Arte Ederren Museoa (Estrasburgo)
| Arte Ederren Museoa (Estrasburgo) | |
|---|---|
| musées de la ville de Strasbourg | |
 | |
| Kokapena | |
| Estatu burujabe |  Frantzia |
| Frantziaren banaketa administratiboa | Metropolitar Frantzia |
| Eskualdea |  Ekialde Handia |
| Departamendua | Rhin Beherea |
| Frantziako udalerri | Estrasburgo |
| Koordenatuak | 48°34′52″N 7°45′08″E / 48.581°N 7.7522°E |
 | |
| Historia eta erabilera | |
| Irekiera | 1890 |
| Inaugurazioa | 1890 |
| Zuzendaria | Kurt Martin |
| Bisitariak urtean | 46.483 |
| Kontaktua | |
| Telefonoa | tel:+33-3-68-98-51-60 |
| Webgune ofiziala | |
.jpg)
.JPG)
.JPG)
Estrasburgoko Arte Ederren Museoa (frantsesez: Musée des Beaux-Arts de Strasbourg) Estrasburgoko arte museoa nagusia da. Rohan jauregian kokaturik dago, lehen eta bigarren solairuetan eta 1890ean ireki zen[1].
XIV. mendearen eta 1871. urtearen arteko lanak gordetzen ditu[2]. 1.934 artelan zituen 2015eko abenduan baina 2019an doantza berriak jaso zituen[3]. Renania Garaiko 1681 arteko artisten lanak alboan dagoen Musée de l’Œuvre Notre-Dame eraikinean daude ikusgai[4].
Historia
[aldatu | aldatu iturburu kodea]Arte bilduma honek Frantziako Iraultzan du jatorria, izan ere garai hartan eliza eta klaustroetan expropiaturiko lanek osatzen baitute muina. 1801ko irailaren 14an Napoleon Bonaparteren gobernuak 15 arte museo probintzial ezarri zituen konfiskaturiko artelanak jasotzeko eta horietako bat Estrasburgon ezarri zuen[2]. Hasiera batean bildutako margolanek osatu zuten multzoa eta ondoren hainbat doaintza izan zituen, bereziki Louvre museoko inbentariotik gobernuak emandakoak.
Hasiera batean bilduma Kléber enparantzako Aubette etxean zegoen baina 1870ko abuztuaren 24an prusiarren artilleriak bete betean jo zuen eta etxea suntsituta gelditu zen. Frantzia-Prusia Gerra amaitzerakoan bilduma berreskuratzeko lana hartu zuen Wilhelm von Bode arte historialari inperialak[5]. 1890an Rohan jauregian batu zituen lan guztiak eta hurrengo urteetan bilduma handituz joan zen. Eraikina tokirik gabe gelditzen ari zen eta 1931n Hans Haug-en gidaritzapean[6] Erdi Aroko renaniar artisten lanak Musée de l’Œuvre Notre-Dame eraikin berrian bildu ziren eta 1973. urtean arte modernoko lanak Estrasburgoko Arte Moderno eta Garaikidearen Museoak jaso zituen[7].
1947ko abuztuaren 13an sua piztu zen eta Francesco Guardiren, Thomas de Keyserren, Antonio del Pollaioloren eta Lucas Cranach Zaharraren artelan baliotsuak erre ziren. Aseguru etxeek emandako dirua artelan berriak eskuratzeko erabili zen. Bildumak hainbat gehikuntza nabarmen izan zituen 1987an eta 1994an (Othon Kaufman eta François Schlageter bildfumagileen eskutik, margolan italiarrak), 2004an (Roger eta Elisabeth Eisenbeth-ek margolan herbeheretarrak), 2009an (Ann L. Oppenheimerrek emandakoak)[8] eta 2019an (Jeannine Poitrey aeta Marie-Claire Ballabioren eskutik etorriak)[9].
