Pieterlen

Por samtitola artikolo vidu la paĝon Pieterlen (stacidomo).

Pieterlen
Blazono de Pieterlen
Blazono de Pieterlen
Pieterlen
Pieterlen vidita el la trajno
komunumo en Svislando
Kantono	Berno
Administra distrikto	Bielo
Malnova distrikto ĝis 2009	Büren
Koordinatoj	47° 10′ 30″ N 7° 20′ 20″ O / 47.17500 °N, 7.33889 °O / 47.17500; 7.33889 (mapo)Koordinatoj: 47° 10′ 30″ N 7° 20′ 20″ O / 47.17500 °N, 7.33889 °O / 47.17500; 7.33889 (mapo)
Nombro de loĝantoj	3543
Areo	8,32 km²
Alteco	436 m super marnivelo
Poŝtkodo	2542
Komunumkodo	0392
Mapo de Pieterlen
Mapo de Pieterlen
v • d • r

Pieterlen (en la franca lingvo Perles) estis ĝis la 31-a de decembro 2009 komunumo de la distrikto Büren kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 3543 loĝantojn je la 31-a de decembro 2010.

Geografio

Pieterlen situas ĉe la suda flanko de la Ĵurasa Montaro oriente de la urbo Bielo. Al la komunumo apartenas krom la vilaĝo Pieterlen la kvartalo Zälgli sude de la vilaĝo kaj la setlejo Bifang oriente de la vilaĝo.^[1]

La teritorio de la komunumo etendiĝas sur areo de 8,32 km², de kiuj 47,1% estas kovritaj de arbaro, 31,0% servas por agrikulturo kaj 19,6% por setlado. ^[2]

Najbaraj komunumoj

La komunumo Pieterlen limas en nordo al Romont, en oriento al Lengnau, en sudoriento al Meinisberg, en sudo al Safnern, en okcidento al Bielo, kaj en nordokcidento al Vauffelin.

Trafiko

Tra Pieterlen pasas la kantona ĉefvojo n-ro 5. De Pieterlen la kantona ĉefvojo n-ro 235 kondukas al Büren ĉe Aro. Laŭlonge de la suda komunumlimo kondukas la svisa aŭtovojo A5, al kiu ĉe la limo al Büren ekzistas alveturejo. Per la stacidomo ĉe la trajnlinio de Svisaj Federaciaj Fervojoj de Soloturno al Bielo kaj la linio 3N de la loka busreto de Bielo la komunumo estas konektita al la publika transportreto.

Historio

La unua dokumenta mencio de Pieterlen datiĝas el la jaro 1228 kiel Perla. Sur la teritorio de la komunumo estis trovitaj restaĵoj de setlejoj el la bronzepoko, de romia bieno kaj romia banejo, kaj mezepokaj vicotombejoj kaj iama mezepoko defendoinstalaĵo. Dum mezepoko Pieterlen estis kun Romont majorejo de la Princepiskopejo de Bazelo. En la jaro 1797 Pieterlen estis aneksita de Francio kaj fariĝis parto de la franca Departemento Mont-Terrible kaj ek de 1800 de Haut-Rhin. En la jaro 1815 Pieterlen estis per la Kongreso de Vieno atribuita al la Kantono Berno, kiu ĝin en 1816 atribuis al la distrikto Büren. Kadre de la administra reformo la komunumo en la jaro 2010 estis atribuita al la nova administra distrikto Bielo.^[3]

Komunuma partnereco

Pieterlen ek de 1992 havas komunuman partnerecon kun la komunumo Třešť en okcidenta Moravio en Ĉeĥio.

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Anne-Marie Dubler: Pieterlen en Historia Leksikono de Svislando (2010-02-02)

Vidu ankaŭ

• Pieterlen (stacidomo)

Eksteraj ligiloj

• Kategorio Pieterlen en la Vikimedia Komunejo (Multrimedaj datumoj)

• Oficiala retejo de la komunumo Pieterlen

Bildoj

• 
  Reformita preĝejo de Pieterlen
• 
  Interna vido de la preĝejo kun mezepokaj freskoj kaj pentritaj fenestroj
• 
  Stacidomo de Pieterlen
• 
  Tombejo de Pieterlen
• 
  Rigardo al vilaĝo kaj preĝejo