Villacarriedo

Villacarriedo
municipality of Cantabria (en) vd
	Blazono
Administrado
Poŝtkodo	39640
En TTT	Oficiala retejo [+]
Demografio
Loĝantaro	1 674 (2023) [+]
Loĝdenso	33 loĝ./km²
Geografio
Geografia situo	43° 14′ N, 3° 49′ U (mapo)43.229444444444-3.8091666666667Koordinatoj: 43° 14′ N, 3° 49′ U (mapo) [+]
Alto	211 m [+]
Areo	50,74 km² (5 074 ha) [+]
Horzono	UTC+01:00 [+]
	Villacarriedo (Kantabrio)
	Situo de Villacarriedo
	Villacarriedo (Hispanio)
	Situo de Villacarriedo
Alia projekto
	Vikimedia Komunejo Villacarriedo [+]
	v • d • r

Villacarriedo [biljakaRJEdo] estas municipo en centrorienta Kantabrio, Hispanio, en la komarko Valles Pasiegos kaj subkomarko Pas-Miera.

Geografio

Ĝi limas norde kun Saro kaj Villafufre, sude kun Vega de Pas kaj Selaya, okcidente kun Santiurde de Toranzo kaj oriente kun San Roque de Riomiera. La municipo estas sur la baseno de la rivero Pas, en la subkomarko Pas-Miera, trafluata de la rivero Pisueña, ĉefa alfluanto de Pas.

La areo enhavas herbejojn kaj senarbarigitajn montetojn; krome estas indiĝenaj arbaroj de kverkoj kaj fagoj, kie abundas naturaj bestoj.

Demografio

Por areo de 50,74 km² estas 1 625 loĝantoj (laŭ censo de 2021). La 1 636 loĝantoj (2016) estas distribuataj en jenaj loĝlokoj:

Preĝejo de Sankta Kristoforo en Abionzo.

Abionzo, 142 loĝ., 4 el kiuj dise.
Aloños, 147 loĝ., 35 el kiuj dise.
Bárcena de Carriedo, 125 loĝ., 34 el kiuj dise.
Pedroso, 50 loĝ., 8 el kiuj dise.
Santibáñez, 217 loĝ., 94 el kiuj dise.
Soto, 20 loĝ., ĉiuj dise.
Tezanos, 379 loĝ., 123 el kiuj dise.
Villacarriedo (ĉefurbo), 552 loĝ., 2 el kiuj dise.

La rura karaktero de la municipo kaj ties izoligo favoris malpliigon de la loĝantaro komencita en la 1940-aj jaroj konstanta ekde tiam; oni perdis milon da loĝantoj ekde tiam.

Demografia evoluo
1900	1910	1920	1930	1940	1950	1960	1970	1980	1990	2000	2005
2.417	2.563	2.502	2.613	2.774	2.463	2.485	2.354	2.224	2.097	1.758	1.699

Fonto: INE

Ekonomio

Tradicie, la ekonomia agado de la municipo estis agrikulturo kaj brutobredado. Sed nuntempe oni transiris iome al turismo kaj industrio. Ĉiuokaze ankoraŭ 36,9 % de la laboristaro de la municipo dediĉas sin al la unuaranga sektoro, 15,1 % al la konstruado, 10,8 % al industrio kaj 37,2 % al triaranga sektoro.

Inter vidindaĵoj menciindas la tradicia arkitekturo kaj la preĝejoj ĝenerale, kaj precize la Palaco de Soñanes, la farinmuelejo de Santibáñez, la Lernejo Calasanz, kaj aliaj domegoj kaj blazondomoj.

Bildoj

Antaŭa fasado de la Palaco de Soñanes
Lernejo Calasanz

Vidu ankaŭ

Listo de municipoj de Kantabrio

Bibliotekoj

PeEnEo: 783808