Municipo Chrastavec situas en Ĉeĥio, regiono Pardubice, distrikto Svitavy, 7 km sude de urbo Březová nad Svitavou. Municipo Chrastavec troviĝas en pentrinda valo de Svitava montetaro. Apartenas al ĝi domaro Půlpecen sur dekstra valo de rivero Svitava laŭlonge laŭ fervoja linio el Česká Třebová al Brno. Vivas ĉi tie 228 loĝantoj (2024).
La najbaraj municipoj de la setlejo estas Bělá nad Svitavou, Brněnec, Vítějeves, Rozhraní kaj Študlov.
La unua skriba mencio pri Chrastavec estas el la jaro 1241. Tiam, dum regado de la reĝo Venceslao la 1-a, fortikaĵeto de Oldřich Chrastavský el Chrastava estis vicigita en defenda sistemo de Bohemio: la burgo Boskovice - la fortikaĵeto Chrastavec - la monaĥejo Majdalenka - la burgo Svojanov.
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|
| 1869 | 345 |
|---|
| 1880 | 408 |
|---|
| 1890 | 421 |
|---|
| 1900 | 427 |
|---|
| 1910 | 510 |
|---|
| 1921 | 531 |
|---|
| Jaro | Loĝantoj |
|---|
| 1930 | 533 |
|---|
| 1950 | 436 |
|---|
| 1961 | 457 |
|---|
| 1970 | 441 |
|---|
| 1980 | 348 |
|---|
| 1991 | 299 |
|---|
| Jaro | Loĝantoj |
|---|
| 2001 | 272 |
|---|
| 2014 | 225 |
|---|
| 2016 | 219 |
|---|
| 2017 | 218 |
|---|
| 2018 | 209 |
|---|
| 2019 | 212 |
|---|
| Jaro | Loĝantoj |
|---|
| 2020 | 206 |
|---|
| 2021 | 199 |
|---|
| 2022 | 218 |
|---|
| 2023 | 231 |
|---|
| 2024 | 228 |
|---|
En centro de la vilaĝo estas preĝejo de la Plej Sankta Triunuo. Ĝi estas baroka ununava konstruaĵo el la 18-a jarcento kun oblonga navo kaj trilatere fermita presbiterejo, sakristio en la akso kaj prisma turo antaŭ la okcidenta fronto. La fenestroj estas duoncirkle fermitaj, la vandoj interne membrigitaj per pilastroj, plafonoj estas volbitaj per plataĵoj en zonoj, la fermo per konĥo.
La ekipaĵo estas pseŭdostila el la fino de 19-a jarcento. La altaro estas ornamita per statuoj de Sanktaj Petro kaj Paŭlo el la dua duono de 18-a jarcento.
- Profesoro MUD-ro Josef Janků, naskiĝinta en la jaro 1896, specialisto de oftalma kliniko en Prago. Pioniro de operacioj de katarakto. Portanto de medalo de Jan Evangelista Purkyně.
- Sacerdoto Petr Ducháček, naskiĝinta en la jaro 1916, estis dum komunisma reĝimo maljuste kondamnita kaj malliberigata. Nur en la jaro 1966 li revenis al sia pastra misio.
- RND-ro Hanuš Ettl, CSc. naskiĝis en la jaro 1931. Sian vivon li dediĉis al studado de algoj kaj al ilia kultivado.
- Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.
| Partoj de municipo Chrastavec (2) |
|---|
|
|
Ĉeĥio
Vikimedia Komunejo: Chrastavec
Portalo pri Ĉeĥio
