Ampulloclitocybe clavipes

Ampulloclitocybe clavipes
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Hygrophoraceae
Generoa	Ampulloclitocybe
Espeziea	Ampulloclitocybe clavipes Redhead, Lutzoni, Moncalvo & Vilgalys, 2002
Basionimoa	Agaricus clavipes

Ampulloclitocybe clavipes Hygrophoraceae familiako onddo bat da. Berez jangarria bada ere, ez da interes gastronomikoduna, eta arazoak sor daitezke alkoholarekin batera hartuz gero.

Sinonimoak

Clitocybe clavipes

Deskribapena

Kapela: Eskuarki 5 cm inguruko diametrokoa, laua edo ganbil samarra, batzuetan kamuts-titiduna, kolore aldakorrekoa gris tonu desberdinen barruan, ertzerantz zurbila, gardentasunagatik ildaskatu samarra. Kapelaren azala leuna edo zetadun samarra.

Orriak: Krema kolorekoak, batzuetan isla horixkak izan ohi dituztenak, oso dekurrenteak eta nahiko estu.

Orri dekurrenteak: Hanka ukitzeaz gain beherantz jarraitzen duten orriak.

Hanka: Borra formakoa, kapelaren kolorekoa, oinarri kotoitsu eta zurixkarekin.

Haragia: Zuria, biguna, harroa, trinkotasun gutxikoa, kapelaren erdian laster desagertzen den punturaino, hutsune hori utziz.^[1]

Etimologia: Clavipes epitetoa latinetik dator, oina borra itxuran esan nahi duen “clavipes” hitzetik. Oinaren formagatik.

Jangarritasuna

Interes gastronomikorik gabea. Trinkotasun gutxiko haragia du.^[2]

Nahasketa arriskua

Erraz identifika daitekeen taxoia, esperientziarik gabeko zaletuak Clitocybe nebularis-ekin nahas lezake, baina honek tamaina handiagoa eta usain bereizgarria du. Oinaren forma dela eta, Infundibulicybe geotropa-rekin ere nahas liteke, baina Ampulloclitocybe clavipes baino sei aldiz handiagoa izan daiteke.

Sasoia eta lekua

Udan eta udazkenean. Talde txikitan edo isolatua hazten da, bai koniferoetan bai hostozabalen basoetan. Iberiar penintsulako iparraldean ohikoa.

Banaketa eremua

Erreferentziak

1. (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
2. (Gaztelaniaz) Sociedad micológica Barakaldo. Investigación y divulgación de la micologia.

Kanpo estekak