Jezbořice

	Jezbořice
	municipo
	Preĝejo de sankta Venceslao
Flago	Blazono
	Oficiala nomo: Jezbořice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Pardubice
Historia regiono	Bohemio
Montaro	Svitava montetaro
Situo	Jezbořice
- alteco	268 m s. m.
- koordinatoj	49° 58′ 50″ N 15° 41′ 41″ O / 49.98056 °N, 15.69472 °O (mapo)
Katastro	4,37 km² (437 ha) Jezbořice
Loĝantaro	389 (2024)
Denseco	89,02 loĝ./km²
Unua skribmencio	1131
Horzono	MET (UTC+1)
- somera tempo	MET (UTC+2)
Poŝtkodo	530 02
NUTS 3	CZ053
NUTS 4	CZ0532
NUTS 5	CZ0532 575143
Katastraj teritorioj	1
Partoj de municipo	1
Bazaj setlejunuoj	1
	Situo enkadre de Ĉeĥio Situo enkadre de Ĉeĥio
	Vikimedia Komunejo: Jezbořice
	Retpaĝo: www.jezborice.cz
	Portalo pri Ĉeĥio

Koordinatoj: 49° 58′ 50″ N 15° 41′ 41″ O / 49.98056 °N, 15.69472 °O (mapo)

Municipo Jezbořice situas en Ĉeĥio, regiono Pardubice, distrikto Pardubice, en ondoforma regiono sub Fera montaro, 4 km norde de la urbo Heřmanův Městec, ĉe la neĉefa ŝoseo inter Dubany kaj Heřmanův Městec.

La najbaraj municipoj de la setlejo estas Jeníkovice, Rozhovice, Barchov, Čepí, Klešice kaj Starý Mateřov.

Historio

La vilaĝo estis en la jaro 1131 nomata en listo de havaĵo de episkopejo de Olomouc, kies estis ankaŭ proksima fortikaĵeto kaj preĝejo. En la jaro 1491 aĉetis la vilaĝon Vilém el Pernštejn.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	339
1880	432
1890	428
1900	357
1910	374
1921	366

Jaro	Loĝantoj
1930	391
1950	301
1961	308
1970	321
1980	299
1991	300

Jaro	Loĝantoj
2001	295
2014	357
2016	359
2017	376
2018	380
2019	378

Jaro	Loĝantoj
2020	385
2021	388
2022	373
2023	397
2024	389

Memorindaĵoj

Preĝejo

Origine gotika preĝejo de Sankta Venceslao estas en la jaro 1399 rememorata kiel paroĥa preĝejo. El tiu tempo estas riĉaj ŝtonĉizitaj ornamaĵoj de sedilo, de sankta ŝranko kaj portalo. La preĝejo estis rearanĝita malfrugotike kaj baroke en la jaro1791. Ĝi estas ununava kun trilatere fermita presbiterejo kaj sakristio en la akso. Ekstere ĝi estas apogata dur fortegaj pilieroj, ĉe suda flanko estas gotika pintarka portalo, ĉe suda flanko de sakristio estas portalo malfrugotika. Interne en presbiterejo sur dekstra flanko estas duparta sedilo kronita per pintarko kun enmetitaj dufolia kaj kvarfolia giraĵoj. Sur maldekstra flanko de presbiterejo estas ŝtona oblonga sankta ŝranko kronita per finialoj, fermita per origina fera pordeto. La ĉefaltaro kun valoraj figuraj lignoskulptaĵoj el la duono de 18-a jarcento, stana baptujo datita de 1600, en sakristio pentrita plata epitafo kun Krucumado al Ozana, filino de Jetřich el Lipany el la jaro 1598, bildo de Pieto, bildo de bapto en Jordano el fino de la 17-a jarcento, bildo de Sankta Johano Nepomuka kaj 10 blazonaj kaj figuraj tomboŝtonoj el la fino de 16-a kaj de la komenco de 17-a jarcentoj.

Sonorilejo

Kampanilo el la 14-a jarcento situas en okcidenta angulo de la tombejo, kiu ĉirkaŭas la preĝejon. Sur oklatera plano ĝi havas kvarlateran prisman surkonstruon kovritan per piramida tegmento. Renovigita ĝi estis en la jaro 1753.

Popolkonstruaĵoj

Historia parto de la vilaĝo kreas oblongan vilaĝplacon ĉirkaŭatan per bienetoj kaj domoj kun ŝildoj orientitaj al la placo. Nova konstruado okazas aparte, apud Klešický rivereto. Domo n-ro 22 el 19-a jarcento estas teretaĝa kun fasado ornamita per stukaĵo.

Bibliografio

Marek Podhorský: Pardubický kraj. Eldonis freytag & berndt, eldonejo en Prago en j. 2004.
Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

Oficialaj paĝoj de la vilaĝo ĉeĥe
Mapo
Paĝaro de biciklovojo Arkivigite je 2016-03-14 per la retarkivo Wayback Machine ĉeĥe