Salvenach

Salvenach
Blazono de Salvenach
Blazono de Salvenach
Vilaĝeniro de Salvenach
Vilaĝeniro de Salvenach
former municipality of Switzerland • vilaĝo
Kantono	Friburgo
Distrikto	Lagodistrikto
Koordinatoj	46° 54′ 45″ N 7° 8′ 59″ O / 46.91250 °N, 7.14972 °O / 46.91250; 7.14972 (mapo)Koordinatoj: 46° 54′ 45″ N 7° 8′ 59″ O / 46.91250 °N, 7.14972 °O / 46.91250; 7.14972 (mapo)
Areo	3,81 km²
Alteco	561 m super marnivelo
Poŝtkodo	1794
Komunumkodo	2277
Mapo de Salvenach
Mapo de Salvenach
v • d • r

Pri la komunumo

Salvenach estas komunumo en la Lagodistrikto en Kantono Friburgo, Svislando. Ĝi havis 486 loĝantojn je la 31-a de decembro 2010.

Geografio

Salvenach situas 3 kilometrojn sude de la urbo Morato proksimume 35 kilometrojn okcidente de la federacia urbo Berno. La komunumo konsistas el la vilaĝo Salvenach kaj la setlejoj Jeussfeld kaj Burgfeld, kaj kelkaj izolitaj bienoj.^[1]

La teritorio de la komunumo etendiĝas sur areo de 3,81 km², de kiuj 22,7% estas kovritaj de arbaro, 69,5% servas por agrikulturo kaj 7,8% por setlado. ^[2]

Najbaraj komunumoj

La komunumo Salvenach limas en nordo al Morato, en nordoriento al Lurtigen, en oriento al la senkomunuma teritorio de Ŝtata Arbaro Galm, en sudoriento al Jeuss, en sudokcidento al Cressier, kaj en okcidento al la berna eksklavo Münchenwiler (BE).

Trafiko

Tra la komunumo pasas la kantona ĉefvojo n-ro 177 de Friburgo al Morato. Flankaj vojoj kondukas krome al la najbaraj komunumoj. La plej proksima alveturejo al la svisa aŭtovojo A1 situas proksimume 6 kilometrojn norde apud Morato. Per la poŝtaŭtolinio de Morato al Düdingen la komunumo estas konektita al la publika transportreto.

Vidindaĵoj

La vilaĝo apartenas al la lokoj en la inventaro de la protektindaj vilaĝaspektoj de Svislando, kiel vilaĝaspekto de nacia signifo. Aparte vidinda estas la malnova lernejo el la 17-a jarcento, kiu estas objekto de nacia signifo.

Historio

La unua dokumenta mencio de Salvenach datiĝas el la jaro 1179 kiel Salvegnez. Salvenach apartenis al la Senjorujo Morato kaj kun ĝi fariĝis en la jaro 1475 komuna havaĵo de Friburgo kaj Berno. Post la fino de la Helveta Respubliko en la jaro 1803 Salvenach estis definitive atribuita al la Kantono Friburgo kaj surbaze de la nova konstitucio de 1848 atribuita al la Lagodistrikto. ^[3]

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Hans Herren: Kleinbösingen en Historia Leksikono de Svislando (2009-10-06)

Eksteraj ligiloj

• Kategorio Salvenach en la Vikimedia Komunejo (Multrimedaj datumoj)

• Oficiala retejo de la komunumo Salvenach

Bildoj

• 
  Malnova lernejo
• 
  Nova lernejo kaj komunuma domo
• 
  Vilaĝa strato
• 
  Historiaj domoj en la vilaĝocentro