Affoltern ĉe Albis
|
Por aliaj signifoj, bv. rigardi la apartigilan paĝon: Affoltern |
| Affoltern ĉe Albis | |
|---|---|
 | |
| Blazono de Affoltern ĉe Albis | |
 | |
| Affoltern ĉe Albis | |
| komunumo en Svislando • urbo en Svislando | |
| Kantono | Zuriko |
| Distrikto | Affoltern |
| Koordinatoj | 47° 16′ 30″ N 8° 26′ 45″ O / 47.27500 °N, 8.44583 °O (mapo)Koordinatoj: 47° 16′ 30″ N 8° 26′ 45″ O / 47.27500 °N, 8.44583 °O (mapo) |
|
| |
| Nombro de loĝantoj | 10705 |
| Areo | 10,61 km² |
| Alteco | 494 m super marnivelo |
| Poŝtkodo | 8910 |
| Komunumkodo | 0002 |
 | |
| Mapo pri la situo de Affoltern ĉe Albis en la Distrikto Affoltern | |
Affoltern ĉe Albis estas la ĉefurbo de la Distrikto Affoltern. Kun 10'347 loĝantoj fine de la jaro 2004 ĝi estas la ekonomia centro de la regiono, kiu iam nomiĝis alemane Säulisamt, kio signifas porketa distrikto por aludi al la ŝinko, kiu estis produktita en tiu regiono. Ĝis la 31-a de decembro 2009 la loĝantaro kreskis al 10705 personoj.
Geografio
[redakti | redakti fonton]Affoltern ĉe Albis situas piede de la Albis-ĉeno en kampara kaj arbara regiono inter la urboj Zuriko kaj Zugo, kiuj ambaŭ troviĝas en distanco de proksimume 13 kilometroj. Al Affoltern apartenas ankaŭ la vilaĝo Zwillikon. La vilaĝon trafluas la rivereto Jonenbach, kiu fontas en Hausen kaj alfluas en Jonen as Reuss.[1]
La teritorio de la komunumo etendiĝas sur areo de 10,61 km², de kiuj 27,1% estas kovritaj de arbaro, 40,7% servas por agrikulturo kaj 30,7% por setlado. [2]
Najbaraj komunumoj
[redakti | redakti fonton]La komunumo Affoltern ĉe Albis limas en nordo al Hedingen, en nordokcidento al Stallikon, en oriento al Aeugst ĉe Albis, en sudo al Mettmenstetten, en sudokcidento al Obfelden, en okcidento al Ottenbach, kaj en nordokcidento al Jonen (AG).
Trafiko
[redakti | redakti fonton]Affoltern estas konektita per regiona fervojlinio kun Zuriko kaj Zugo. Ĝi apartenas al la Zurika Trafik-Unio. Regionaj trajnoj trafikas ambaŭ-direkte ĉiun duonan horon. Ekzistas ankaŭ diversaj regionaj buslinioj, kiuj ligas Affoltern kun la ĉirkaŭaĵo. Ekde la 13-a de novembro 2009 la komunumo disponas propran alveturejon al la svisa aŭtovojo A4. Ĉe la alveturejo Affoltern samtempe kun la aŭtovojo estis ankaŭ inaŭgurita granda aŭtovojrestadejo kun restoracioj, supermerkatoj kaj benzinejo.
Historio
[redakti | redakti fonton]Unuan fojon Affoltern estas menciita per dokumento en listo de la bienoj de la Monaĥejo Engelberg en la jaro 1190 kiel Afiltre. Ekzistas arkeologiaj trovaĵoj, kiuj indikas, ke jam dum romia epoko devis ekzisti setlejo sur la loko. En la jaro 1837 Affoltern fariĝis la ĉefkomunumo de la distrikto anstataŭ Knonaŭo.[3]
Vidu ankaŭ
[redakti | redakti fonton]- Distrikto Affoltern
- Affoltern am Albis (stacidomo)
- Aliaj lokoj kun la nomo Affoltern
Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Oficiala retejo de la urbo Affoltern ĉe Albis
- Affoltern ĉe Albis en la Historia Leksikono de Svislando
| ||||||
