Léopold Robert
| Léopold Robert | |
|---|---|
| |
| Persona informo | |
| Naskonomo | Louis Léopold Robert |
| Naskiĝo | 13-an de majo 1794 en Les Éplatures |
| Morto | 20-an de marto 1835 (40-jaraĝa) en Venecio |
| Mortokialo | Ĝismorta sangoperdo 
|
| Tombo | Cemetery of San Michele (en) 
|
| Lingvoj | franca |
| Ŝtataneco | Svislando
|
| Familio | |
| Frat(in)o | Aurèle Robert (en)
|
| Parencoj | Léo-Paul Robert (en) (nevo)
|
| Okupo | |
| Okupo | pentristo
|
| Verkoj | The arrival of the reapers in the Pontine marshes |
Louis Léopold ROBERT estas gravuristo kaj pentristo el Svislando. Li naskiĝis la 13an de majo 1794 en La Chaux-de-Fonds, Svislando, kaj mortis la 20an de marto 1835 en Venecio, Italio.
Li naskiĝis en protestanta franclingva familio, 7 tagojn post la incendio, kiu detruis la tutan urbon. Lia patro estis horloĝfaristo.
Li unue studis en Porrentruy, poste en Yverdon-les-Bains. En la jaro 1810 li iris al Parizo, kie li studis ĉe gravuristo el Le Locle Girardet. Ekde 1812 li studis ĉe la pentristo Jacques-Louis David. En 1814 li ricevis la duan grandan premion de Romo pro sia gravurado.
De 1818 al 1831 li studis kaj pentris en Romo. Tie li ĉefe pentris banditojn kaj belajn virinojn en tradiciaj kostumoj. Li rikoltis grandan sukceson.
Li provis pentri pri la kvar sezonoj per kvar grandegaj pentraĵoj:
- Le retour du pèlerinage de la Madone de l'Arc
- L'Arrivée des moissonneurs dans les marais Pontins
- Le départ des pêcheurs de l'Adriatique
Karlo la 10-a, (france: Charles X), reĝo de la Francoj, transdonis al li la Honoran Legion.
Li havis kiel lernantojn Louis-Napoléon Bonaparte kaj Charlotte Bonaparte. Léopold enamiĝas en Charlotte, tamen tiu amo tute ne eblis.
Li ekloĝis en Venecio kaj tie mortigis sin en 1835 per tranĉado de sia kolo.
La ĉefa avenuo de lia naskiĝurbo La Chaux-de-Fonds nomiĝas "Avenue Léopold-Robert".
La svisa filmisto Jean-Blaise Junod faris filmon pri Léopold Robert. La filmo nomiĝas "Léopold R." (1998).
Léopold havis fraton Aurèle Robert, same pentristo kaj gravuristo. Aurèle havis plurajn filojn, inter ili Léo-Paul Robert, pentristo. Léo-Paul Robert havis plurajn filojn, inter ili tri estis pentristoj: Théophile, Philippe kaj Paul-André. Philippe Robert estis la avo de Mireille Grosjean - Robert. Philippe Robert estis rivalo de Ferdinand Hodler.