Antigüedad | |||||||||||
---|---|---|---|---|---|---|---|---|---|---|---|
Espainiako udalerria | |||||||||||
Administrazioa | |||||||||||
Estatu burujabe | Espainia | ||||||||||
Autonomia | Gaztela eta Leon | ||||||||||
Probintzia | Palentziako probintzia | ||||||||||
Alkatea | Luis Fernando Cantero Mena (en) | ||||||||||
Izen ofiziala | Antigüedad | ||||||||||
Posta kodea | 34248 | ||||||||||
INEk ezarritako kodea | 34012 | ||||||||||
Herriburua | Antigüedad | ||||||||||
Geografia | |||||||||||
Koordenatuak | 41°56′48″N 4°07′07″W / 41.946666666667°N 4.1186111111111°W | ||||||||||
Azalera | 63 km² | ||||||||||
Altuera | 770 m | ||||||||||
Mugakideak | Torresandino, Tórtoles de Esgueva, Cevico Navero, Villaconancio, Baltanás, Palenzuela, Tabanera de Cerrato eta Cobos de Cerrato | ||||||||||
Demografia | |||||||||||
Biztanleria | 340 (2023) −7 (2022) | ||||||||||
| |||||||||||
Dentsitatea | 5 bizt/km² | ||||||||||
Matrikula | P |
Antigüedad Espainiako udalerri eta herri bat da, Cerrato eskualdean, Palentziako probintzian, Gaztela eta Leongo autonomia erkidegoan.
1054. urteko apirilaren 27an, Muniadona kondesak (Pedro nuñez semearekin eta eta Muño Gustios anaiarekin) Arlantzako San Pedro monasterioari 14 herri eman zizkion, horien artean Antiquitat, oraingo Antigüedad herria.
1436an, Antigüedad, Garfon (Garon) alokatu zuen urtero 1.000 marabedi eta 12 oiloren truke.
1492ko otsailaren 8an Antigüedadeko udalak Antonio Franko Valladolideko erregidoreari erosi zion Garon (Garfoneko Santa Maria) 36.000 marabediren truke.
1495ko urriaren 8an Antonio Francok Antigüedadeko udal kontzejua auzipearazi zuen alokailuaren kontratua apurtu zuelakoan (1436ko kontratua) baina Antigüedadeko kontzejuak 1492ko erosketa agiria erakutsi zuen. 1496ko martxoaren 20an finkatu zen epaiketa, baina ez da epaiaren dokumentu gehiagorik aurkitu.
1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2009 |
---|---|---|---|---|---|---|---|---|---|---|---|
1.202 | 1.326 | 1.368 | 1.509 | 1.409 | 1.506 | 1.343 | 731 | 515 | 426 | 434 | 407 |
Diotenez, Hornillosen lau hilabete iragan eta gero Joana I.a eroak bere aita Italiatik etorri zelako albistea jaso zuen. Tortoles de Esguevan elkartzea adostu zuten. 1507ko abuztuaren 24an, gortea gauez abiatu zen, erreginagaz, 7 hilabeteko infanta bategaz eta lau zaldi beltzek tiraturiko bere senarraren gorpuagaz. Mortuan zehar joan ziren eta Antigüedadeko bidea hartu eben Tortolesera heltzeko. Bide horretan, kondairak dioenez, Filipe "Ederra" senarraren gorpua gurditik erori zen eta erreginak gertakaria oroiteko harrizko gurutze bat ezarrarazi zuen justu gorpua erori zen lekuan. Gurutzeak 60-70 cm-ko altuera du eta gaur egun leku Tortoleserako bide zaharrean atzeman daiteke.
Lance Armstrong Gaztela eta Leonen itzuli zen txirrindularitzara, 2009ko martxoaren 23an. Antigüedadetik pasatu zenean jausi egin zen. Ondorioz “eskuineko klabikularen haustura garbia” gertatu zitzaion. El Torreón Gazte Elkartearen ekimenez bizikleta zahar bat jarri zen oroigarri modura.[1][2][3][4]
César eta Augusto Martín Campos Antiguedaden sorturiko anaia ziren, Espainiako Gerla Zibilean aurkako bandoetan suertatu zirenak. Espainiako aireko indarrek McDonnell Douglas F-4 Phantom II ehiza-hegazkin eta bonbardatzaile supersonikoa Antigüedadeko udalari eman zioten. Orain, Antigüedaden hegazkina dago monumento gisa.[5]
Antigüedadeko eliza, Jasokundeko Andre Mariarena, XVII. mendean berregin zen barroko estiloan.[6]
Garon herritik 5 kilometrora dago eta ez da inor bizi bertan. Garonen festa batzuk egiten dira. Garonen iturri bat dago eta eliza bat.
Garongo Andre Mariaren Jota.