André Jolivet

André Jolivet
Irudi gehiago
Bizitza
Jaiotza	Parisko 18. barrutia, 1905eko abuztuaren 8a
Herrialdea	Frantzia
Heriotza	Parisko 7. barrutia, 1974ko abenduaren 20a (69 urte)
Hobiratze lekua	Montmartreko hilerria
Familia
Seme-alabak	ikusi Pierre-Alain Jolivet ^(en)
Hezkuntza
Heziketa	Parisko Unibertsitatea
Hizkuntzak	frantsesa
Irakaslea(k)	Edgar Varèse Louis Feuillard ^(en) Paul Le Flem
Ikaslea(k)	ikusi Judith Lang Zaimont ^(en)
Jarduerak
Jarduerak	musikagilea, musikologoa eta unibertsitateko irakaslea
Enplegatzailea(k)	Parisko Kontserbatorioa
Jasotako sariak	ikusi Ohorezko Legioko ofiziala Officer of Arts and Letters
Kidetza	Jeune France ^(en)
Mugimendua	musika klasikoa
Genero artistikoa	opera sinfonia

André Jolivet (Paris, 1905eko abuztuaren 8a - ib., 1974ko abenduaren 20a) frantses musikagile eta orkestra-zuzendaria izan zen.

E. Varèserekin eta P. Le Flemekin ikasi zuen Parisen. Varèsek konposizioaz eta orkestragintzaz zituen kontzeptu ausartak erakutsi zizkion eta musika «magikoa»aren bidea ireki zion. Mistikotasun eta magia kutsua nabari zaio lehen lanetan (Cinq incantations, Cinq danses rituelles pour flaute, Cosmogonie, Mana). Schönberg, Berg eta, batez ere, Bartókek lagundu zioten. Daniel Lesur, O. Messiaen eta Y. Baudrierrekin batera Jeune France izeneko taldea sortu zuen, frantses musika modernoa suspertzeko helburua zuena. Bere musikagintzaren bigarren aldian gai esoterikoak baztertu eta 1940. urtetik aurrera, gerran ibili ondoren, jendearengana hurbildu nahi izan zuen, musika zuzenagoa eta sinpleagoa erabiliz (Complaintes du soldat eta Poèmes intimes). Hirugarren aldian, berriz, tinbre eta hizkera berri berezi bila hasi zen, aurreko bi aldietako joerak batuz (Épithalame, Uxor tua meza). 1943-1959. urte bitartean Comédie-Françaiseko musika zuzendaria izan zen eta Parisko kontserbatorioko irakaslea 1965-70. urte bitartean. 1972. urtean Musika Sari Nazionala irabazi zuen.

Erreferentziak

Wikimedia Commonsen badira fitxategi gehiago, gai hau dutenak: André Jolivet

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.