Universitato de Vermonto
La Universitato de Vermonto (angle The University of Vermont, akronime: UVM, latine Universitas Viridis Montis) estas publika, esplor-bazita terkoncesio universitato en la ŝtato Vermonto [1]. La universitato estis fondita en 1791 en Burlington kaj estis la kvina akademia institucio fondita en Nov-Anglio [2]. Ĝi estas unu el la ok publikaj universitatoj menciitaj en artikolo de 1985 kiu nomis la universitatojn kiuj disponigas Heder-Ligan (Ivy League) - nivelon kaj edukan sperton kaj kvaliton je la prezo de publika universitato [3][4]. La ĉefa kampuso de la universitato (Dudley H. Davis Center) estas en la urbo de Burlington, same kiel la Universitata hospitalo, kiu estas la plej granda medicina centro en la ŝtato.
Historio
[redakti | redakti fonton]La fondinto de UVM estas konsiderita kiel la politikisto Ira Allen. La universitato estis fondita kiel privata universitato en 1791, la saman jaron Vermonto iĝis ŝtato de Usono [5]. En 1865, la universitato kunfandiĝis kun la Vermonta Agrikultura Kolegio por profiti el la Morrill Land-Grant Acts, kiu donis federacian teron al agrikulturaj instruejoj. Tiel ĝia oficiala nomo iĝis la Universitato de Vermonto kaj State Agricultural College.
En 1824, la Markizo de La Fayette metis la bazŝtonon por la plej malnova konstruaĵo de la universitato kiu daŭre ekzistas hodiaŭ kaj estas konata kiel "Old Mill". Alia konstruaĵo de arkitektura graveco sur kampuso estas la konstruaĵo de la Billings Memorial biblioteko, establita en 1883.
La universitato sanktigis egalecon de rajtoj sur sia standardo kaj estis la unua en Usono, jam en sia fondodokumento estis konstatite ke ĝiaj leĝoj kaj regularoj ne kaŭzus diskriminacion pro religiaj aŭ klasaj kialoj. En 1871, la unuaj du studentinoj estis akceptitaj en ĝiajn vicojn, kvar jarojn poste la unua studento estis invitita al la Phi Beta Kappa honora frateco, la unua virino se temas pri ricevi ĉi tiun honoron en Usono. En 1877, la unua afrik-usona studento estis akceptita en membrecon ĉe la Universitato de Vermonto-ĉapitro de la samideanaro.
Rigardita por ties progresivismo, UVM havas historion de studenta aktivismo [6][7][8]. Konsiderita unu el la plej daŭrigeblaj universitatejoj en Usono, la universitato celas esti karbon-neŭtraleca en 2030 [9][10].
John Dewey diplomiĝis en 1879 , alia eks-studento estas Jody Williams.
Organizo
[redakti | redakti fonton]En la universitato, proksimume 10,000 studentoj studas temojn por bakalaŭra grado en sep altlernejoj same kiel kolegio por atestilstudoj.
Kolegioj
[redakti | redakti fonton]- Kolegio pri Agrikulturo kaj Vivsciencoj
- Kolegio de Artoj kaj Sciencoj
- Kolegio pri Edukado kaj Sociaj Servoj
- Kolegio de Inĝenieristiko kaj Matematikaj Sciencoj
- UVM-Kolegio de Medicino - Robert Larner Kolegio de Medicino, fondita en 1822 kiel la sepa medicina fakultato fondita en Usono.
- Kolegio de Flegado kaj Sansciencoj
- UVM Graduate College
- Lernejo de Komerca Administrado
- La Rubenstein Lernejo de Medio kaj Naturaj Rimedoj
Referencoj
[redakti | redakti fonton]- ↑ About the University. Alirita 2023-04-05.
- ↑ Summer @ UVM : University of Vermont. The University of Vermont. Arkivita el la originalo je 2016-02-13. Alirita 2016-02-08.
- ↑ What Are The Public Ivies?
- ↑ . How Did a 'Public Ivy' Take Root in Vermont? (angle) (2013-10-14). Alirita 2023-05-01.
- ↑ History and Traditions : About UVM : University of Vermont Arkivigite je 2015-05-20 per la retarkivo Wayback Machine.
- ↑ Most Liberal Colleges in America (angle). Arkivita el la originalo je 2023-05-01. Alirita 2023-05-01.
- ↑ Marshall, Jeffrey D.. (1991) Universitas Viridis Montis, 1791-1991: An Exhibition of Documents and Artifacts telling the story of the University of Vermont (angle). University of Vermont, p. 74. OCLC 24525600.
- ↑ Thomas, John D.. (2005) The University of Vermont (angle). Arcadia, p. 114–117. ISBN 0-7385-3777-2. OCLC 61453799.
- ↑ UVM awarded STARS Gold Rating for Sustainability | Vermont Business Magazine. Alirita 2023-04-20.
- ↑ University of Vermont commits to carbon neutrality by 2030. Alirita 2023-04-20.