Vasil'evič, ch'l à adês adês schisê la sitê 'd Novgorod. La ragasóla la gh'à però da vèd'r-es cun 'l amìg dal cōr al Michajl Tuča. 'L apuntamèint cun 'l amîg al n'dura minga dimòndi però, perchè in dal curtîl a vin dàinter al pèd'r edla ragàsa cumpagnê da 'l vêć bujêrd Matuta, prumês espōś ed chilē. Al ragâs al fà tèimp a scapèr e la ragasóla, p'r ann èser vìsta, la s era lughèda dedrē a na pianta, d'indû la gh'la cavèva però ed 'scultèr i discōrs di du grand: al Tokmakov 'l era drē a cuntèr a 'l Matuta che pròpia l'Ol'ga la nn'era minga só fióla dabòun, mo sōl adotèda e che 'l pèder a n's sà briśa chi'l sìa, mèinter che la mèder la s'rèv la cugnèda bujêrda Vera Šeloga.
A s sèint la sunèda ch'la ciàma la gint a 'l veče, màinter che l'Ol'ga in cōr suo l'è scunvòlta da quêl ch'l'à apèina imparê.
Secònda séna - In na piàsa 'd Pskov, la ginta mucèda lè l'è spavintèda p'r al śvinèr-es dal Terìbil Ivan. I vêć reśdōr Tokmakov e Matuta i ìn edl'idèa ch'a cunvgnarèv ann arvultèr-es brìśa e che la sòtamisiòun la s'rèv la cherta da tōr. Mo i śóven, a s sà, ch'i nn'ìn minga tant bòun ed mèt'r-es sòta a di opresōr ingiùst, e dòunca al Tuča al gh'la chèva 'd tōr sēg la giuventù p'r tintèr l'arvòlta, sibèin che c'l ètra gint la n'gh'àpia minga fidùcia.

Secònd Ât

Prìma séna - Secònda séna -

Ters Ât

Prìma séna - Secònda séna -

Èter progêt

Wikimedia Commons contiene file multimediali su La ragasóla 'd Pskov (Rimskij-Korsakov)

Noti e referèinsi

Colegamèint estèren

(RU) L'òpera cantèda in dal 2014, in sìm'a 'l youtube.
(EN) El partidùri edl'òpera descargàbli in dal sît IMSLP.

Òperi dal Nikolaj Andreevič Rimskij-Korsakov

La ragasóla 'd Pskov · Nôt ed mâǵ · La ragasóla dal nēv · Mlada · La nôt prima 'd Nadêl · Sadko · Mozart e Salieri · La buièrda Vera Šeloga · La muróśa dal śar · La fóla dal śar Saltan · Servilia · Kaščej 'l mìa mortêl · Pan voevoda · La legènda dl'inviśìbil sitê 'd Kitež e dla ragasóla Fevronija · Al gâl 'd ôr