Bildumak
[aldatu | aldatu iturburu kodea]Italiarrak
[aldatu | aldatu iturburu kodea]- Giotto di Bondone
- Sano di Pietro
- Sandro Botticelli
- Cima da Conegliano
- Carlo Crivelli
- Filippino Lippi
- Piero di Cosimo
- Cima da Conegliano
- Raphael
- Correggio
- Veronese
- Tintoretto
- Guercino
- Canaletto
- Giambattista Tiepolo
- Salvator Rosa
- Alessandro Magnasco
- Giuseppe Maria Crespi
Flandriar eta hebeheretarrak
[aldatu | aldatu iturburu kodea]- Simon Marmion
- Hans Memling
- Lucas van Leyden
- Gerard David
- Maarten van Heemskerck
- Peter Paul Rubens
- Jacob Jordaens
- Salomon van Ruysdael
- Pieter de Hooch
- Antoon van Dyck
- Willem Kalf
- Pieter Claesz
- Christiaen van Couwenbergh
- Cornelis Engelsz
Espainiarrak
[aldatu | aldatu iturburu kodea]Frantziarrak
[aldatu | aldatu iturburu kodea]- Philippe de Champaigne
- Claude Lorrain
- Nicolas de Largillière
- François Boucher
- Simon Vouet
- Antoine Watteau
- Jean Siméon Chardin
- Philip James de Loutherbourg
- Jean-Baptiste-Camille Corot
- Théodore Chassériau
- Gustave Courbet
- Théodore Rousseau
- Edgar Degas
Eskultoreak
[aldatu | aldatu iturburu kodea]- Baccio Bandinelli
- Alessandro Algardi
- Alessandro Vittoria
- François Girardon
- Jean-Antoine Houdon
- Jean-Baptiste Carpeaux
- Antoine-Louis Barye
- Théodore-Charles Gruyère
- François Joseph Bosio
- Adolf von Hildebrand
Iruditegia
[aldatu | aldatu iturburu kodea]-
Hans Memling, Harrokeria eta lizunkeria. -
Raphael eta Giulio Romano, Neska gaztearen erretratua. -
El Greco, Mater Dolorosa. -
Tintoretto, Bizardunaren erretratua. -
Antoon van Dyck, Luigia Cattaneo-Gentileren erretratua. -
Nicolas de Largillière, Estrasburgotar neska polita. -
Canaletto, Santa Maria della Saluteren ikuspegia Kanal Handitik.
Erreferentziak
[aldatu | aldatu iturburu kodea]- ↑ (Frantsesez) Palais Rohan (Musée archéologique, Musée des Beaux-Arts, Musée des Arts Décoratifs) - Strasbourg. (Noiz kontsultatua: 2022-10-23).
- ↑ a b (Frantsesez) «Musée des Beaux-Arts de Strasbourg (67)» Musées Grand-Est (Noiz kontsultatua: 2022-10-23).
- ↑ (Ingelesez) Strasbourg, Best of the Double-Identity City - ConnollyCove. 2022-01-04 (Noiz kontsultatua: 2022-10-23).
- ↑ (Frantsesez) «Musée de l'Œuvre Notre-Dame - arts du Moyen Age - Strasbourg (67)» Musées Grand-Est (Noiz kontsultatua: 2022-10-23).
- ↑ (Frantsesez) «BODE (von, depuis 1914) Arnold Wilhelm» Fédération des Sociétés d'Histoire et d'Archéologie d'Alsace (Noiz kontsultatua: 2022-10-23).
- ↑ «Hans Haug, homme de musées - Musées de Strasbourg» www.musees.strasbourg.eu (Noiz kontsultatua: 2022-10-23).
- ↑ «Musée d'Art Moderne et Contemporain - Musées de Strasbourg» www.musees.strasbourg.eu (Noiz kontsultatua: 2022-10-23).
- ↑ (Frantsesez) «Les collections du musée des Beaux-Arts de Strasbourg enrichies grâce au legs Oppenheimer» Connaissance des Arts 2009-05-06 (Noiz kontsultatua: 2022-10-23).
- ↑ «Une donation exceptionnelle - Musées de Strasbourg» www.musees.strasbourg.eu (Noiz kontsultatua: 2022-10-23).
Kanpo estekak
[aldatu | aldatu iturburu kodea]- (Frantsesez)(Ingelesez)(Gaztelaniaz) Webgune ofiziala
Datuak: Q1535963
Multimedia: Musée des Beaux-Arts de Strasbourg / Q1535963