Santa Cruz de Paniagua
| Santa Cruz de Paniagua | |||
|---|---|---|---|
 | |||
| municipo en Hispanio urbeto  vd
| |||
|
| |||
| Blazono | |||
| Administrado | |||
| Lando | Hispanio | ||
| Regiono | Ekstremaduro | ||
| Provinco | Cáceres | ||
| Poŝtkodo | 10661 | ||
| Politiko | |||
| Urbestro | Ángel Cervigón Mata (PSOE) | ||
| Demografio | |||
| Loĝantaro | 331 (2008) | ||
| Loĝdenso | 3 loĝ./km² | ||
| Geografio | |||
| Geografia situo | 40° 12′ N, 6° 20′ U (mapo)40.1925-6.3397222222222Koordinatoj: 40° 12′ N, 6° 20′ U (mapo) [+] | ||
| Alto | 476 m [+] | ||
| Areo | 83,81 km² | ||
| Horzono | UTC+01:00 [+] | ||
| |||
| |||
| |||
|
| |||
| Alia projekto | |||
 Vikimedia Komunejo Santa Cruz de Paniagua [+]
| |||
.svg)
Santa Cruz de Paniagua (Sankta Kruco de Pano kaj Akvo) estas municipo de Hispanio, en la provinco de Cáceres, regiono de Ekstremaduro.
Loĝantoj
[redakti | redakti fonton]La loĝantoj nomiĝas popole cebolleros (cepemuloj). La censita populacio en 2008 estis de 331 loĝantoj.
Situo
[redakti | redakti fonton]Santa Cruz de Paniagua estas situa en la norda parto de Ekstremaduro en la komarko aŭ distrikto Tierras de Granadilla, je altitudo de 476 m; je 101 km de Cáceres, provinca ĉefurbo kaj je 161 km de Mérida, la regiona ĉefurbo, sed la plej proksima urbo estas Plasencia je 37 km. La areo de ties teritorio estas de 83,81 km².
Santa Cruz de Paniagua limas kun:
- Pinofranqueado norde.
- Casar de Palomero nordoriente.
- Palomero kaj Cerezo oriente.
- Santibáñez el Bajo sudoriente.
- Aceituna sude.
- Pozuelo de Zarzón sudokcidente.
- Villanueva de la Sierra okcidente.
- Torrecilla de los Ángeles nordokcidente.
Geografio
[redakti | redakti fonton]Nordokcidente estas la montaretoj de Gorrero kaj Ángeles (la anĝeloj), kie komencas la deklivoj de la Sierra de Gata; la municipo havas averaĝan altitudon de ĉirkaŭ 450 m kaj la plej alta punkto estas El Castillejo (La kasteleto), je 673 m.
La flaŭro estas propra de la mediteranea arbaro: hegemonias anzinoj, korkokverkoj, cistoj, erikoj, pinoj, ktp., kaj ankaŭ la faŭno estas karaktera de la regiono.
Klimato
[redakti | redakti fonton]Estas ne tro varmaj someroj kaj relativa abundo de pluvo vintre kaj printempe, kio permesas la rojon pluhavi iom da akvo somere.
Hidrografio
[redakti | redakti fonton]La Rivera del Bronco, alfluanto de la rivero Alagón estas la plej grava rivero. Alia rojo ne tiom grava estas la Rojo de Santa Cruz.
Demografio
[redakti | redakti fonton]| Demografia evoluo de Santa Cruz de Paniagua inter 1900 kaj 2007 | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | |||||||||||||||
| 733 | 873 | 767 | 737 | 1011 | 1142 | 1026 | 717 | 579 | 487 | |||||||||||||||
| 1996 | 1999 | 2001 | 2002 | 2003 | 2004 | 2005 | 2006 | 2007 | ||||||||||||||||
| 478 | 488 | 437 | 417 | 399 | 390 | 378 | 372 | 346 | ||||||||||||||||
Ekonomio
[redakti | redakti fonton]Agrikulturo kaj brutobredado. Hegemonias olivoj por oleo ege bonkvalita, sed prefere oni rikoltas la olivojn verdajn por manĝado, ĉar tio estas pli enspezodona. Oni produktas ankaŭ vinon. En brutobredado ŝafoj, bovoj kaj porkoj.
Monumentoj
[redakti | redakti fonton]- Preĝejo del Salvador (la savinto), de la 16a jarcento, ĉe la Placo de Hispanio; la sonorilturo estas separata de la resto de la preĝejo.
- Preĝejo de Santa María Magdalena, de la 17a jarcento kaj reformita en la 19a jarcento, en El Bronco. Lignaj traboj.
- Ermitejo de Dios Padre, eta konstruaĵo el ŝtono de la 16a jarcento.
- Ermitejo del Cristo, neuzata, kvadrata.