Antoku enperadorea

Antoku enperadorea
Irudi gehiago
Japoniako enperadorea 1180ko martxoaren 18a - 1185eko apirilaren 25a ← Takakura ^(en) - Go-Toba ^(en) → crown prince ^(en) 1179ko urtarrilaren 24a -
Bizitza
Jaiotza	1178ko abenduaren 22a
Herrialdea	Japonia
Heriotza	Dan-no-ura ^(en) , 1185eko apirilaren 25a (6 urte)
Hobiratze lekua	Akama santutegia
Heriotza modua	Suizidio lagundua: itoaldia
Familia
Aita	Takakura
Ama	Taira no Tokuko
Haurrideak	ikusi Noriko-naishinnō ^(en) Kōshi-naishinnō ^(en) Ketsushi-naishinnō ^(en) Koreaki-shinnō ^(en) Morisada-shinnō ^(en) Go-Toba ^(en)
Leinua	Japoniako Leinu Inperiala
Hezkuntza
Hizkuntzak	japoniera
Jarduerak
Jarduerak	agintaria
Zerbitzu militarra
Parte hartutako gatazkak	Battle of Dan-no-ura ^(en)

Antoku enperadorea (japonieraz: 安徳天皇, Antoku Tennō^?, 1178ko abenduaren 22a - 1185eko apirilaren 25a) Japoniako 81. enperadorea izan zen, oinordekotza ordena tradizionalaren arabera. Haur bat zela gobernatu zuen Heian garaiaren amaieran, 1180ko apirilaren 22tik 1185eko apirilaren 25era arte. Bere izen pertsonala, Tokihito zen (言仁).

Biografia

Antoku 1178ko abenduaren 22an jaio zen. Takakura enperadorearen semea izan zen eta oso adin txikikoa zen tronura igo zenean, aitaren abdikazioa eta jarraitu zion heriotzaren ondoren.

Egia esan behar bada, boterea ez zen sekula bere esku egon. Aitona-amonak, erretiratuta zegoen Go-Shirakawa enperadore ohia eta, batez ere, inperioaren lehen ministroa zen Heike klaneko Taira no Kiyomori (Kenreimon-in enperatriz alargunaren aita) ziren benetako agintari.

Antoku enperadore umea irudi tragikoa da japoniar historian. Garaiko zurrunbilo politikoak hiriburua uztarazi zion, Heiketarrek Genji (Minamoto) klan arerioaren jazarpena sufritu zutelarik. Dan-no-ura itsas gudua (1185) erabakigarria izan zen eta Heiketarrak porrotera joan ziren, amona Taira no Tokikok, Kiyomoriren alargunak, bere burua, iloba besoetan, itsasora bota zuelarik^[1]. Enperadore txikiaren desagerpena eta Taira klanaren sarraskia gertatu ziren eta Heian aroaren amaiera suposatu zuten, Kamakura aroaren Shogunerria hasi zelarik^[2].

Kugyō

Kugyō (公卿) botere gehien duten pertsonaiak biltzen ditu termino honek eta zuzen-zuzenean zegoen lotuta Meijiren berrezarkuntza baino lehenagoko enperadoreari. Oinordekotzaz zetozen kortesanoak ziren eta haien esperientzia eta ospeak ondo kokatu zituzten gortearen senan. Antokuren erregealdian, hauek izan ziren:

• Sesshō, Konoe Motomichi, (1160–1233)
• Udaijin
• Nadaijin, Taira Munemori, (1147–1185)
• Dainagon

Bere garaiko aroak

• Jijo aroa
• Yowa aroa
• Juei aroa

Erreferentziak

1. (Gaztelaniaz)https://bujinkannagare.wordpress.com/2013/01/22/muerte-del-emperador-antoku-batalla-de-dan-no-ura-1185/
2. (Gaztelaniaz)https://web.archive.org/web/20160318222315/http://mx.tuhistory.com/hoy-en-la-historia/el-clan-taira-rapta-al-emperador-antoku

Aurrekoa Takakura enperadorea

Japoniako enperadorea 1180-1185

Ondorengoa Go-Toba enperadorea

Wikimedia Commonsen badira fitxategi gehiago, gai hau dutenak: Antoku enperadorea