Under Armour
| Under Armour | ||
|---|---|---|
| ||
| ||
| negoco • publika kompanio • entrepreno vd | ||
| Dum | 1996 - nekonata/nuntempe | |
| Jura formo | Stock Corporation | |
| Fondintoj | Kevin Plank vd | |
| Sidejo | Baltimore | |
| Lando | Usono | |
| Estr(ar)o | Kevin Plank | |
| Agokampo | Aasa | |
| ISIN-kodo | US9043111072 | |
| filiaj kompanioj | MapMyFitness, Inc. vd | |
| Posedataj kompanioj | MyFitnessPal • Endomondo vd | |
| TTT | Oficiala retejo | |
Under Armour, Inc. (angla por sub kiraso) estas usona sportvestaĵa kompanio fondita en 1996 [1]. En 2005 ĝi iĝis publika firmao kies akcioj estas komercitaj ĉe la Novjorka Borso.
Historio
[redakti | redakti fonton]La firmao estis fondita fare de Kevin Plank, iama futbalisto ĉe la Universitato de Marilando. Li deziris produkti ĉemizojn el sintezaj ŝtofoj kiuj forvigus ŝviton[2]. En 1995, Plank trovis sintezan ŝtofon en ŝtofbutiko kaj komencis fari ŝvitajn ĉemizojn el ĝi. En 1996, kun investo de 40 mil dolaroj, li fondis la kompanion en la kelo de la domo de sia avino. Plank veturis kamionon inter universitatoj kaj surmerkatigis la vestaĵojn kiujn li produktis. En tiu jaro, la vendoj de la ĉemizoj sumiĝis al 17 mil dolaroj [3]. En 1997, la produktserio de la firmao disetendiĝis por inkluzivi ĉemizojn taŭgajn por vintro, kaprubandojn kaj ĉapelojn, kaj li gajnis mendojn por 100,000 USD, kun la helpo de kiuj li establis la unuan fabrikon de la firmao en Ohio. En 1998, Under Armour gajnis kontrakton kun la Eŭropa Futballigo. En 1999, la firmao sponsoris la filmon Any Given Sunday, en kiu la futbalistoj portis la vestaĵojn de la firmao. La movo signife pliigis la eksponiĝon de la firmao. En la sekvaj jaroj, la firmao establis rilatojn kun sportteamoj en diversaj industrioj. En 2003, la firmao lanĉis televidan reklaman kampanjon por la unua fojo kaj ankaŭ evoluigis vicon de produktoj por virinoj kaj jaron poste por infanoj. En 2005, la firmao estis listigita sur la Novjorka Borso. En 2014, la firmao preterpasis Adidas kaj iĝis la dua plej granda sportvestaĵfirmao en Usono.
Sponsoradoj kaj merkatiko
[redakti | redakti fonton]En 2010, la firmao subskribis futbalan stelon Tom Brady, kiu subskribis sponsoradkontrakton kun Nike. Laŭ raportoj, krom mona pago, la sportisto ankaŭ ricevis akciojn de la kompanio. En marto 2011, la firmao subskribis ĝian unuan sponsoradkontrakton kun enliga futbalteamo kiam ĝi subskribis kun la Tottenham Hotspur teamo ludanta en la F.A. Supra Ligo en Anglio.
En 2011, la firmao subskribis kontrakton kun basketbaloludisto Stephen Curry de la NBA-ligo kaj kreis markon nomitan "Curry One" kaj poste "Curry Two".[4]
En aŭgusto 2014, la firmao provis subskribi Kevin Durant kiu estis finonta sian kontrakton kun Nike. Under Armour proponis al Durant kvanton inter 265 kaj 285 milionoj da dolaroj, sed finfine ĝi ne realiĝis kaj la ludanto plilongigis la kontrakton kun Nike. En decembro 2014, la firmao subskribis tenisiston Andy Murray, kiu finis sian kontrakton kun Adidas en 4-jara kontrakto por 15 milionoj da funtoj je jaro.[5]
La firmao subskribis profesian luktiston kaj filmstelulon Dwayne Johnson "The Rock (La Roko)" en projekto nomita Project Rock.
Referencoj
[redakti | redakti fonton]- ↑ Terry, Robert J., "Analysts: Brand crossover risky for Under Armour", Baltim. Bus. J., September 26, 2005.
- ↑ Our History. Under Armour. Arkivita el la originalo je April 12, 2018. Alirita June 17, 2015 . Arkivigite je 2018-04-12 per la retarkivo Wayback Machine
- ↑ (2004) “Under Armour Performance Apparel History”, International Directory of Company Histories 61. St. James Press.
- ↑ "Under Armour Recalls Chin Straps for Football Helmets Due to Laceration Hazard". U.S. Consumer Product Safety Commission. November 3, 2011. Retrieved May 2, 2015.
- ↑ Santoli, Michael (December 19, 2014). "Yahoo Finance 2014 Company of the Year: Under Armour". Yahoo Finance. Retrieved May 2, 2015.