Kultura Centro Gabriela Mistral

Kultura Centro Gabriela Mistral
kultura centro ; centro de teatraj artoj ; kongresejo ; muzea konstruaĵo ; creative residency (en)
Lando	Ĉilio vd
Situo	Santiago
Situanta sur	Avenida Libertador General Bernardo O'Higgins
Arkitekto(j)	Cristián Fernández Eyzaguirre vd
Estiĝo	3-a de aprilo 1972
Malfermo	3-a de aprilo 1972
Koordinatoj	33° 26′ 21″ S, 70° 38′ 23″ U (mapo)-33.43908333-70.63972778Koordinatoj: 33° 26′ 21″ S, 70° 38′ 23″ U (mapo)
	Kultura Centro Gabriela Mistral (Ĉilio)
	Situo de Kultura Centro Gabriela Mistral
	Kultura Centro Gabriela Mistral
Retpaĝo	http://www.gam.cl/
	v • d • r

La Kultura Centro Gabriela Mistral (hispane Centro Gabriela Mistral aŭ mallonge GAM)^[1] estas komplekso lokita en Santiago de Ĉilio konsistanta el du konstruaĵoj —pli ol 22 000 m²— kun «dek ĉambroj por spektakloj, eseoj, ekspozicio kaj seminarioj; biblioteko kaj studio de registrado; kaj ankaŭ kunvenejoj kaj studio, kaf-trinkejo, restoracio kaj grandaj subĉielaj kortoj»; tiuj spacoj «estas haveblaj por spektakloj, kulturaj aŭ akademiaj kunvenoj, publika uzo kaj privataj aŭ kompaniaj agadoj. Ĉiuj tiuj disponas pri senpaga WiFi».^[2] Ĝi estis inaŭgurita kiel tia en 2010.

Historio

Ĝi formis iam aron kun la 23-etaĝa turo —la Konstruaĵo Diego Portales—, kie en la unuaj tempoj de la militreĝimo estrita de Generalo Augusto Pinochet funkciis la Plenuma Povo, poste la Leĝdona Povo kaj fine la Ministerio pri Defendo. GAM okupis tion, kio estis la Kongresejo (13 300 m²),^[3] dum la turo —Strato Villavicencio 364— restis en la manoj de la Ministerio pri Defendo ĝis la jaro 2016 inkluzive; en januaro 2017, Defendo transdonis la konstruaĵon al Naciaj Bienoj kaj la ministro de industrio, Nivia Palma, anoncis ke ĝi fariĝos spaco malfermita al kulturaj kaj sociaj organizaĵoj.^[4]

Ekkonstruita en decembro 1971, ĝi estis inaŭgurita la 3-an de aprilo 1972 kiel sidejo de la tria Konferenco de la Unuiĝintaj Nacioj pri Komerco kaj Disvolvado (angle UNCTAD). Post tio, ĝi estis transdonita al la Ministerio pri Edukado, kiu alinomis ĝin "Centro Cultural Metropolitano Gabriela Mistral"; post la Puĉo de Pinochet la 11-an de septembro 1973, ĝi estis adaptita kiel sidejo de la diktatoreco tial ke la palaco de "La Moneda" estis serioze damaĝita pro la atakoj de aviadiloj kaj tankoj.^[5]